ជីវិតកម្សាន្ដ

ម៉ៅ ហាជី និងអ្នកនិពន្ធបទ “Teamទឹកត្នោតជូរ” សុំទោសមហាជនជាសាធារណៈ ក្រោយផ្ទុះការរិះគន់

បានផុស

១ year មុន

នៅ

ថ្ងៃព្រហស្បតិ៍ ៧ មីនា ២០២៤

ដោយ

ទីបំផុតតារាចម្រៀងលោក ម៉ៅ ហាជី និងអ្នក និពន្ធទំនុកច្រៀងបទ “Teamទឹកត្នោតជូរ” បានចេញមុខមកសុំទោសមហាជនជាសាធារណៈ បន្ទាប់ពីផ្ទុះការរិះគន់យ៉ាងចាស់ដៃពាក់ព័ន្ធយកបទ “ដែនដីខ្មែរ” មកកែក្រឡៃប៉ារ៉ូលផ្ទុយពីអត្ថន័យដើម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រាកដណាស់ការចេញមុខសុំទោសរបស់តារាចម្រៀងលោក ម៉ៅ ហាជី និងអ្នកនិពន្ធរូបនេះស្របពេលដែលផ្ទុះការវែកញែក និងការរិះគន់នៅលើបណ្តាញសង្គមហ្វេសប៊ុក ហើយTik Tok ក្រោយពួកគេបានបញ្ចេញបទចម្រៀងដែលមានចំណងជើងថា “Teamទឹក ត្នោតជូរ” ខណៈបទនេះត្រូវបានគេដឹងថា យកប៉ារ៉ូល លំនាំបទ “ដែនដីខ្មែរ” ដែលជាព្រះរាជនិពន្ធដោយ សម្ដេច ព្រះមហាសង្ឃរាជ ជួន ណាត ទៅកែក្រឡៃ។

នៅលើទំព័រហ្វេសប៊ុកអាចារ្យ ធំ បានលើឡើងខ្លឹមសារថា «ព្រះរាជនិពន្ធដោយសម្ដេច ព្រះមហាសង្ឃ រាជ ជួ ន-ណាត “ដែនដីខ្មែរ ប្រែថាសុវណ្ណភូមិ…” មិនមែនដែនដីខ្មែរ ប្រែ ថាគ្រឿង ស្រវឹងប្រមឹកទេ បទជាតិមួយទាំងមូលដែលត្រូវតម្កល់ដោយការគោរព និងបណ្ដុះគំនិតជាតិនិយមបែរជាថ្លើមធំហ៊ានប្រមាថ។ តើក្នុងក្បាលរបស់អ្នកនិពន្ធ និងអ្នកច្រៀងមានខួរដែរឬទេ ? តើពួកនេះជាខ្មែរ ឬទេ? ហេតុអ្វីវង្វេង?»

នៅព្រឹកថ្ងៃទី០៧ ខែមីនា ឆ្នាំ២០២៤ នេះ លោក ម៉ៅ ហាជី បានចេញសារសុំទោសមហាជនថា «សុំទោសបងប្អូនទាំងអស់គ្នាសម្រាប់បទនឹងគឺខ្ញុំបានលុបចោលហើយ»។

លោកបន្តថា នេះជាកំហុសអចេនាមួយដែលបានឡើងរហូតធ្វើឲ្យមហាជនមានការមិនសប្បាយ និងរិះគន់ពួកខ្លួនដូច្នេះលោកមានតែការលើកដៃសំពះសុំទោសជាសាធារណៈនូវកំហុសឆ្គងដែលបានកើតឡើង។

លោក ម៉ៅ ហាជី បានបញ្ជាក់ទៀតថា ពួកលោកសូមសន្យាមិនឲ្យមានកើតឡើងនូវបញ្ហានេះទៀត ពោលគឺលែងឲ្យមានការប៉ះពាល់ដល់ភ្លេងជាតិទៀតហើយរីឯការចេញបទនេះ ខាងផលិតកម្ម ថោន ក៏មិនបានដឹងដែរ។ លោកក៏ស្នើសុំដល់មហាជនមេត្តាឈប់រិះគន់ ឬ មួយខឹងទៅខាងផលិតកម្មផងដែរដោយរូបលោកក៏ដូចជាអ្នកនិពន្ធសូមសន្យាថាឈប់ឲ្យមានរឿងបែបនេះទៀតហើយ៕

អត្ថបទ៖ ចាន់រ៉ា