ជីវិតកម្សាន្ដ

អត់បានបែកគ្នាដូចការសង្ស័យទេ ពេលនេះ Nadech-Yaya ប្រាប់មូលហេតុត្រូវពន្យារថ្ងៃរៀបការមិនកំណត់

បានផុស

១ year មុន

នៅ

ថ្ងៃអង្គារ ២៦ មីនា ២០២៤

ដោយ

បន្ទាប់ពីមានការសង្ស័យលើគូស្នេហ៍តារាថៃ Nadech-Yaya ថាបែកគ្នា ជាពិសេសដំណឹងនៃការផ្អាកពិធីមង្គលការគ្មានកំណត់របស់ពួកគេទាំងពីរ បានធ្វើឲ្យមហាជនកាន់តែអន្ទះអន្ទែង និងដាក់ជាសំណួរថា តើពិតដូចពាក្យចាចាមអារ៉ាមដែលលេចឮឬយ៉ាងណា។

ថ្វីបើយ៉ាងនេះក្ដី កាលពីថ្ងៃទី ២៥ ខែ មីនា ឆ្នាំ ២០២៤ នៅក្នុងព្រឹត្តិការណ៍កីឡាបាល់ទាត់របស់ប៉ុស្តិ៍លេខ៣ គូស្នេហ៍ Nadech និងមិត្តស្រី Yaya ក៏បានបង្ហើបពីគម្រោងរៀបការបន្ថែមរបស់ខ្លួនផងដែរ។ គូស្នេហ៍នោះបាននិយាយថា ឥឡូវនេះគម្រោងរៀបការត្រូវបានពន្យារពេលដោយគ្មានកំណត់ជាថ្មីម្ដងទៀតនោះទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយគ្នានេះដែរ ក្នុងពិភពប្រព័ន្ធផ្សព្វផ្សាយសង្គមបានចែករំលែកវីដេអូឃ្លីបរបស់ Yaya ដែលបានមកស្វាគមន៍អ្នកគាំទ្រនៅកន្លែងឈរអបអរជាមួយ Nadech បន្ទាប់ពីបញ្ចប់ព្រឹត្តិការណ៍បាល់ទាត់របស់ប៉ុស្តិ៍លេខ៣ មុនពេលនាងនិយាយថា “ខ្ញុំនៅតែស្រលាញ់គាត់មិនប្រែប្រួលទៅណាឡើយ ដោយសារតែពេលនេះគាត់រវល់ច្រើនណាស់ ទាំងរឿងភាគ សម្ដែងរឿង ហត់រហូតរកពេលសម្រាកគ្មាននោះទេ”។

តារាសម្ដែងដ៏ល្បីរូបនេះ បានបន្ថែមព័ត៌មានដោយបញ្ជាក់ទៀតថា “អំឡុងពេលនេះខ្ញុំបានប្រឹងប្រែងធ្វើការងារ ពួកយើងកម្រមានឱកាសជួបគ្នាណាស់ ថ្ងៃនេះខ្ញុំសប្បាយចិត្តណាស់ដែលបានជួបអ្នកទាំងអស់គ្នា។ ទោះបីពួកយើងមិនសូវជិតស្និទ្ធក៏ដោយ ខ្ញុំនឹងមានឱកាសជួបអ្នកនៅក្នុងព្រឹត្តិការណ៍នេះ”។

បន្ទាប់ពីគូស្នេហ៍ស្រលាញ់គ្នាយូររឆ្នាំនេះបកស្រាយពីមូលហេតុរួចរាល់ អ្នកគាំទ្រជាច្រើនអាចស្មានដឹងហើយថា មូលហេតុដែលពិធីមង្គលការត្រូវពន្យារពេលមិនកំណត់ នេះអាចបណ្តាលមកពីកាលវិភាគតឹងតែងរបស់ម្នាក់ៗតែប៉ុណ្ណោះ ហើយពេលវេលានៅតែមិនសមស្រប ព្រោះការរៀបចំពិធីមង្គលការមានព័ត៌មានលម្អិតច្រើន។ គូស្នេហ៍នឹងត្រូវរង់ចាំអ្នកទាំងពីរមានពេលទំនេរដូចគ្នា ពេលនោះ ទើបប្រហែលជាបានឮដំណឹងល្អម្ដងទៀតសម្រាប់ពួកគេ។

យ៉ាងណាមិញកន្លងមកតារាប្រុស Nadech ធ្លាប់បានលើកឡើងក្នុងបទសម្ភាសន៍ពីពិធីរៀបការម្ដងជា២ដងរួចមកហើយថា លោកនឹងពន្យារពេលរហូតចាំស្ថានការណ៍ល្អប្រសើរ ឬពេលវេលាធូររលុងរៀងៗខ្លួនសិន។ ជាពិសេសលោកចង់មានពេលអង្គុយរើសអ្វីគ្រប់យ៉ាង ចំណាយពេលជាមួយ Yaya ដើម្បីបានរើសឈុតដែលខ្លួនពេញចិត្តស្រលាញ់។នៅពេលដែលរៀបការ ពួកគេនឹងមានអារម្មណ៍សោកស្ដាយជាមួយពិធីដ៏ល្អនេះឡើយ៕