ក្រោយលេចឮល្អក់កករ ពេលនេះ Bella និងរៀមច្បង Anne ប៉ះគ្នានៅកម្មវិធីមួយ​

តារាសម្ដែងថៃ Bella Ranee បានបង្ហាញខ្លួននៅក្នុងកម្មវិធី World’s Fashion District: EQUINOX Summer 2024 រួមគ្នាជាមួយ James Jirayu ព្រមទាំងតារាល្បីៗរបស់ថៃ​។ ប៉ុន្តែអ្វីដែលធ្វើឲ្យអ្នកគាំទ្រចាប់អារម្មណ៍ខ្លាំងនោះគឺ នាងអង្គុយកៀកនឹងតារារៀមច្បង Anne Thongprasom ។

កន្លង​មក​ នៅលើបណ្ដាញអ៉ិនធើណេតអ្នកសារព័ត៌មានបានចុះផ្សាយព្រោងព្រាតនូវទំនាក់ទំនងរបស់តារាស្រីក្នុងទ្រនំប៉ុស៍លេខ៣រួមគ្នាថាពួកគេមានបញ្ហាមិនចូះសម្រុងនឹងគ្នា។ ក្នុងនោះគេបានចោទសួរទៅកាន់អ្នកដឹកនាំរឿង Anne ថា ហេតុអ្វីមិនដែលអញ្ជើញ Bella មកសម្តែងក្នុងរឿងរបស់គាត់?

យ៉ាងណាក៏ដោយ សំណួរមួយនេះបានក្លាយជាព្រឹត្តិការណ៍ក្ដៅគគុករវាងតារាស្រីទាំងពីរប្រឈមដាក់គ្នា។ ក្រោយមកទើប Bella ខ្លួនឯងបានឆ្លើយតបនឹងរឿងនេះថា ដោយសារ​តែ​នាងការងាររវល់ខ្លាំង និង​កត្តា​ជា​ច្រើន​ទៀត​ដែល​នាង​មិន​មានវត្តមាន​ក្នុង​ការ​សម្ដែង​រឿង​ឲ្យ Anne ហើយជាពិសេសនោះទៀតសោត Anne បាន​អញ្ជើញ​ឲ្យ​ធ្វើ​ការ​ជាមួយ​គ្នារួចហើយ។

ដោយឡែក ងាកមកកាន់ថ្ងៃនេះវិញ បន្ទាប់ពីត្រូវបានគេអញ្ញើញឲ្យចូលរួមក្នុងកម្មវិធី WORLD’S FASHION DISTRICT: EQUINOX SUMMER 2024​ អ្នកទាំងពីរបាន​បញ្ជាក់​ថា​មិន​មាន​បញ្ហា​អ្វី​ជាមួយ​គ្នា​នោះ​ទេ។ កន្លងមកដោយសារតែការចុះផ្សាយរបស់អ្នកសារព័ត៌មាន ទើបធ្វើឲ្យអ្នកគាំទ្រមានការយល់ច្រឡំ ហើយមិនសប្បាយចិត្តទាំងសងសខាង។

យ៉ាងណាក៏ដោយ បន្ទាប់ពីមហាជនរួមទាំងអ្នកគាំទ្រទាំង Anne Thongprasom និង Bella Ranee ហាក់មានការធូរចិត្តនិងសប្បាយចិត្តជាងមុន។ ជាពិសេសម្នាក់ៗបានបញ្ចេញមតិថា អ្នកទាំងពីរគួរតែមានការងាររួមគ្នាឆាប់ៗនេះដើម្បីឲ្យហ្វេនកាន់តែមានទំនុកចិត្តកាន់តែខ្លាំងជាងមុនទៀត៕

អត្ថបទ៖ សាង ស្រីល័ក្ខ

ចុចអាន៖តុលាការនឹងបើកសវនាការ​រឿងក្ដីក្ដាំមេ MU ថៃ ពាក់ព័ន្ធនឹងការប្រកាសក្ស័យធននៅខែក្រោយ