ជីវិតកម្សាន្ដ

មាស សុខសោភា បង្ហើបប្រវត្តិរឿងរ៉ាវតស៊ូកាលពីក្មេងធ្លាប់ឆ្លងកាត់

បានផុស

១២ ខែ មុន

នៅ

ថ្ងៃចន្ទ ១ មេសា ២០២៤

ដោយ

តារាចម្រៀងអ្នកនាង មាស សុខសោភា ថ្វីត្បិតតែបច្ចុប្បន្ននាងបានចាក់ចេញពីទ្រនំចាស់ ផលិតកម្មថោន រយៈពេលជិត ៣ឆ្នាំហើយពិតមែន តែសម្រប់ទីផ្សារគាំទ្រ និងកេរ្តិ៍ឈ្មោះល្បីរបស់នាងតែងនៅតែដក់ជាប់ក្នុងអារម្មណ៍ទស្សនិកជនមិនអន់ថយឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញ ស្របពេលទីផ្សានៅតែមានសន្ទុះគាំទ្រខ្លាំងស្រាប់តែកំពូលតារាចម្រៀង មាស សុខសោភា បានចេញមុខបង្ហើបប្រវត្តិរបស់ខ្លួន កាលពីក្មេងធ្លាប់ឆ្លងកាត់រឿងរ៉ាវតស៊ូមួយចំនួន។

មាស សុខសោភា បានរំលេចខ្លឹមសារជាមួយចំណងជើបទចម្រៀងថ្មី ថា « “ជួបជុំផៅញាតិ“ បទចម្រៀងចូលឆ្នាំខ្មែរឆ្នាំនេះខ្ញុំបានបញ្ចូលសាច់រឿងពីជីវិតពិតរបស់ខ្ញុំខ្លះៗមកបង្ហាញជូន»។

អ្នកនាង មាស សុខសោភា បានលើកឡើងថា” ក្រោយសាលាបឋមសិក្សាកៀនស្វាយ នាងខ្ញុំតែងតែជួយលាងចាន និងធ្វើម្ហូបឲ្យម្តាយខ្ញុំជានិច្ចហើយនៅចុងសប្តាហ៍នាងខ្ញុំបានដើរលក់ផ្លែឈើ និងបន្លែនៅជុំវិញភូមិដែលខ្ញុំរស់នៅ“។

កំពូលតារាចម្រៀងរូបនេះបានបន្ថែមទៀតថា នាងមានមោទនភាពចំពោះទីកន្លែងដែលនាងបានជ្រកកោនណាស់មកពីការលះបង់កន្លែងដែលនាងនៅពេលនោះបានធ្វើឲ្យនាងប្រឹងប្រែងធ្វើ ហើយទទួលបានលទ្ធផល នឹងមានសុភមង្គលជាមួយបងប្អូននាពេលនេះ។

គួរកត់សម្គាល់ថា ការរក្សាបានប្រជាប្រិយភាព និងការគាំទ្រពីសំណាក់តារាចម្រៀងសម្លេងមនោសញ្ចេតនាអ្នកនាង មាស សុខសោភា នៅលើទីផ្សារសិល្បៈសព្វថ្ងៃនេះត្រូបានអ្នកតាមដានវិស័យសិល្បៈខ្មែរវិភាគឃើញថា ដោយសារតារាស្រីរូបនេះគឺមានឥទ្ធិពលសម្លេងអំណោយផលពីធម្មជាតិដែលធ្វើឲ្យអ្នកគាំទ្រ និងមិត្តៗយុវវ័យស្តាប់មិនចេះជិនណាយ ពិសេសបូករួមនឹងលក្ខណៈសម្បត្តិ អត្តចរិត រួសរាយរាក់ទាក់ដែលមើលឃើញពីការផ្តល់តម្លៃចំពោះអ្នកគាំទ្រ៕

អត្ថបទ៖ ចាន់រ៉ា