ជីវិតកម្សាន្ដ
តារាកំប្លែង ស្រីទូច ៖ «ដល់ពេលហើយ យុត្តិធម៌ត្រូវតែទទួលបានចំពោះបងប្អូន និងកូនក្មួយខ្ញុំយ៉ាងពិតប្រាកដ»
ដូចទស្សនិកជនបានដឹងហើយថា កាលពីថ្មីៗ នេះ ក្រុមគ្រួសារតារាកំប្លែងអ្នកស្រី ជុំ រស្មី ហៅ ស្រីទូច និងក្មួយស្រីតារាចម្រៀងល្បីឈ្មោះ កញ្ញា ស៊ូ ស៊ីរីកា បាននិងកំពុងតែដង្ហោយរកភាពយុត្តិធម៌ពីតុលាការ ពាក់ព័ន្ធរឿងបណ្ដាំមរតករបស់លោកស្រី កែវ មន្ថា ខណៈនីតិវិធីបានដល់ដៃតុលាការសាលាឧទ្ធរណ៍ទៅហើយ។
តារាកំប្លែងអ្នកស្រី ស្រីទូច ធ្លាប់បានបញ្ជាក់ប្រាប់អ្នកសារព័ត៌មានថា មកទល់ពេលនេះ អ្នកស្រី និងសមាជិកក្រុមគ្រួសារ បានខិតខំអស់ពីលទ្ធភាពហើយក្នុងរយៈពេលជាង ២ ឆ្នាំ មកនេះ ដើម្បីតតាំងតាមផ្លូវតុលាការជាមួយនឹងភាគីស្វាមីរបស់លោកស្រី កែវ មន្ថា ដែលមិនព្រមអនុវត្តតាមបណ្ដាំមរតក ហើយថែមទាំងបណ្ដេញសមាជិកជាកូនចៅបង្កើតរបស់លោកស្រី កែវ មន្ថា ចេញពីផ្ទះដែលធ្លាប់រស់នៅជួបជុំគ្នាតាំងពីយូរមកហើយនោះទៀតផង។
ទោះបីយ៉ាងណា តារាកំប្លែងជើងចាស់រូបនេះ ក៏បានបញ្ជាក់ប្រាប់សារព័ត៌មានកម្ពុជាថ្មីថា ពាក់ព័ន្ធរឿងរ៉ាវបណ្តឹងរបស់ អ្នកស្រី ពេលនេះ គឺបានធ្លាក់ដល់ដៃតុលាការសាលាឧទ្ធរណ៍ ខណៈអ្នកស្រីកំពុងត្រៀមខ្លួនចូលទៅបំភ្លឺនៅចុងខែមីនា ខាងមុខនេះ។ អ្នកស្រីសង្កត់ធ្ងន់ថា រឿងដែលអ្នកស្រី រួមទាំងបងប្អូនកូនចៅចង់បាន គឺសូមឲ្យមានការផ្តល់ភាពយុត្តិធម៌ចំពោះពួកគាត់ដូចមានសរសេរនៅក្នុងលិខិតបណ្តាំមរតករបស់លោកស្រី កែវ មន្ថា ដែលជាម្តាយ និងជីដូន។
អ្នកស្រី ទូច បានលើកឡើងដែរថា «ពន្លឺយុត្តិធម៌ពិតជាទទួលបានចំពោះបងប្អូន និងកូនក្មួយរបស់នាងខ្ញុំយ៉ាងពិតប្រាកដ នាងខ្ញុំសូមជម្រាបដល់មនុស្សអាត្មានិយម និងអ្នកតែស្ករទាំងអស់ ដែលនៅពីក្រោយរឿងទាំងអស់នេះ បើមិនដឹងច្បាស់ទេ ឈប់បានឈប់ទៅ គ្រាន់តែឮគេនិយាយ និងជួបមួយដងមួយកាល កុំអះអាងថាខ្លួនដឹងច្បាស់ខ្លាំងពេក ព្រោះអ្នកមិនបាននៅជិតម្ដាយខ្ញុំយប់ថ្ងៃដូចបងប្អូន កូន និងក្មួយៗ ទេ គឺអ្នកទាំងអស់នេះហើយជាសាក្សីរស់ខ្ញុំ»។
