ជីវិតកម្សាន្ដ

Lisa ពិតជាទៅគាំទ្រ Taylor Swift ដល់សិង្ហបុរីមែន

បានផុស

១ year មុន

នៅ

ថ្ងៃអង្គារ ៥ មីនា ២០២៤

ដោយ

កាលពីថ្ងៃទី០៤ ខែមីនា ឆ្នាំ២០២៤ Lisa សមាជិកក្រុម BLACKPINK ថតរូបជាមួយ Taylor Swift បន្ទាប់ពីការសម្តែងក្នុងកម្មវិធី The Eras Tour នៅប្រទេសសិង្ហបុរី ខណៈដែលអ្នកគាំទ្រជុំវិញពិភពលោកបានចាត់ទុកថានេះជារូបភាពប្រវត្តិសាស្ត្រ ដែលប្រមូលផ្តុំស្ត្រីមានឥទ្ធិពល។

សមាជិកក្រុម BLACKPINK រូបនេះ បានបង្ហោះរូបថតរួមគ្នាជាមួយម្ចាស់ប្រគំតន្ត្រី Taylor Swift នៅលើគណនី Instagram ផ្ទាល់ខ្លួនរបស់នាង និងបានថ្លែងសារសម្រាប់ការទស្សនាការប្រគំតន្ត្រីនេះថា “ការប្រគំតន្រ្តីនៅ The Eras Tour! ការសម្តែងដ៏អស្ចារ្យបំផុតរបស់ taylorswift”។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះយ៉ាងណាក៏ដោយ បន្ទាប់ពីអ្នកគាំទ្រជុំវិញពិភពលោកបានឃើញតារាស្រីទាំងពីរថតអោបគ្នាយ៉ាងគួរឲ្យស្រលាញ់។ ម្នាក់ៗបានសម្រុកចូឡទៅបញ្ចេញមតិសរសើរយ៉ាងលើសលប់ ដោយបានចាត់ទុកថានេះជារូបភាពប្រវត្តិសាស្ត្រដ៏កម្រពីសិល្បករមានឥទ្ធិពល២រូប។

លើសពីនេះទៀតដែរ ការបង្ហាញខ្លួនរបស់ Lisa បានបង្កើតភាពរំភើបក្នុងចំណោមអ្នកគាំទ្រជុំវិញពិភពលោក។ ព្រោះតារាស្រីវ័យក្មេងទាំងពីរត្រូវបានគេចាត់ទុកថាជាតារាចម្រៀងលេខមួយក្នុងវិស័យនាពេលបច្ចុប្បន្ន រហូតដល់មនុស្សចាត់ទុកសិង្ហបុរីជាប្រទេសដែលមានកេរ្តិ៍ឈ្មោះច្រើនជាងគេក្នុងពេលតែមួយថែមទៀតផង។

យ៉ាងណាមិញ ការទៅមើលការប្រគំតន្ត្រីលើកនេះ មិនមែនមានតែ Lisa នោះទេ។ ប៉ុន្តែក៏មានតារាចម្រៀង K-Pop ផ្សេងទៀតដូចជា Sorn Chonlasorn Sajjakul អតីតសមាជិកក្រុមចម្រៀងស្រី CLC និង Choi Min Ho មកពីក្រុម SHINee ជាដើម។