ជីវិតកម្សាន្ដ

មាស សុខសោភា ប្រកាសកុងត្រាក្លាយជាតារាពេញសិទ្ធរយៈពេល១ឆ្នាំនៅផលិតកម្មរាម

បានផុស

៤ years មុន

នៅ

ថ្ងៃសុក្រ ១៩ កុម្ភៈ ២០២១

ដោយ

ភ្នំពេញ ៖ តារាចម្រៀងសម្លេងផ្អែម មាស សុខសោភា បានប្រកាសដោយបញ្ជាក់ថា សម្រាប់វត្តមានរបស់នាងចូលមករួមរស់ជាមួយផលិតកម្មរាមនេះ គឺបានសម្រេចចិត្តចុះកុងត្រារយៈពេលមួយឆ្នាំពេញតែម្តង ខណៈកន្លងមកខ្លួនជាតារាចម្រៀងឯករាជ្យមិនកុងត្រាជាមួយផលិតកម្មណាមួយនោះឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងនៅក្នុងសន្និសីទសារព័ត៌មាននារសៀលថ្ងៃទី១៩ ខែកុម្ភៈ ឆ្នាំ២០២១នេះ តារាស្រី មាស សុខសោភា បានប្រកាសជំហររបស់ខ្លួនដោយភាពជឿជាក់ថា ការសម្រេចចិត្តចូលផលិតកម្មរាមរហូតឈានដល់ធ្វើការចុះកិច្ចសន្យារយៈ១ឆ្នាំនេះ គឺកើតចេញពីបេះដូងនិងក្តីស្រលាញ់រវាងនាងនិងថៅកែផលិតកម្មនេះតែម្តង។

មាស សុខសោភា បានបន្តថា សម្រាប់ក្តីស្រលាញ់ដែលកើតចេញពីបេះដូងនេះទើបធ្វើឲ្យនាងសម្រេចចិត្តបែបនេះ។ម្យ៉ាងទៀតក៏មិនប្រាកដទេថា កុងត្រា១ឆ្នាំនេះក៏អាចឈានដល់មួយជីវិតទៀតផង បើដំណើរការជោគជ័យទៅដោយរលូន។ បន្ថែមពីនេះ មាស សុខសោភា ក៏បានបង្ហាញជំនឿថានឹងរក្សាបានការគាំទ្រនិងក្តីស្រលាញ់ពីមិត្តៗយុវវ័យរួមទាំងមហាជនចំពោះវត្តមាននាងនៅក្នុងផលិតកម្មរាមនេះ៕

ដោយ ៖ ចាន់រ៉ា