អ្នកស្រីបន្តថា «នៅមានភស្តុតាងច្រើនណាស់ដែលត្រូវបង្ហាញ និងបំភ្លឺ គឺដល់ពេលហើយ ដើម្បីឲ្យអ្នកដែលស៊ូស្លាប់ដើម្បីទ្រព្យម្ដាយខ្ញុំ និងចំណែករបស់បងប្អូនកូនក្មួយខ្ញុំ ក៏សូមឈប់ បើមិនចង់ល្បី ព្រោះអ្នកដែលនៅពីក្រោយរឿងនេះ ខ្ញុំដឹង និងស្គាល់អស់ហើយថាជាបណ្ដាញរបស់អ្នកណាខ្លះ គឺខ្ញុំលែងខ្សឹបទៀតហើយ គឺខ្ញុំស្រែកដើម្បីឲ្យមហាជនដឹងថា អ្វីជាអ្វី មិនអាចនៅបាំងក្នុងជញ្ជាំងទៀតទេ ទឹកដល់ច្រមុះហើយ»។
ដោយឡែកពាក់ព័ន្ធរឿងបណ្តឹងព្រហ្មទណ្ឌ តារាកំប្លែង ស្រីទូច បញ្ជាក់ថា ព្រះរាជអាជ្ញាចាត់ទុកអត់បានការ ហើយក៏បានចេញសេចក្តីច្រានចោលថា សំណុំរឿងនេះពុំមែនជាសំណុំរឿងព្រហ្មទណ្ឌទេ គឺជាសំណុំរឿងរដ្ឋប្បវេណី។ តារាកំប្លែង រូបនេះបន្តថា ចំណែករឿងទៅសាលាឧទ្ធរណ៍ អ្នកស្រី អត់ទាន់ទទួលបានដីកាតម្កល់របស់សាលាឧទ្ធរណ៍ទេ ហេតុអ្វីបានជាមាននៅក្នុងសំណុំរឿងរដ្ឋប្បវេណីរបស់សាលាដំបូងរាជធានីភ្នំពេញក្នុងដីកាសម្រេច(សំណុំរឿងតម្កល់សាលាឧទ្ធរណ៍) ព្រោះ អ្នកស្រី អត់ទាន់បានទទួលទេ ហេតុនេះសូមបដិសេធន៍។
តារាកំប្លែង ស្រីទូច បាននិយាយទៀតថា «ចំណែករឿងបណ្តាំមរតករបស់ម្តាយខ្ញុំ គឺ លោកស្រី កែវ មន្ថា បានប្រកាសបែងចែកតាមរយៈមេធាវីមរតកនៅក្នុងផ្ទះម្តាយខ្ញុំរស់នៅ(កាលនៅមានជីវិត) អាសយដ្ឋានផ្ទះលេខ ៦ ផ្លូវលេខ ៥៥៤ ភូមិ ១០ សង្កាត់បឹងកក់ទី ១ ខណ្ឌទួលគោក រាជធានីភ្នំពេញ ហើយពេលនោះគឺមានទាយាទទាំងអស់មកទទួលស្តាប់ដឹងឮទាំងអស់គ្នានៅក្នុងផ្ទះដែលម្តាយខ្ញុំធ្លាប់រស់នៅទីនោះ និងក៏មានលិខិតបញ្ជាក់ពីមេធាវីមរតកចេញសេចក្តីបញ្ជាក់នៅក្នុងសេចក្ដីថ្លែងការណ៍របស់សាលាដំបូងរាជធានីភ្នំពេញ ដោយបញ្ជាក់ថា ម្តាយខ្ញុំ បានធ្វើបណ្តាំមរតកដោយមានឆន្ទៈពិតប្រាកដទៅឲ្យកូនៗ និងចៅ ដែលជាទាយាទទទួលស្តាប់ទាំងអស់គ្នា»។
តារាកំប្លែង ជុំ រស្មី ហៅ ស្រីទូច បញ្ជាក់ទៀតថា «អ្វីដែលសំខាន់គឺពេលនេះបងប្អូន និងកូនក្មួយខ្ញុំត្រូវការភាពយុត្តិធម៌តាមរយៈការតវ៉ាទាមទារនូវការបែងចែកផ្ទះចំនួន ២ កន្លែងទៀត ដែលមានអាសយដ្ឋានផ្ទះលេខ ៦ ផ្លូវលេខ ៥៥៤ ភូមិ ១០ សង្កាត់បឹងកក់ទី ១ ខណ្ឌទួលគោក និងផ្ទះលេខ ៧D+CE0E1 ផ្លូវលេខ ១៣៨ ក្រុម ៣១ ភូមិ ៥ សង្កាត់វាលវង់ ខណ្ឌ ៧ មករា រាជធានីភ្នំពេញ ដើម្បីកាត់មកឲ្យបងប្អូនកូនក្មួយដែលជាសមាជិកគ្រួសារខ្ញុំវិញ ទោះបីផ្ទះ ២ កន្លែងនោះ ត្រូវបានកាត់ទៅឲ្យភាគីម្ខាងទៀត(សុត សំអាល់ និង សុត សំអៀត) ហើយក្តី ព្រោះថាទ្រព្យសម្បត្តិទាំងនោះត្រូវតែបែងចែកទៅតាមបណ្តាំមរតករបស់អ្នកម្តាយ កែវ មន្ថា ដែលបានតម្កល់ទុកសម្រាប់កូនៗ និងចៅៗ របស់គាត់»។
អ្នកស្រីលើកឡើងថា ចំពោះផ្ទះពីរដែលបានផ្ទេរសិទ្ធទៅឲ្យឈ្មោះ សុត សំអាល់ និង សុត សំអៀត នោះ គឺពុំបានទទួលស្គាល់ដឹងឮពីបងប្អូន និងសមាជិកក្រុមគ្រួសារអ្នកស្រីឡើយ ពោលគឺមិនមានការផ្តិតមេដៃដឹងឮ ឬទទួលស្គាល់ទេ(ធ្វើឡើងក្រោយបណ្តាំមរតកដែលបានប្រកាសថ្ងៃទី ១៦ ខែមករា ឆ្នាំ ២០២២)។ ម្យ៉ាងទៀត អ្នកស្រី ថា មុនអ្នកម្តាយ កែវ មន្ថា ទទួលមរណភាព គឺមានបណ្តឹងលែងលះជាមួយស្វាមីក្រោយគាត់ជាច្រើនលើកច្រើនសា ដោយសារបញ្ហាមិនព្រមលក់ផ្ទះ ប៉ុន្តែដោយមានការអង្វរពីកូនៗ ក៏ត្រូវរ៉ូវគ្នាវិញ។
តារាកំប្លែងអ្នកស្រី ទូច បានបន្ថែមថា គិតរហូតមកដល់ពេលនេះ អ្នកស្រី នៅមិនទាន់ទទួលបានដំណោះស្រាយតាមផ្លូវច្បាប់ណាមួយដែលស្របនឹងឆន្ទៈរបស់មរតកលោកស្រី កែវ មន្ថា ឬ ដំណោះស្រាយណាមួយសមរម្យដែលរូបអ្នកស្រី និងសមាជិកគ្រួសារទាំងអស់អាចទទួលយកបាននៅឡើយនោះទេ ស្របពេលសំណុំរឿងនេះកំពុងនៅក្នុងដៃរបស់សាលាឧទ្ធរណ៍។
តារាកំប្លែងអ្នកស្រី ជុំ រស្មី ហៅ ស្រីទូច ក៏បានស្នើសុំឲ្យសាលាឧទ្ធរណ៍ជួយពិនិត្យសំណុំរឿងនេះ និងផ្តល់ភាពយុត្តិធម៌សម្រាប់អ្នកស្រី និងសមាជិកគ្រួសារផង ខណៈអ្នកស្រីកំពុងត្រៀមឡើងទៅក្នុងពេលឆាប់ៗ នេះ៕
អត្ថបទ ៖ ចាន់រ៉ា
លោក ហេង សួរ អញ្ជើញជាអធិបតីក្នុងពិធីបិទយុទ្ធនាការ ១៦ថ្ងៃ ក្រោមប្រធានបទ“រួមគ្នាបញ្ឈប់អំពើហិង្សាទាក់ទងនឹងយេនឌ័រ និងការបៀតបៀននៅក្នុងពិភពការងារ”
ពិធីបុណ្យសមុទ្រលើកទី១១ ត្រៀមជិតរួចរាល់ហើយ សម្រាប់ទទួលភ្ញៀវជាតិ និងអន្តរជាតិ
ប្រជាធិបតេយ្យនៅកម្ពុជាមានភាពរឹងមាំ ដោយសារកម្ពុជាមាន «សន្តិភាព» និង «ស្ថិរភាពនយោបាយ» ដែលរកបានពីសម្តេចតេជោ ហ៊ុន សែន
