ជីវិតកម្សាន្ដ

Han So Hee ដាក់គណនី IG ឯកជន ក្រោយមហាជនជេរស្ដីខ្លាំងពេក រឿងក្លាយជាជនទី៣

បានផុស

១១ ខែ មុន

នៅ

ថ្ងៃចន្ទ ១៨ មីនា ២០២៤

ដោយ

តារាសម្តែង Han So Hee បានផ្លាស់ប្តូរការកំណត់ Instagram ផ្ទាល់ខ្លួនរបស់នាងពីសាធារណៈទៅឯកជន នៅថ្ងៃនេះតែម្ដង បន្ទាប់ពីទស្សនិកជនជាច្រើនបានជេរស្ដីមកលើរូបនាងបង្ហាញពីការមិនពេញចិត្តថា តារាស្រីរូបនេះជាជនទី៣ជ្រៀតជ្រែកក្ដីស្រលាញ់អ្នកដទៃ។

បន្ទាប់ពីការបញ្ជាក់អំពីទំនាក់ទំនងរបស់នាងជាមួយ Ryu Jun Yeol ជាសាធារណៈរួចមក Han So Hee បានជ្រើសរើសភ្ជាប់ទំនាក់ទំនងជាមួយអ្នកគាំទ្រតាមរយៈប្លក់របស់នាង ដោយឆ្លើយតបទៅនឹងការអត្ថាធិប្បាយរបស់ពួកគេ ខណៈដែលអ្នកនិយមលេងអ៊ីនធឺណេតបានជំទាស់ថា តើទំនាក់ទំនងរបស់នាងអាចត្រួតលើគ្នាក្នុងលក្ខណៈខ្លះជាមួយទំនាក់ទំនងរបស់ Ryu Jun Yeol ជាមួយ Hyeri ដែរឬអត់ នោះ Han So Hee បានបដិសេធការអះអាងបែបនេះ ហើយបានការពារខ្លួននាងយ៉ាងម៉ឺងម៉ាត់ថា មិនមានការផ្លាស់ប្តូរពីទំនាក់ទំនងពីមុនរបស់គាត់ទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចំពេលមានភាពចម្រូងចម្រាសជាបន្តបន្ទាប់ Han So Hee ដែលមានអ្នកតាមដានជាង ១៧.៧ លាននាក់ បានបង្កើតគណនី Instagram របស់នាងជាឯកជន។ រហូតមកដល់ពេលថ្មីៗនេះ តារាស្រីរូបនេះ បានបង្ហាញមុខជាសាធារណៈនៅលើវេទិការ សូម្បីតែពេលចាប់ផ្តើមមានពាក្យចចាមអារ៉ាមថាទាក់ទងគ្នាក៏ដោយ។

ថ្វីបើយ៉ាងនេះក្ដី ប៉ុន្មានថ្ងៃនេះបន្ទាប់ពីនាងបានបង្ហាញក្ដីស្រលាញ់លើ Ryu Jun Yeol មហាជនជាច្រើនហាក់មិនពេញចិត្តនឹងរូបនាងទាល់តែសោះ។ មូលហេតុច្បងដែលមិនសូវមានអ្នកពេញចិត្ត ហើយថែមទាំងបញ្ចេញមតិមិនល្អគឺដោយសារតែមុនពេលទម្លាយស្ថានភាពស្នេហាផ្ទាល់ខ្លួន Han So Hee បាននិយាយយ៉ាងម៉ឺងម៉ាត់ក្នុនន័យតបតទៅកាន់អតីតសង្សាររបស់ Jun Yeol គឺ Hyeri ថា នាងមិនយករបស់សល់ដែលគេ ហើយក៏មិនយករបស់ដែលមានម្ចាស់រួចដែរ។

តាមរយៈចម្លើយតបស់នាងបានធ្វើឲ្យអ្នកគាំទ្ររួមទាំងទស្សនិកជនដែលកំពុងតាមដានរឿងស្នេហារបស់នាងហាក់មានទំនុកនិងជឿថា Han So Hee ពិតជាមនុស្សស្រីល្អមិនលេងល្បែងស្នេហាជ្រៀតជ្រែកក្ដីស្រលាញ់របស់អ្នកដទៃនោះទេ។ ប៉ុន្តែក្រោយមក នាងស្រាប់តែបង្ហាញអារម្មណ៍ផ្ទាល់ខ្លួនថាពិតជាមានទំនាក់ទំនងជាមួយ Jun Yeol ជាយូរណាស់មកហើយ តែមិនមែនមុន Jun Yeol និង Hyeri នៅជាជាសង្សារគ្នាទេ។

យ៉ាងណាមិញ បើទោះជានាងប្រកែកតវ៉ាយ៉ាងណា មកទល់ពេលនេះមហាជនជាច្រើននៅតែគ្មានជំនឿចិត្តនឹងរូបនាងដូចមុន ខណៈអ្នកខ្លះបានចោទសួរទៅកាន់រូបនាងបែបប្រមាថកាតទាន ទើបធ្វើឲ្យ Han So Hee ទ្រាំលែងបាន ហើយសម្រេចបិទគណនី Instagram ជាលក្ខណៈឯកជនតែម្ដង៕