ទស្សនិកជន​ភ្ញាក់ព្រើត នឹង​អត្តចរិត Thikam Ritta ប៉ះ​គ្នា​ជាមួយ Pooklook ក្នុង​រឿង​ភាគ​ថ្មី​នេះ

ទីបំផុតរឿង «Leh Luang» ជាសាច់រឿងថ្មី ដែលទស្សនិកជនទន្ទឹងរង់ចាំ បានចេញវីដេអូ និងបញ្ជាក់ពីថ្ងៃ​ចាក់ផ្សាយ​ជា​ផ្លូវ​ការ​ហើយ។

រឿង «Leh Luang» នឹងចាប់ផ្តើមផ្សាយនៅលើកញ្ចក់ទូរទស្សន៍ប៉ុស្តិ៍ ONE31 ថៃ ចាប់ពីថ្ងៃទី ១០ ខែ មីនា នេះហើយ។ អ្វី​ដែ​ល​ធ្វើ​ឱ្យ​អ្នកគាំទ្រអត់ទ្រាំរង់ចាំទស្សនាស្ទើរពុំបាន ក្រោយពេលទស្សនាវីដេអូខ្លីក្នុងរឿងនេះហើយ ត្រង់តួសម្ដែងជើងចាស់ Thikam ហៅ Cheermy ត្រូវតម្រូវឲ្យសម្ដែងជាចិត្តអាក្រក់ មានល្បិចកលច្រើន ដែលនឹងបង្កជាព្យុះភ្លៀងដល់​សាច់រឿងទាំងមូលកាន់តែមា​ន​ឈុត​ជក់ចិត្តយ៉ាងច្រើន។

ពិសេសជាងនេះទៅទៀត តួសម្ដែង Thikam ត្រូវមកប៉ះជាមួយតួឯកស្រីនៅក្នុងរឿង ដែលសម្ដែងដោយ Pooklook ពួកគេត្រូវ​មា​ន​​រឿង​កាច់កុងគ្នាមិនចេះមិនចេះហើយ ព្រមជាមួយឈុតឆាកទះតប់គ្នាជាដើម។

គួររម្លឹកផងដែរថា រឿង «Leh Luang» សម្ដែងដោយតួឯកប្រុសវ័យក្មេង jesjpp និងតារាសម្ដែងប្រុសស្រីល្បី​ឈ្មោះ​ជាច្រើន​រូប​ទៀ​ត​ដែលជាសណព្វចិត្តទស្សនិកជន៕

អត្ថបទផ្ដល់ដោយ៖Porman

ចុចអាន៖ខ្សែភាពយន្តរន្ធត់ដំបូង Mark Prin ​ប្រកាសថ្ងៃចាក់បញ្ចាំង