ជីវិតកម្សាន្ដ

Lisa ត្រៀមចេញបទចម្រៀងរួមគ្នាលើកដំបូងជាមួយតារាចម្រៀងអាហ្រ្វិកខាងត្បូង Tyla

បានផុស

១ year មុន

នៅ

ថ្ងៃព្រហស្បតិ៍ ១៤ មីនា ២០២៤

ដោយ

អ្នកគាំទ្រទូទាំងពិភពលោកហាក់មានការភ្ញាក់ផ្អើលយ៉ាងខ្លាំង បន្ទាប់ពី Lisa សមាជិកក្រុម BLACKPINK កំពុងតែត្រៀមខ្លួនចេញបទជាមួយ Tyla Laura Seethal ដែលជាអ្នកចម្រៀង និងអ្នកនិពន្ធបទចម្រៀងអាហ្រ្វិកខាងត្បូងមានស្នាដៃល្បីៗជាច្រើនរាប់មិនអស់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈគណនីផ្ទាល់របស់តារាចម្រៀងស្រី Tyla បានបញ្ជាក់ថា នាងពិតជាសហការជាមួយសមាជិកក្រុម BLACKPINK ពិតមែន ខណៈអ្នកទាំងពីរគ្រោងនឹងចេញបទច្រៀងរួមគ្នាក្នុងពេលឆាប់ៗខាងមុខនេះ។ ក្នុងនោះផងដែរ Tyla បានបង្ហោះនូវវីដេអូឃ្លិបបង្ហាញពីបរិយាកាសនៃការធ្វើការជាមួយ Lisa នៅក្នុងស្ទូឌីយោថតដែលនាងបានសរសេរនៅលើវីដេអូនោះទេ “អាល់ប៊ុមនេះ នឹងចេញនៅសប្តាហ៍ក្រោយ ហើយគ្រាន់តែឲ្យ Lisa ឮវាជាលើកដំបូង”។

ក្នុងឃ្លិបនេះគេអាចមើលឃើញថាតារាស្រីទាំងពីររូបនេះ ពួកគេមើលទៅសប្បាយរីករាយ ញញឹម និងសើចគ្រប់ពេល។ មុនពេលក្រោយ Tyla បានបង្ហោះរឿង IG បន្ថែមជាមួយ Lisa ជាមួយនឹងចំណងជើង”ក្មេងស្រីតូចដែលគួរ្យស្រឡាញ់បំផុត។ ខ្ញុំទើបតែបានលេងបទចម្រៀងដែលខ្ញុំចូលចិត្តពីរបីបទពីអាល់ប៊ុមចុងក្រោយនេះ។ ការសហការរបស់ Lisa និង Tyla ប្រាកដជានឹងចេញក្នុងពេលឆាប់ៗនេះ។

យ៉ាងណាមិញ ព្រឹត្តិការណ៍នេះបានធ្វើឲ្យអ្នកគាំទ្រទាំង Lisa និង Tyla ហាក់មានការសប្បាយរីករាយយ៉ាងខ្លាំងនៅពេលដែលដឹងថា អ្នកទាំងពីរនឹងចេញនូវបទចម្រៀងរួមគ្នាលើកដំបូង។ អ្វីដែលអ្នកគាំំទ្រទូទាំងពិភពលោកហាក់មានក្ដីរំពឹងខ្ពស់នោះគឺថា តារាស្រីទាំងពីរនាក់នេះជាកំពូលតារាចម្រៀងលំដាប់ពិភពលោកនាពេលបច្ចុប្បន្ន។ ដូច្នេះការចេញបទចម្រៀងរួមគ្នា ប្រាកដណាស់ថា នឹងផ្ទុះខ្លាំំងពេញពិភពចម្រៀងជាក់ជាមិនខានឡើយ៕