ជីវិតកម្សាន្ដ

ឃុំ ប៉ុណ្ណាដែត អង្វរអ្នករកស៊ី Game online បញ្ឈប់ការទាក់ទងអូសទាញ

បានផុស

៧ ខែ មុន

នៅ

ថ្ងៃព្រហស្បតិ៍ ១៤ មីនា ២០២៤

ដោយ

តារាចម្រៀងចាស់វស្សាលោក ឃុំ ប៉ុណ្ណាដែត បានផ្ទុះប្រតិកម្មដោយបង្ហាញអារម្មណ៍ មិនសប្បាយ ចិត្ត ខណៈមានក្រុមអ្នករកស៊ីតាមGame online និងផ្នែកលក់ខនដូមួយចំនួនបានព្យាយាមទាក់ទងដើម្បីអូសទាញឲ្យចូលរួមជាមួយក្រុមពួកគេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រតិកម្មរបស់តារាចម្រៀងលោក ឃុំ ប៉ុណ្ណាដែត នេះបន្ទាប់ពីក្រុមទាំងនោះបានព្យាយាមទាក់ទងម្តងហើយម្តងទៀងដើម្បីបញ្ចុះបញ្ចូលឲ្យលោកចាប់អារម្មណ៍ទៅលើពួកគេ។ លោកបានសម្តែងការមិនពេញចិត្តថា «មួម៉ៅទាំងព្រឹកខ្ញុំសុំមេត្តាប្អូនៗ ដែលផ្នែកលក់ខនដូ និងGame onlineនានាមេត្តាបន្ថយដៃ Callមកលេខខ្ញុំបន្តិចទៅនេះទើបម៉ោង មិនទាន់ ៨ ព្រឹកផង Call បណ្តាក់គ្នាដូចខ្យងអញ្ចឹងមិនទាន់បានបាយព្រឹកផង សុំឲ្យជួយទិញខនដូ-លេងGame Online»។

លោកឃុំ ប៉ុណ្ណាដែត បញ្ជាក់ថា «ក្នុងដំណាក់កាលនេះ ឲ្យតែមានលុយឲ្យកូនរៀន មានលុយចាក់សាំង មានលុយសម្រាប់អាហារបីពេលនោះជាការល្អហើយ ទៅចង់មានបានដោយសារលេងល្បែងនោះគឺមិនទេ មួម៉ៅទាំងព្រឹក»។ តាមរយៈ ជំហររបស់លោក ឃុំ ប៉ុណ្ណាដែត ដោយមិនគាំទ្រការលេងល្បែងតាមអនឡាញនេះបានធ្វើឲ្យមហាជនសរសើរ និងគាំទ្រផងដែរ។ឮ

ដោយឡែកបើនិយាយពីរឿងជីវិតគូររបស់ លោក ឃុំ ប៉ុណ្ណាដែត ដែលជាស្វាមី និងភរិយាគឺអ្នកនាង យក់ ឋិតរដ្ឋា ឯណេះវិញ ឃើញថាអ្នកទាំងពីរគឺស្រលាញ់គ្នាខ្លាំងណាស់រហូតសាងសុភមង្គលដ៏ផ្អែមល្ហែម និងមាន កូន ៣ នាក់ ជាចំណងដៃអាពាហ៍ពិពាហ៍ទៀតផង។ ទន្ទឹមគ្នានេះ គេសង្កេតឃើញអ្នកនាងយក់ ឋិតរដ្ឋា និងស្វាម លោក ឃុំ ប៊ុណ្ណាដែត តែងបានបង្ហាញស្នាមញញឹមយ៉ាងមានក្តីសុខ៕

អត្ថបទ៖ ចាន់រ៉ា