ជីវិតកម្សាន្ដ

បាត់មុខយូរ តារាកំប្លែងថៃ Chusi ធ្លាក់ខ្លួនដេកតាមវត្តអារាម

បានផុស

៦ ខែ មុន

នៅ

ថ្ងៃអង្គារ ២៦ មីនា ២០២៤

ដោយ

តារាកំប្លែង Chusri Chern Yim ដែលទស្សនិកជនភាគច្រើនស្គាល់មុខមាត់របស់លោក តាមរយៈរឿងថៃក្រោមចំណងជើងថា “ខ្មោចកំបុតក្បាល” នាឆ្នាំ២០០២ ឬ Headless Hero ល្បីល្បាញខ្លាំង ដោយសារតែភាពប៉ិនប្រសព្វនិងជំនាញសម្ដែងនាំឲ្យមហាជនសើចសប្បាយ។

យ៉ាងណាក៏ដោយ តាមរយៈ YouTube Channel របស់លោក Lue Phuea បានបង្ហាះនូវវីដេអូរបស់តារាកំប្លែងជើងចាស់រូបនេះ បន្ទាប់ពីបាត់មុខសូន្យឈឹងពីអាជីពសម្ដែងអស់រយៈកាលជាយូរ។ ក្រោយមកទើបឃើញ លោកបែរជាធ្លាក់ក្នុងសភាពពិបាកភ្នែកមើល ដោយការហូបចុក និងដេកនៅវត្តប៉ាបណាំប្រាអ៊ីន ខេត្ត Ubon Ratchathani រហូតដល់មនុស្សជាច្រើនបានចោទជាសួរសំណួរថា តើមូលហេតុអ្វី ដែលគាត់ប្រែក្លាយជាបែបនេះ?

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាកំប្លែងដ៏ល្បីរូបនេះបានប្រាប់ថា លោកចាប់ផ្តើមប្រឡូកក្នុងវិស័យនេះក្នុងនាមជាតារាចម្រៀងប្រចាំប្រទេស ដោយធ្វើការជាមួយក្រុមតន្ត្រីល្បីៗជាច្រើននៅពេលនោះ រហូតមកដល់ទីបំផុត ត្រូវបានគេបណ្តេញចេញដោយសារស្រវឹង។ ពេលនោះហើយវាជាចំណុចរបត់មួយ ក្នុងជីវិតរបស់គាត់ ពីអ្នកចម្រៀងស្រុកទៅជាតារាកំប្លែង។

នៅឆ្នាំ ១៩៨៣ គាត់បានចាប់ផ្តើមលេងកំប្លែងនៅហាងកាហ្វេមួយកន្លែង ហើយនៅឆ្នាំ ១៩៨៦ ត្រូវបានអញ្ជើញឲ្យចូលរួមក្នុងក្រុម Chernyim រហូតក្លាយជាតារាកំប្លែងល្បីដែលមានតែមនុស្សស្គាល់ ទើបរូបគាត់មានឱកាសបង្កើតក្រុមកំប្លែងរបស់គាត់គឺក្រុមកំប្លែង Chusi Chernyim មកទល់សព្វថ្ងៃ។

ទោះយ៉ាងណាក៏ដោយ ក្នុងអាជីពសិល្បៈរបស់តារាប្រុសរូបនេះ តាំងពីដើមមក មហាជនជាច្រើនបានគិតថា គាត់ប្រាកដជាក្លាយជាអ្នកមានប្រាក់ច្រើន និងមានទ្រព្យសម្បត្តិច្រើនលើសគេឯងមិនខានទេ។ ប៉ុន្តែហេតុអ្វីបានជាគាត់មករស់នៅវត្ត ក្នុងខេត្ត Ubon Ratchathani ទៅវិញ។

ថ្វីបើយ៉ាងណា តារាកំប្លែងស្ងួតប្រចាំប្រទេសថៃ Chusi បានឆ្លើយតបទាំងញញឹមវិញថា តាមពិតទៅពីដំបូងមកម៉្លេះ គាត់ត្រូវបានអ្នកស្គាល់គ្នាហៅមកច្រៀងចម្រៀងឲ្យហ្លួងតានៅក្នុងវត្ត ហើយពេលមកដល់វត្ត គាត់ហាក់ជាមានជំនឿនិងគោរពដល់ម្ចាស់ទឹកទឹកម្ចាស់ដី ដល់ថ្នាក់សុំខ្លួនក្លាយជាសិស្ស និងបម្រើ។ ដូច្នេះហើយទើបគាត់ចេញចូលវត្តនេះទៅមកៗជាញឹកញាប់ រហូតជាប់លាប់ លែងចង់ទៅចាប់អាជីពសម្ដែងវិញ។

យ៉ាងណាមិញ បន្ទាប់ពីទស្សនិកជនជាច្រើនបានស្ដាប់នូវរឿងរ៉ាវលម្អិតរបស់លោករួចរាល់ ម្នាក់ៗសុទ្ធតែបញ្ចេញមតិក្នុងន័យដូចគ្នាថា តារាកំប្លែងដ៏ល្បីនេះសុខចិត្តផ្លាស់ប្តូរខ្លួនឯងពីមនុស្សដែលតែងតែរស់នៅបែបសប្បាយលើឆាក មកជាមនុស្សម្នាក់ផ្សេងទៀតដែលស្ងប់សុខក្នុងវត្ត។ នោះគឺដោយសារការស្រូបយកការប្រៀនប្រដៅ និងទទួលយករបស់ល្អៗពីលោកតាដែលគង់ក្នុងវត្តអារាម រួមទាំងការបង្រៀនឲ្យចេះប្រើប្រាស់ជីវិតរស់នៅក្នុងបច្ចុប្បន្ននេះល្អប្រសើជាងមុន៕