ជីវិតកម្សាន្ដ

ពិធីករ សុខ រ៉ាស៊ី ៖ «ការផ្តល់ឈាម ជាការផ្តល់ជីវិត»

បានផុស

១២ ខែ មុន

នៅ

ថ្ងៃចន្ទ ១៨ មីនា ២០២៤

ដោយ

ដើម្បីរួមចំណែកជួយសង្គ្រោះជីវិតពលរដ្ឋ និងអ្នកជំងឺដែលត្រូវការនូវឈាមជាចាំបាច់នោះ ពិធីករល្បីឈ្មោះលោក សុខ រ៉ាស៊ី កាលពីថ្មីៗ កន្លងទៅនេះ បានប្រកាសធ្វើការអំពាវនាវ ក៏ដូចជាបំផុសដល់អ្នកគាំទ្រចូលរួមបរិច្ចាគឈាម។ ប្រាកដណាស់ កន្លងមកលោកក៏តែងតែបង្ហាញការងារសង្គម និងសប្បុរសធម៌ជាបន្តបន្ទាប់ ដើម្បីចូលរួមចំណែកជួយដល់សង្គមផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្ដែងកាលពីថ្ងៃទី ១៦ ខែមីនា ឆ្នាំ ២០២៤ ថ្មីៗនេះ ពិធីករ លោក សុខ រ៉ាស៊ី បានបង្ហាញវត្តមានក្នុងកម្មវិធីបរិច្ចាគឈាមដែលធ្វើឡើងនៅសាកលវិទ្យាល័យជាតិ ជា ស៊ីម កំចាយមារ ស្ថិតនៅភូមិថ្នល់កែង ឃុំស្មោងខាងជើង ស្រុកកំចាយមារ ខេត្តព្រៃវែង ដោយមានវត្តមានមហាជនជាច្រើនចូលរួមសកម្មភាពបរិច្ចាគឈាមសប្បុរសធម៌នេះផងដែរ។

តាមរយៈសកម្មភាពនេះដែរ លោក សុខ រ៉ាស៊ី បានបង្ហោះខ្លឹមសារភ្ជាប់រូបភាពដោយបំផុសយ៉ាងខ្លីថា «ការផ្តល់ឈាម គឺជាការផ្តល់ជីវិត….!»។ ជាការពិតណាស់ បន្ទាប់ពីការងារសប្បុរសធម៌ទាំងនោះកំពុងទទួលបានការគាំទ្រពីសំណាក់មហាជន ពិធីករប្រុសរូបនេះ ក៏បានចេញមកបំផុសអ្នកគាំទ្រ និងមហាជន ដើម្បីចូលរួមបរិច្ចាគឈាមជួយដល់សង្គម។

ទន្ទឹមគ្នានឹងការប្រកាសនេះ ក៏មានការបញ្ជាក់បន្ថែមពីអ្នកគាំទ្រថា «ឈាមរបស់ខ្ញុំ ជារបស់អ្នក ឈាមរបស់អ្នក ជារបស់ខ្ញុំ សូមគោរពអញ្ជើញពុកម៉ែបងប្អូនចូលរួមផ្តល់ឈាមស្ម័គ្រចិត្តទាំងអស់គ្នា ដើម្បីជួយជីវិតអ្នកដែលគាត់ត្រូវការឈាម ដើម្បីមានជីវិតរស់នៅតទៅទៀត»។

ចំពោះទង្វើនេះ ត្រូវបានទស្សនិកជន និងអ្នកប្រើប្រាស់បណ្ដាញសង្គមហ្វេសប៊ុក ចាត់ទុកថាជាសកម្មភាពមនុស្សធម៌ដ៏គំរូល្អមួយក្នុងការងារចូលរួមចំណែកជួយដល់សង្គម។ តាមរយៈនេះ លោកក៏ត្រូវបានអ្នកនិយមលេងបណ្ដាញសង្គមហ្វេសប៊ុកជាច្រើនដាក់ក្តីរំពឹងថា សុខ រ៉ាស៊ី នឹងក្លាយជាតារាគំរូល្អដល់តារាប្រុស-ស្រីដទៃទៀតដែលគួរតែឆ្លៀតឱកាស ឬពេលវេលាផ្ទាល់ខ្លួនរួមចំណែកការងារសង្គមនេះផងដែរ៕

អត្ថបទ ៖ ចាន់រ៉ា