ជីវិតកម្សាន្ដ

ភ្នាក់ងារទាំងពីរឆ្លើយផាំងៗទៅវិញ ក្រោយឮដំណឹងថា Han So Hee និង Ryu Jun Yeol មានស្នេហា

បានផុស

៦ ខែ មុន

នៅ

ថ្ងៃសុក្រ ១៥ មីនា ២០២៤

ដោយ

ទាំងភ្នាក់ងាររបស់តារាស្រី Han So Hee និង Ryu Jun Yeol បានឆ្លើយតបនឹងពាក្យចចាមអារ៉ាមណាត់ជួបរវាងអ្នកទាំងពីរ ខណៈនៅមុននេះបន្តិច ការបង្ហោះមួយត្រូវបានធ្វើឡើងនៅលើវេទិកាកូរ៉េដោយអ្នកប្រើប្រាស់ម្នាក់ ដែលនិយាយថា ពួកគេបានឃើញតារាសម្តែងកំពូលពីរនាក់រួមគ្នានៅឯអាងហែលទឹកសណ្ឋាគារ Hawaii ។ តារាសម្ដែងទាំងនោះគឺ Han So Hee និង Ryu Jun Yeol ហើយអ្នកបង្ហោះបានអះអាងថា ពួកគេបង្ហាញការស្រលាញ់គ្នាទៅវិញទៅមកដោយមិនខ្វល់ពីអ្វីដែលអ្នកដទៃគិតនោះទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្វីបើយ៉ាងណាក៏ដោយ ជាការឆ្លើយតបទៅនឹងពាក្យចចាមអារ៉ាមនេះ ភាគីទាំងសងខាងរបស់ Han So Hee និង Ryu Jun Yeol បានឆ្លើយតបទៅនឹងការបង្ហោះដោយអនាមិកដោយឥតលាក់ថា វាជាវិស្សមកាលផ្ទាល់ខ្លួនរបស់តារាសម្តែងរបស់យើង សម្រាប់ការងារថតរូបរបស់គាត់។ ពួកយើងស្នើឲ្យអ្នកគ្រប់គ្នាគោរពឯកជនភាពរបស់គាត់។ ពួកយើងនឹងមិនឆ្លើយតបនឹងរបាយការណ៍សាក្សីទេ ព្រោះវាជាជីវិតផ្ទាល់ខ្លួនរបស់គាត់។

លើសពីនេះទៀតដែរ ទីភ្នាក់ងាររបស់តារាសម្ដែងប្រុស Ryu Jun Yeol គឺ C-JeS Studio បានចេញមុខឆ្លើយបដែរថា ពួកយើងអាចបញ្ជាក់បានថា Han So Hee គឺនៅក្នុងវិស្សមកាលផ្ទាល់ខ្លួនជាលើកដំបូងរបស់នាងជាមួយរបស់តារាសម្ដែង Ryu Jun Yeol ចាប់តាំងពីនាងបានបង្ហាញខ្លួនជាមួយមិត្តភក្តិរបស់នាង។ ជាងនេះទៅទៀត វាជាជីវិតឯកជនរបស់ពួកគេ ដូច្នេះយើងសុំការយោគយល់។

ទន្ទឹមនឹងនេះដែរ Han So Hee និង Ryu Jun Yeol ត្រូវបានគេគ្រោងនឹងបង្ហាញមុខនៅក្នុង K-Drama Tempted ដែលនឹងចេញនាពេលខាងមុខ ដែលមិនទាន់មានកាលបរិច្ឆេទចេញផ្សាយនៅឡើយទេ។

ក្នុងនោះផងដែរ សូម្បីតែអ្នកលេងអ៊ីនធឺណិតជាច្រើនក៏បានចេញមុខប្រតិកម្មនឹងការចោទប្រកាន់ ដែលអះអាងថាតារាសម្ដែង Han So Hee និង Ryu Jun Yeol កំពុងមានទំនាក់ទំនងស្នេហាជាមួយគ្នាថា មិនមែនជាការពិតឡើយ។នេះជាការចោទប្រកាន់ទាំងស្រុងលើពួកគេ ទាំងដែលវាគ្រាន់តែជាមិត្តភាពតែប៉ុណ្ណោះ៕