ជីវិតកម្សាន្ដ

ស្ទីលប្រារព្ធខួបកំណើតគម្រប់ ២៧ ឆ្នាំរបស់ Lisa ស្អាតប្លែក ខុសមុនឆ្ងាយ

បានផុស

១២ ខែ មុន

នៅ

ថ្ងៃចន្ទ ១ មេសា ២០២៤

ដោយ

Lisa សមាជិកក្រុម Blackpink បានប្រារព្ធខួបកំណើតគម្រប់ ២៧ ឆ្នាំរបស់នាងនៅក្នុងប្រទេសថៃ ក្នុងសំលៀកបំពាក់ Oscar de la Renta sequin និងឈុតគ្រឿងអលង្ការ Bulgari ដ៏ស្រស់ស្អាតបំផុតបង្ហាញថា ស្ទីលនេះស្អាតប្លែកខុសពីមុនឆ្ងាយ។

ការប្រារព្ធពិធីនេះបានធ្វើឡើងនៅភោជនីយដ្ឋានមួយស្ថិតក្នុងក្រុងបាងកក នៅថ្ងៃទី ២៧ ខែមីនា ហើយនាងបានជ្រើសយកប្រធានបទឌីស្កូឆ្នាំ ១៩៧០មកស្លៀកពាក់។ Lisa ត្រូវបានគេរាយការណ៍ថា នាងវិលត្រឡប់ទៅប្រទេសថៃវិញប៉ុន្មានថ្ងៃមុនព្រឹត្តិការណ៍នេះ ហ់ើយនាងក៏បានជ្រើសរើសសំលៀកបំពាក់ឈុតដែលឆ្លុះបញ្ជាំងស្បែកសរលោង នរំលឹកការឆ្នាំដែលកន្លងទៅផងដែរ។

ក្នុងនោះថែមទៀតដែរ សមាជិកក្រុម Blackpink បានជ្រើសរើសការតុបតែងភ្នែកដ៏ទាក់ទាញ ម៉ូដសក់ដ៏ស្រស់ស្អាត និងស្បែកជើងពី Louis Vuitton ស្របពេលដែលពិធីជប់លៀងនេះបុរួមមានការថតរូបជាមួយម្តាយ ឪពុកចុង និងជីដូនបង្កើតដែលកម្រឃើញបំផុត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លើសពីនេះ អ្នកគាំទ្រជុំវិញពិភពលោកក៏បានសម្ដែងការស្វាគមន៍ថ្ងៃខួបកំណើតរបស់នាង បន្ទាប់ពីបានឃើញតារារូបនេះនៅលើបណ្ដាញសង្គម។ ជាពិសេសឈុតមួយនេះបានទាក់ទាញការចាប់អារម្មណ៍យ៉ាងសម្បើម ពីព្រោះអ្នកគាំទ្រទូទាំងពិភពលោកកម្របានឃើញនាងបង្ហាញការស្លៀកពាក់បែបនេះ បង្ហោះលើគណនីផ្ទាល់ខ្លួនណាស់។

យ៉ាងណាក៏ដោយ មុនពេលមកដល់ប្រទេសថៃដើម្បីអបអរខួបកំណើតជាមួយក្រុមគ្រួសារ Lisa ទើបតែធ្វើពិធីខួបកំណើតផ្ទាល់ខ្លួននៅប្រទេសកូរ៉េ ដោយបើកបង្ហាញពីផ្ទះប្រណិតដែលនាងទិញទុកកន្លងមក។ ក្នុងនោះ សមាជិកក្រុម BLACKPINK បានទម្លាយថា ប្រសិនបើនាងមិនមែនជាអ្នកសិល្បៈបែប K-pop អាជីពដែលនាងស្រលាញ់ពេញចិត្តបំផុតគឺជានារីអាកាសចរ ឬជាអ្នកបម្រើលើយន្តហោះដ៏ស្រស់ស្អាតមួយរូប ខណៈដែលអ្នកគាំទ្របានចំអន់លេងថា ពេលនេះនាងឡើងយន្តហោះញឹកញាប់ជាងម្ចាស់អាជីពទៅទៀត៕