ជីវិតកម្សាន្ដ

ខេមរៈ សិរីមន្ត ខកចិត្តបុគ្គលម្នាក់រិះគន់បទ«អូនរាំអែន» ខណៈថៃគាំទ្រពេញប្រទេស

បានផុស

៩ ខែ មុន

នៅ

ថ្ងៃពុធ ២០ មីនា ២០២៤

ដោយ

កំពូលតារាចម្រៀងងារជាឧកញ៉ាលោក ខេមរៈ សិរីមន្ត បានបង្ហាញការខកចិត្តជាខ្លាំងបន្ទាប់ពីថ្មីៗនេះមានអ្នកប្រើប្រាស់បណ្ដាញសង្គមហ្វេសប៊ុកម្នាក់បានធ្វើការរិះគន់ចំពោះបទចម្រៀងមានចំណងជើងថា «អូនរាំអែន» ខណៈដែលនៅក្នុងប្រទេសថៃកំពុងមានការគាំទ្រយ៉ាងច្រើនកុះករ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គេកត់សម្គាល់ថា តារាចម្រៀងលោក ខេមរៈ សិរីមន្ត បានបញ្ចេញខ្លឹមសារនៅលើបណ្តាញសង្គមរបស់ខ្លួនថា “បើខ្ញុំចេញបទកន្ទ្រឹមឆាប់ៗនេះ បងប្អូនគាំទ្រទេឆ្នាំនឹងសប្បាយខ្លាំងផ្ទុះហើយ”។ ភ្លាមៗនៃការផុសនេះស្រាប់តែម្ចាស់គណនីឈ្មោះ «ពន្លឺនៃក្តីសង្ឃឹម ពន្លឺនៃក្តីសង្ឃឹម» បានបញ្ចេញមតិថា “ចេញអី ចេញទៅ តែកុំចេញបទថៃឭហើយខ្មាសគេណាស់មិនហ៊ានចាក់ស្តាប់ទេ”។

ឆ្លើយតបការរិះគន់នេះកំពូលតារាចម្រៀង ខេមរៈ សិរីមន្ត បានលើកឡើងថា “ថៃកំពុងស្តាប់បទ «អូនរាំអែន »របស់បងពេញប្រទេសថៃ គេពេញចិត្ត ពេញថ្លើម នឹងសំឡេងរបស់បង តើប្អូនមិនមានមោទនភាពអីបន្តិចសោះមែន? ដែលបងខំប្រឹងប្រែងរហូតដល់ជនជាតិថៃគេព្រមស្តាប់សំឡេងបងជាជនជាតិខ្មែរនេះ“។

តារាចម្រៀងល្បីឈ្មោះលោកឧកញ៉ា ខេមរៈ សិរីមន្ត បាននិយាយបន្ថែមទៀតថា សូមប្អូនផ្តល់នៅយុត្តិធម៌ដល់បងផង កន្លងមកសិល្បៈក៏ផ្សេងៗគេសហការជាមួយថៃគេបានការសរសើរថា លើកមុខមាត់ជាតិតែបងវិញទទួលបានការមិនឲ្យតម្លៃពីប្អូនទៅវិញតើយុត្តិធម៌ទេសម្រាប់ករប្រឹងប្រែងរបស់បង?៕

អត្ថបទ៖ ចាន់រ៉ា