ជីវិតកម្សាន្ដ

កូនក្រមុំវ័យជិត៥០ឆ្នាំ អតីតតារាចម្រៀង ដឹកដៃកូនកំលោះវ័យជាង២០ឆ្នាំចូលរោងការ

បានផុស

៤ years មុន

នៅ

ថ្ងៃព្រហស្បតិ៍ ១៨ កុម្ភៈ ២០២១

ដោយ

ពិធីមង្គលការមួយកំពុងធ្វើឲ្យមហាជនមានចាប់អារម្មណ៍ ព្រោះតែកូនកំលោះមានអាយុទើបតែជាង២០ឆ្នាំ ចំណែកកូនក្រមុំមានអាយុរហូតដល់ជិត៥០ឆ្នាំ តែអាចសាងអនុស្សាវរីយ៍ចាប់ដៃគ្នាចូលរោងការបាន ដែលប្រភពបង្ហើបថា កូនក្រមុំរូបនេះជាអតីតតារាចម្រៀងផងដែរ។

មង្គលការរវាងកូនកំលោះវ័យក្មេងជាមួយកូនក្រមុំដែលមានវ័យជិតស្មើម្តាយ និងជាអតីតតារាចម្រៀងនេះ បានរៀបចំឡើងដោយមានការចូលរួមពីសំណាក់មេបាចាស់ទុំទាំងសងខាង ព្រមទាំងបងប្អូនញាតិមិត្តជាច្រើនចូលរួមអបអរឲ្យពរជ័យសិរីមង្គលដល់គូស្នេហ៍អ្នកទាំងពីរផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក អ៊ឹម ជីវ៉ា ដែលបានចូលរួមក្នុងពិធីមង្គលការនេះ បានបញ្ជាក់ថា ថ្ងៃនេះមកចូលរួមពិធីមង្គលការអតីតតារាចម្រៀងជើងចាស់គឺអ្នក នាង សាន សុខកក្កដា ដែលបានរៀបអាពាហ៍ពិពាហ៍ជាមួយលោក សុត វណ្ណស្មាវី ។ លោកថា កូនកំលោះអាយុ២៣ឆ្នាំ ចំណែកកូនក្រមុំអាយុ៤៦ឆ្នាំ។

ប្រភពបានបន្តថា បើទោះបីខាងស្រីមានវ័យចំណាស់ អាយុច្រើនជាង២០ឆ្នាំមែន តែក៏អាចឆក់យកបេះដូងបុរសម្នាក់នេះចូលរោងការបានដែរ។ ពិធីមង្គលការនេះ គឺអញ្ជើញភ្ញៀវចូលរួមជិត២០តុ ដែលប្រារព្ធធ្វើនៅថ្ងៃទី១៨ ខែកុម្ភៈ ឆ្នាំ២០២១នេះ នៅបុរីគ្រិសស្តាល់ ក្រុងតាខ្មៅ ខេត្តកណ្តាល ។

តាមរយៈមង្គលការនេះដែរ គេសង្កេតឃើញមានការចូលរួមអបអរយ៉ាងច្រើនពីភ្ញៀវកិត្តិយសជិតឆ្ងាយ។ ខណៈមានទស្សនិកជននិងអ្នកប្រើប្រាស់បណ្តាញសង្គមហ្វេសប៊ុកច្រើនបានចូលរួមអបអរហើយជូនពរជ័យដល់គូស្វាមីទាំងពីរនាក់នេះផងដែរ៕

អត្ថបទ ៖ ចាន់រ៉ា