ក្រោយពីដំណើរទស្សនកិច្ចសម្ដេចតេជោ ហ៊ុន សែននៅមជ្ឈិមបូព៌ា អ្នកវិភាគមានសុទិដ្ឋិនិយម ចំពោះវិស័យនយោបាយ និងសេដ្ឋកិច្ចកាន់តែរឹងមាំ
រដ្ឋលេខាធិការក្រសួងព័ត៌មានលោក ជា ច័ន្ទបរិបូរណ៍ ត្រូវបានតែងតាំងជាឯកអគ្គរាជទូតកម្ពុជាប្រចាំប៊ុលហ្គារី រ៉ូម៉ានី ក្រិក ស៊ីប
ប្រធានសមាគមសិល្បករខ្មែរ ឧបត្ថម្ភ ៣លានរៀល ដល់គ្រួសារសពលោក លីចិន ខ្វះខាតខ្លាំងគ្មានលុយធ្វើបុណ្យ
ឆ្លងផុតជំងឺមហារីក អេង វ៉ាណង បែរជាមានជំងឺម្យ៉ាងទៀតគួរឱ្យបារម្ភ
ទីប្រឹក្សាលោក ត្រាំ ស្តីឲ្យ ហ្សេលេនស្គី ថា ស្លៀកពាក់មើលងាយអាមេរិក
ស្ពានអាកាសមរតកតេជោដំណាក់កាលទី២ គ្រោងបញ្ចប់ការសាងសង់ និងបើកឲ្យចរាចរណ៍នៅដើមខែមេសា ឆ្នាំ២០២៥
មន្ទីរពេទ្យតម្លៃជាង៦៦លានដុល្លារមានសមត្ថភាពទទួលអ្នកជំងឺសម្រាក២០០គ្រែ ត្រូវបានបើកការដ្ឋានសាងសង់ជាផ្លូវការ
-
វប្បធម៌ ជំនឿ៥ ថ្ងៃ agoកត់ចំណាំ បើមានប្រជ្រុយនាំសំណាង៣កន្លែងលើរាងកាយ ដូចនាំកំណប់ទ្រព្យមកឲ្យដល់ផ្ទះ
-
ព័ត៌មានអន្ដរជាតិ៥ ថ្ងៃ agoក្រុមហ៊ុនអាមេរិក ប្រកាសដាក់លក់ថ្នាំចាក់ព្យាបាលជំងឺអេដស៍ក្នុងតម្លៃថោក នៅ១២០ប្រទេស
-
ព័ត៌មានជាតិ៥ ថ្ងៃ ago«ភូមិទៀមលើ» មានប្រវត្តិជូរចត់ ចេញកើតពីចម្បាំងរវាងកុលសម្ព័ន្ធ និងកុលសម្ព័ន្ធជនជាតិដើមភាគតិចនៅក្នុងខេត្តរតនគិរី
-
ជីវិតកម្សាន្ដ២ ថ្ងៃ agoអ្នកនាង ខាត់ សុឃីម សោកស្តាយចំពោះមរណភាពតារាចម្រៀងប្រុសម្នាក់ គាំងបេះដូងស្លាប់ទាំងវ័យក្មេង
-
សន្តិសុខសង្គម៣ ថ្ងៃ agoUpdate៖ អ្នកកាសែតដែលត្រូវខ្មាន់កាំភ្លើងបាញ់ប្រហារនៅស្រុកជីក្រែង បានបាត់បង់ជីវិតហើយ ក្រោយបញ្ជូនដល់មន្ទីរពេទ្យជាង១ថ្ងៃ
-
ចរាចរណ៍១ ថ្ងៃ agoមួយថ្ងៃទី៩ធ្នូនេះ មានអ្នកស្លាប់ដោយសារគ្រោះថ្នាក់ចរាចរណ៍៤នាក់ និងរបួស៧នាក់
-
ព័ត៌មានអន្ដរជាតិ១ ថ្ងៃ agoតារាចម្រៀងម្នាក់ស្លាប់ ក្រោយចូលម៉ាស្សា៣ដងនៅហាងមួយក្នុងប្រទេស ថៃ
-
ជីវិតកម្សាន្ដ១៦ ម៉ោង agoប្រធានសមាគមសិល្បករខ្មែរ ឧបត្ថម្ភ ៣លានរៀល ដល់គ្រួសារសពលោក លីចិន ខ្វះខាតខ្លាំងគ្មានលុយធ្វើបុណ្យ