ជីវិតកម្សាន្ដ

តារាសម្តែង វ៉ាន់ វល័ក្ខ សម្រេចដាក់ពាក្យប្តឹងក្មេងម្នាក់ បន្ទាប់ពីរងការជេរប្រមាថកិត្តិយស

បានផុស

១ year មុន

នៅ

ថ្ងៃព្រហស្បតិ៍ ១៤ មីនា ២០២៤

ដោយ

ដោយមិនព្រមទទួលយកការសុំទោសទីបំផុតតារាសម្តែងរូបស្រស់កញ្ញា វ៉ាន់ វល័ក្ខ បានសម្រេចដាក់ពាក្យប្តឹងចំពោះនារីម្នាក់បន្ទាប់ពីរងការជេរប្រមាថ កិត្តិយសយ៉ាងធ្ងន់ធ្ងរកាលពីថ្មីៗកន្លងមកនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាស្រីកញ្ញា វ៉ាន់ វល័ក្ខ បានបញ្ជាក់ឲ្យដឹងថា កាលពីប៉ុន្មានថ្ងៃមុននេះសុខៗស្រាប់តែមានក្មេងស្រីម្នាក់បានតេទៅនាងទាំងយប់ដោយប្រើពាក្យសម្តីជេរប្រមាថមកលើខ្លួន។ យ៉ាងណាមិញ ក្រោយការជេរប្រមាថមកលើរូបនាងហើយបុគ្គលរូបនោះក៏បានព្យាយាមស្វែងរកការសុំទោសវិញផងដែរ ប៉ុន្តែដោយសារទង្វើគឃ្លើនមិនខ្លាចច្បាប់ទើបនាងសម្រេចចាត់វិធានការតាមផ្លូវច្បាប់តែម្តង។

យ៉ាងណាមិញ កាលពីពេលថ្មីៗនេះ តារាសម្តែង វ៉ាន់ វល័ក្ខ បានបង្ហោះខ្លឹមសារបញ្ជាក់ថា “ក្ដៅក្រហាយណាស់ ប៉ុន្មានថ្ងៃនេះដេកមិនបានញ៉ាំមិនចូលរវល់ធ្វើការរឿងនាង គ្មានបានរកស៊ីអីទេ មកសុំបញ្ចប់ត្រឹមពាក្យសុំទោសស្រួលៗម្លិះ ចុះអាពេលខ្ញុំទុកពេលឲ្យសុំទោសម្ដេចមិនសុំសម្តីនៅខ្លាំងសុទ្ធមិនខ្លាចច្បាប់ឥឡូវខ្ញុំធ្វើតាមច្បាប់ហើយម្ដេចភ័យញ័រទាំងខ្លួនអ៊ីចឹង“។

គួររម្លឹកថា មុននេះកញ្ញា វ៉ាន់ វល័ក្ខ បានលើកឡើងថា នៅសុខៗមានក្មេងស្រីពាលខលមកជេរអត់ឲ្យរួចខ្លួនទេមិនផុសរូបភាព ឬវីដេអូ ព្រោះទុកឲ្យសមត្ថកិច្ចគេធ្វើការ ចែមិនផុសអ្វីព្រោះកំពុងតែធ្វើការ រូបភាព វីដេអូសំឡេង ប្អូនៗគ្រប់គ្រាន់ចែធ្វើការហើយចាំជួបគ្នា។ នាងបន្តថា នាងនេះហ៊ានណាស់ថ្ងៃសំខាន់មកនាំរឿងឲ្យឯងរវល់ជាមួយឈុតធំ ចាំទទួលឈុតធំ តាមផ្លូវច្បាប់ជាមួយខ្ញុំវិញផង អត់ចេះផុសជេ ដូចក្មេងបាតផ្សាទេខ្ញុំចេះតែបែបច្បាស់ៗ៕

អត្ថបទ៖ ចាន់រ៉ា