ជីវិតកម្សាន្ដ
បវរកញ្ញា ជាង ៦០ ប្រទេស មកពីជុំវិញពិភពលោក លេចវត្តមានថតរូបអប្សរា នៅប្រាសាទអង្គរវត្ត
អ្នកគាំទ្រ និងនិយមតាមដានវិស័យបវរកញ្ញានៅកម្ពុជា មានការចាប់អារម្មណ៍ខ្លាំង ខណៈបវរកញ្ញាជាង ៦០ ប្រទេស មកពីជុំវិញពិភពលោក បានធ្វើដំណើរមកដល់ប្រទេសកម្ពុជា ដើម្បីចូលរួមប្រកួតប្រជែងកម្មវិធី Universal Woman 2024 ដែលកម្ពុជាធ្វើជាម្ចាស់ផ្ទះ។
ប្រាកដណាស់ កម្មវិធីប្រកួតអន្តរជាតិ Universal Woman 2024 ដែលកម្ពុជាធ្វើជាម្ចាស់ផ្ទះ បានចាប់ផ្ដើមកាលពីថ្ងៃទី ១៤ ដល់ ថ្ងៃទី ២៤ ខែមីនា ឆ្នាំ ២០២៤ នៅទឹកដីអង្គរ-ខេត្តសៀមរាប។ អ្វីកាន់តែអស្ចារ្យខ្លាំងថែមទៀត អ្នកនាង ប្រាសាទ ដាវីន ដែលជាអ្នកទទួលបន្ទុកក្នុងការរៀបចំការប្រកួតអន្តរជាតិនេះ បានដឹកនាំបេក្ខភាព Universal Woman 2024 ទាំងអស់ គ្រងនូវឈុតអប្សរាខ្មែរយ៉ាងប្រណីត ដើម្បីថតរូបនៅប្រាសាទអង្គរវត្ត។
តាមរយៈសកម្មភាពនេះ កំពុងទទួលការគាំទ្រ និងសរសើរពីមហាជនគ្រប់មជ្ឈដ្ឋាន បន្ទាប់ពីឃើញបវរកញ្ញាជាង ៦០ ប្រទេស មកពីជុំវិញពិភពលោក លេចវត្តមានថតរូបអប្សរានៅប្រាសាទអង្គរវត្ត ដើម្បីជាការួមចំណែកផ្សព្វផ្សាយពីតំបន់ទេសចរណ៍មរតកវប្បធម៌ដូនតាខ្មែរទៅកាន់អន្តរជាតិ។
ជាក់ស្ដែងនៅលើផេកហ្វេសប៊ុកផ្លូវការរបស់ Universal Woman Cambodia ក្រៅពីការបង្ហាញរូបភាពគ្រងឈុតអប្សរា ក៏បានលើកឡើងថា «ឈុត អប្សរា ពី Universal Woman 2024 នៅទឹកដីប្រាសាទអង្គរវត្ត ទោះជាក្តៅយ៉ាងណា ក៏យើងព្យាយាមឲ្យបេក្ខភាពដោះស្បែកជើង ដើម្បីថតរូបផ្លូវការតាមក្បួនច្បាប់របស់ខ្មែរដែរ យើងក៏អរគុណ និងសរសើរដល់បេក្ខភាពដូចគ្នា ដែលគោរពតាមក្បួនខ្នាតរបស់ខ្មែរយើង»។
ប្រភពដដែលបានបន្ថែមថា «បងប្អូន នេះជាសកម្មភាពខ្លះៗ នៅពីក្រោយការថតរូបនៅប្រាសាទអង្គរវត្តរបស់ Universal Woman 2024 លោកគ្រូ-អ្នកគ្រូ ក្រុមការងារទាំងអស់ បានព្យាយាមបង្រៀនពីការរាំរបាំអប្សរា ការថតរូបអប្សរា អត្ថន័យ នៃក្បាច់របាំអប្សរា ហើយព្យាយាមមើលសម្លៀកបំពាក់ ដើម្បីធានាឲ្យបានថា ត្រូវតាមក្បួនខ្នាត និងមានរបៀបរៀបរយ យើងក៏ព្យាយាមធ្វើឲ្យបានល្អបំផុត និងប្រុងប្រយ័ត្នខ្ពស់ ប្រសិនបើមានចន្លោះខ្វះខាត សូមអធ្យាស្រ័យផងបងប្អូន “អបអរសាទរកម្មវិធីទទួលស្វាគមន៍ស្ត្រីចក្រវាល ស្ត្រីចក្រវាល លើកទី ២ ឆ្នាំ ២០២៤”»។
សូមបញ្ជាក់ថា ការប្រកួតលំដាប់អន្តរជាតិ Universal Woman 2024 កំពុងប្រព្រឹត្តិឡើងនៅលើទឹកដីប្រទេសកម្ពុជា ចាប់ពីថ្ងៃទី ១៤ ដល់ថ្ងៃទី ២៤ ខែមីនា ឆ្នាំ ២០២៤ ដែលមានបវរកញ្ញាច្រើនជាង ៦០ ប្រទេស មកពីជុំវិញពិភពលោក។
