ជីវិតកម្សាន្ដ

Kim Sae Ron ឆ្លើយតបនឹងរូបថតធ្លាយជាមួយ Kim Soo Hyun ក្រោយរងការវាយប្រហារមិនឈប់

បានផុស

៦ ខែ មុន

នៅ

ថ្ងៃព្រហស្បតិ៍ ២៨ មីនា ២០២៤

ដោយ

បើទោះបីជា Kim Sae Ron បានឆ្លើយតបនឹងបញ្ហាបង្ហោះរូបបែកធ្លាយជាមួយ Kim Soo Hyun ជុំវិញពាក្យចចាមអារ៉ាមនៃទំនាក់ទំនងរបស់អ្នកទាំងពីររួចម្ដងហើយក្ដី ប៉ុន្តែមកដល់ពេលនេះទស្សនិកជននៅតែមិនអស់ចិត្ត និងវាយប្រហារយ៉ាងខ្លាំងលើរូបនាង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ត្រលប់ទៅថ្ងៃទី ២៤ ខែមីនាឆ្នាំ ២០២៤ នៅលើប្រព័ន្ធអ៉ិនធើណេត Sae Ron បានបង្ហោះរូបថតដែលមើលទៅជិតដិតគ្នាខ្លាំងលើសពីមិត្តភាពជាមួយ Kim Soo Hyun នៅលើ IG Story ផ្ទាល់របស់នាង មុននឹងលុបវាចោលក្នុងរយៈពេលប៉ុន្មានវិនាទី។ ទង្វើនេះបានធ្វើឲ្យមនុស្សជាច្រើនមានចំងល់ថា តើអ្នកទាំងពីរមានទំនាក់ទំនងអ្វីនឹងគ្នា?

ក្រោយមក ភ្នាក់ងាររបស់ Kim Soo Hyun បានចេញសេចក្តីថ្លែងការណ៍មួយនិយាយ ពាក្យចចាមអារ៉ាមទាក់ទងគ្នារវាង Kim Soo Hyun និង Kim Sae Ron គ្មានមូលដ្ឋាន អ្នកទាំងពីរគឺគ្រាន់តែជាអ្នកសិល្បៈក្រោមស្លាកសញ្ញាដូចគ្នាក្នុងរយៈពេលជាក់លាក់មួយ ហើយគេមិនដឹងថានាងមានចេតនាបង្ហោះរូបនេះយ៉ាងណានោះទេ។ ខាងផលិតកម្មនឹងត្រៀមចាត់វិធានការយ៉ាងឆាប់រហ័ស ចំពោះអ្នកដែលធ្វើឲ្យខូចកេរ្តិ៍ឈ្មោះតារាប្រុសរបស់ពួកគេ។

ទន្ទឹមនោះទៀតសោត ប្រព័ន្ធផ្សព្វផ្សាយកូរ៉េខាងត្បូងក៏បានទាក់ទងទៅ Kim Sae Ron ដើម្បីសាកសួរពីព័ត៌មានបន្ថែម ប៉ុន្តែតារាស្រីរូបនេះឆ្លើយយ៉ាងសាមញ្ញថា សេចក្តីថ្លែងការណ៍ស្តីពីជំហររបស់នាងកំពុងត្រូវបានរៀបចំ។

ថ្វីបើយ៉ាងនេះក្ដី រហូតដល់ថ្ងៃទី២៧ ខែមីនា ឆ្នាំ២០២៤ Kim Sae Ron នៅមិនទាន់ចេញសេចក្តីថ្លែងការណ៍ ឬពន្យល់ពីបញ្ហានេះទាល់តែសោះ។ តំណាងទីភ្នាក់ងារព័ត៌មានកូរ៉េខាងត្បូងបានទាក់ទងទៅសាកសួរម្ដងទៀត ទើបតែនាថ្ងៃនេះនាងបានឆ្លើយយ៉ាងធម្មតាថា “ខ្ញុំបានគិតអំពីរឿងនេះឲ្យបានហ្មត់ចត់ ហើយខ្ញុំគិតថាវានឹងមានប្រយោជន៍បំផុត។ ប្រសិនបើខ្ញុំជ្រើសរើសមិននិយាយអ្វីទាំងអស់”។

យ៉ាងណាមិញ ងាកទៅកាន់អ្នកលេងអ៊ីនធឺណិតជាច្រើនដែលកំពុងរង់ចាំព័ត៌មានថ្មីៗ បន្ទាប់ពីបានស្ដាប់ការបកស្រាយរបស់នាងរួចរាល់ ម្នាក់ៗមានការភ្ញាក់ផ្អើលចំពោះចម្លើយរបស់ Kim Sae Ron ជាខ្លាំង។ មនុស្សជាច្រើននៅតែមិនយល់ពីចេតនាដែលនាងបង្ហោះរូបភាពនោះ ហើយលុបវាចោលភ្លាមៗដោយមិនពន្យល់អ្វីបន្ថែមមកទល់ឥលូវនេះ៕