ជីវិតកម្សាន្ដ

នំអាពាហ៍ពិពាហ៍របស់ Natinee-Fluke ជាស្នាដៃអ្នកទោសក្នុងពន្ធនាគារខេត្តរ៉ាក់យ៉ង

បានផុស

១០ ខែ មុន

នៅ

ថ្ងៃសុក្រ ១៥ មីនា ២០២៤

ដោយ

ក្នុងពិធីមង្គលការរបស់តារាសម្ដែងនិយមតួឆ្នាសឆ្នើមនាង Natinee Chiaravanond និងស្វាមី Fluke Krirkphol កាលពីថ្ងៃទី ០៩ ខែ មីនា ឆ្នាំ ២០២៤ បានធ្វើឲ្យមនុស្សជាច្រើនរំភើបនិងត្រេកអរយ៉ាងខ្លាំងនូវសុភមង្គលរបស់អ្នកទាំងពីរ បន្ទាប់ពីផ្អាក់ពិធីជិត៤ឆ្នាំមកហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្វីបើយ៉ាងនេះក្ដី អ្វីដែលធ្វើឲ្យទស្សនិកជនរួមទាំងភ្ញៀវដែលមកចូលរួមក្នុងពិធីមានការភ្ញាក់ផ្អើលបំផុតនោះគឺ នំអាពាហ៍ពិពាហ៍ដ៏ធំបំផុតក្នុងពិធី រហូតធ្វើឲ្យគ្រប់គ្នាស្ងើចសរសើរថា ពិតជាអស្ចារ្យខ្លាំងមិនធម្មតានោះទេ។ ជាពិសេរចនាប័ទ្មនិងការតាក់តែងលើនំមួយនេះ ហាក់ប្លែកខុសពីហាងផ្សេងៗដែលគ្រប់គ្នាធ្លាប់ឃើញពីមុនមក។

ក្រោយមកតារាសម្ដែងស្រី Natinee Chiaravanond បានបង្ហោះរូបភាពក្នុងពិធីដោយបង្ហាញពីសកម្មភាពកូនកំលោះកូនក្រមុំឈរកាត់នំអាពាហ៍ពិពាហ៍ ក្នុងខេបសិនជាភាសាអង់គ្លេសបញ្ចាក់ថា “But I can’t help falling in love with you❤️ @fluke777 #blessed #Cake by in Rayong Central Prison. ស្អាតហើយពេញចិត្តបំផុត នេះជាស្នាដៃរបស់អ្នកទោសក្នុងពន្ធនាគារខេត្តរ៉ាក់យ៉ង”។

យ៉ាងណាមិញ ព្រឹត្តិការណ៍នេះធ្វើឲ្យមនុស្សជាច្រើនស្រឡាំងកាំងនិងមានការភ្ញាក់ផ្អើលយ៉ាងខ្លាំង បន្ទាប់ពីដឹងថានំដ៏ស្រស់ស្អាតនេះធ្វើការបញ្ជូនមកផ្ទាល់ពីអ្នកទោសក្នុងពន្ធនាគារខេត្តរ៉ាក់យ៉ង ព្រមជាមួយការសរសើរស្នាដៃ និងជំនាញរបស់មនុស្សដែលបានផលិត។ លើសពីនេះទៀតដែរ មហាជនជាច្រើនបានចូលទៅបញ្ចេញមតិពោលសរសើរ ដល់ Natalie និងស្វាមី ដែលបានជ្រើសរើសនំត្រូវនឹងគំនិតនៃព្រឹត្តិការណ៍នេះ ថែមទាំងអាចផ្តល់ឱកាសដល់អ្នកក្នុងពន្ធនាគារ ដើម្បីបង្ហាញជំនាញរបស់ខ្លួនផងដែរ៕