កម្មវិធីប្រកួតសម្រស់ស្ត្រីចក្រវាល (Universal Woman) គឺជាកម្មវិធីដែលផ្តោតលើតម្លៃគ្រួសារ ការផ្សព្វផ្សាយវប្បធម៌ចម្រុះ ទេសចរណ៍ និងការគោរពចំពោះស្ត្រី។ គោលបំណងសំខាន់ ដើម្បីគ្រងតំណែងស្ត្រីជា«ទូតសុឆន្ទៈ នៃសេចក្ដីសប្បុរស» ដែលអាចជាគំរូដ៏ល្អរបស់ស្ត្រីទូទាំងសកលលោក និងមានបេះដូងល្អចំពោះការអត់ឱន និងការរួបរួមគ្នាក្នុងចំណោមប្រទេសទាំងអស់ក្នុងពិភពលោក៕
អត្ថបទ ៖ ចាន់រ៉ា
អភិបាលខណ្ឌឬស្សីកែវ បញ្ជាឱ្យជំនាញពាក់ព័ន្ធតាមដានត្រួតពិនិត្យជួសជុលកែលំអផ្លូវថ្នល់ ដែលមានការខូចខាត
រដ្ឋមន្ត្រីមហាផ្ទៃប្រាប់ក្រុមការងារចុះមូលដ្ឋានបញ្ឈប់កិច្ចអន្តរាគមន៍យកមន្ត្រីក្រៅមូលដ្ឋានមកកាន់តំណែង
មហាជនបារម្ភ! ក្រោយឃើញអ្នកជិះកង់សប្បុរសធម៌ ជំនះធ្វើដំណើរកាត់ព្រិល រឹងខ្លួនប្រាណសឹងនិយាយលែងបាន
ព្រះខ័នរាជស្វាយរៀងនាំចូលប្រយុទ្ធថ្មី Caetano ត្រៀមពានអាស៊ី
កម្លាំងនាយកដ្ឋានព្រហ្មទណ្ឌ បំបែកសំណុំរឿងឃាតកម្មនៅស្រុកឈូក ខេត្តកំពត
G-Devith ៖ បុគ្គលដែលអាចហែកមេឃចេញបាន មានន័យថា អ្នកនោះអាចរួចពីសំណាញ់ច្បាប់ហើយ
ទូរស័ព្ទថតរូបក្នុងទឹកដំបូងគេក្នុងប្រទេសកម្ពុជា OPPO Reno13 Series 5G សម្ពោធជាផ្លូវការហើយ និងបំពាក់ដោយ AI ទំនើបៗ
អ្នកឧកញ៉ា៣រូប បរិច្ចាគជាង១លានដុល្លារ សង់អគារសាកលវិទ្យាល័យសម្ដេចព្រះមហាសង្ឃរាជ បួរ គ្រី នៅខេត្តកណ្ដាល
អភិបាលរងខេត្តស្វាយរៀង÷ យុវជន ត្រូវមាន មានស្មារតីស្នេហាជាតិ ជួយជាតិ លើកកម្ពស់មុខមាត់ជាតិឱ្យបានច្រើន
ប្រមុខណាតូ៖ រុស្ស៊ីនឹងខ្ទេច បើហ៊ានប៉ះសមាជិកណាមួយ ចង់ដឹងសាកមើលទៅ!
-
សន្តិសុខសង្គម៣ ថ្ងៃ ago«ចែមុំបុកល្ហុង» សង្ស័យបង្កប់សេវាកម្មផ្លូវភេទ នគរបាលចុះបង្ក្រាបឃាត់ខ្លួនមនុស្ស១១នាក់
-
ជីវិតកម្សាន្ដ៦ ថ្ងៃ agoផ្ទុះការចាប់អារម្មណ៍នឹងយុវតីម្នាក់ សំឡេងពីរោះ ច្រៀងស្រដៀងនឹងរាជិនីសំឡេងសារិកាមាស ប៉ែន រ៉ន
-
សន្តិសុខសង្គម៦ ថ្ងៃ agoអ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
ព័ត៌មានជាតិ៣ ថ្ងៃ agoករណីលូ១តម្លៃ៤០ដុល្លា៖ អាជ្ញាធរ ថាមិនបានយកលុយពីពលរដ្ឋឡើយ គឺពលរដ្ឋជួលភាគីឯកជនឱ្យដាក់ខ្លួនឯង
-
ព័ត៌មានអន្ដរជាតិ៥ ថ្ងៃ agoធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
ជីវិតកម្សាន្ដ៨ ម៉ោង agoG-Devith ៖ បុគ្គលដែលអាចហែកមេឃចេញបាន មានន័យថា អ្នកនោះអាចរួចពីសំណាញ់ច្បាប់ហើយ
-
ជីវិតកម្សាន្ដ៣ ថ្ងៃ agoG-Devith ដាក់បណ្តឹងទៅ UNICEF នៅកម្ពុជា ដើម្បីលុបជាអចិន្ត្រៃយ៍គ្រប់គណនីហ្វេសប៊ុក ដែលប៉ះពាល់សិទ្ធិកុមារ តាមគ្រប់រូបភាព
-
ចរាចរណ៍៣ ថ្ងៃ agoផ្លូវ៦០ម៉ែត្រទៀត! រថយន្ដពាក់ស្លាកលេខរដ្ឋ បុករះរថយន្ដ២គ្រឿងកំពុងឈប់ចាំភ្លើងស្តុបរងការខូចខាត