ជីវិតកម្សាន្ដ

ជូរី ល្អហួស បញ្ជាក់ការផ្សាយថា ម្តាយ សុវត្ថិ មុនីវណ្ណ ហួងហែងកូនប្រុសសម្តែងស្និទ្ធស្នាលជាមួយ ជារឿងមិនពិត

បានផុស

១០ ខែ មុន

នៅ

ថ្ងៃចន្ទ ១៨ មីនា ២០២៤

ដោយ

បវរកញ្ញាវ័យក្មេង ជូរី ល្អហួស ដែលកំពុងត្រៀមចេញទៅប្រកួតតំណាងកម្ពុជាលើឆាកអន្តរជាតិបានប្រតិកម្មសម្តែងការហួសចិត្តបន្ទាប់ពីមានសារព័ត៌មានចុះផ្សាយថាម្តាយរបស់លោក សុវត្ថិ មុនីវណ្ណ ហួងហែងកូនប្រុសសម្តែងស្និទ្ធស្នាលជាមួយខ្លួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ករណីនេះត្រូវបានយុវតី ល្អហួស ចាត់ទុកថា ជារឿង ប្រឌិតគ្មានប្រភពច្បាស់លាស់នឹងធ្វើឲ្យប៉ះពាល់ដល់កិត្តិយស និងសេចក្តីថ្លៃថ្នូរគ្រួសារកំពូលតារាចម្រៀងលោក ព្រាប សុវត្ថិ និងខ្លួននាងផ្ទាល់។ ល្អហួស បានប្រាប់ឲ្យនៅរសៀលនេះថា នាងខ្ញុំសូមបញ្ជាក់ជូនពុកម៉ែបងប្អូនឲ្យបានជ្រាបថាការសម្តែងជាមួយលោក សុវត្ថិ មុនីវណ្ណ ក្នុង MV បទ “នាងអើយ” គ្រាន់តែជាការសម្តែងចម្រៀងប៉ុណ្ណោះ នាងខ្ញុំគ្មានទំនាក់ទំនងអ្វីជិតស្និទ្ធជាមួយគាត់នោះទេ (បងប្រុស មុនីវណ្ណ )។

ជូរី ល្អហួស បញ្ជាក់ថា ករណីព័ត៌មានផ្សាយថា អ្នកមីងភរិយាលោកពូ ព្រាប សុវត្ថិ ហួងហែងកូនប្រុសសម្តែងស្និទ្ធស្នាលជាមួយខ្ញុំ គឺជាព័ត៌មានប្រឌិតគ្មានប្រភពច្បាស់លាស់ នឹងធ្វើឲ្យប៉ះពាល់ដល់កិត្តិយស និងសេចក្តីថ្លៃថ្នូរគ្រួសារលោកពូ ព្រាប សុវត្ថិ និងនាងខ្ញុំផ្ទាល់។ សូមពុកម៉ែបងប្អូនជ្រាបជា ព័ត៌មាន និងទទួលនូវការគោរពស្រឡាញ់ពីនាងខ្ញុំ « ល្អហួស » ។

ជាមួយគ្នានេះម្ចាស់មកុដ Miss Preteen International Cambodia 2023 យុវតី ជូរី ល្អហួស បានស្នើសុំដោយទទូចថា នាងខ្ញុំ និងតំណាងឲ្យព្រះរាជាណាចក្រកម្ពុជា ទៅប្រកួតនៅលើឆាកអន្តរជាតិសូមមេត្តាបងៗសារព័ត៌មានជួយសម្រួលអត្ថបទនៅក្នុងការសរសេរដើម្បីកុំឲ្យប៉ះពាល់ដល់រូបនាងខ្ញុំ សូមអរគុណដោយក្តីគោរពពីនាងខ្ញុំ ល្អហួស៕

អត្ថបទ៖ ចាន់រ៉ា