តារា K-Pop ៥ រូប ​តស៊ូក្នុងអាជីព ទម្រាំទិញ​ផ្ទះ​ប្រណិតតម្លៃរាប់លានដុល្លារ នៅកណ្ដាលក្រុង

នៅពេលដែលតារា K-pop បង្ហាញខ្លួនដំបូង ពួកគេតែងតែស្នាក់នៅក្នុងបន្ទប់ស្នាក់នៅដែលផ្តល់ដោយក្រុមហ៊ុន ឬអាចរស់នៅជាមួយសមាជិកក្នុងផ្ទះរួមគ្នា។ ប៉ុន្តែ ហោចណាស់ មាន​តារា​ល្បី​ៗជាច្រើនអាចរក​ចំណូល​បាន​ច្រើន​ល្មម រស់​បាន​យ៉ាងមានសុភមង្គល ដើម្បីទិញផ្ទះមួយផ្ទាល់ខ្លួនហើយ ចាកចេញពីទ្រនំរួមគ្នា។

តារា K-pop ទាំង៥ដួងនេះ ធ្វើឲ្យអ្នកគាំទ្រភ្ញាក់ផ្អើល ជាមួយនឹងផ្ទះដ៏ប្រណិត មានតម្លៃរាប់លានស្ថិតនៅកណ្ដាលក្រុងល្បីៗក្នុងប្រទេសកួរ៉េខាងត្បូង។

១ Lisa សមាជិកក្រុម BLACKPINK

នៅថ្ងៃទី២៧ ខែមីនា ឆ្នាំ ២០២៤ Lisa បានបង្ហាញផ្ទះរបស់នាងតាមរយៈវីដេអូ YouTube ដែលត្រូវបានបង្ហោះចូលទៅក្នុង Channel របស់ LLOUD ។ នៅក្នុងវីដេអូ Lisa បានបង្ហាញផ្នែកជាច្រើននៃផ្ទះរបស់នាង ចាប់ពីច្រកចូលរហូតដល់ខាងក្នុងនៃវិមានរបស់នាង។ ផ្ទះរបស់នាងក៏មានពិដានខ្ពស់ផងដែរ។ ផ្ទះរបស់ Lisa ស្ថិតនៅក្នុងតំបន់ដ៏សំបូរបែបនៃ Seongbuk-dong ទីក្រុងសេអ៊ូល ហើយមានតម្លៃ ៧.៥ ពាន់លានវ៉ុន។ Lisa បានចំណាយសម្រាប់វាជាសាច់ប្រាក់ ហើយបានចំណាយការខិតខំប្រឹងប្រែងជាច្រើនក្នុងការជួសជុលផ្ទះពីរជាន់នេះថែមទៀតផង។

២ Jungkook សមាជិក BTS

Jungkook សមាជិកក្រុម BTS ត្រូវបានគេដឹងថាបានទិញផ្ទះផ្ដាច់មួយនៅឆ្នាំ ២០២០ ហើយបច្ចុប្បន្នកំពុងសាងសង់ផ្ទះប្រាំជាន់បន្ថែមទៀត។ យោងតាមរបាយការណ៍ពីឆ្នាំ ២០២៣ តារារូបនេះកំពុងសាងសង់វិមានមួយដែលមានបីជាន់ពីលើដី និងពីរជាន់ក្រោមដី។ កាល​បរិច្ឆេទ​បញ្ចប់​គឺ​កំណត់​នៅ​ថ្ងៃ​ទី ៣១ ខែ​ឧសភា​ឆ្នាំ​នេះ។ Jungkook បានទិញផ្ទះរបស់គាត់ក្នុងខែមករាឆ្នាំ ២០២០ ដោយចំណាយប្រាក់ចំនួន ៧.៦៣ ពាន់លានវ៉ុន។ រាប់បញ្ចូលទាំងតម្លៃទិញ និងថ្លៃសាងសង់ គេប៉ាន់ប្រមាណថាគាត់បានចំណាយប្រាក់ ១០០ ពាន់លានវ៉ុន។

៣ តារាចម្រៀង IU

IU ត្រូវបានគេស្គាល់ថាជាម្ចាស់អចលនទ្រព្យជាច្រើន។ យោងតាមឧស្សាហកម្មអចលនទ្រព្យនៅក្នុងខែកុម្ភៈឆ្នាំ ២០២១ នាងបានទិញផ្ទះមួយនៅ Eterno Cheongdam ក្នុងតម្លៃ ១៣ ពាន់លានវ៉ុនជាសាច់ប្រាក់។ បច្ចុប្បន្ននេះ IU រស់នៅក្នុង Raemian Caelitus ដែលមានទីតាំងនៅ Ichon-dong, Yongsan-gu, ទីក្រុងសេអ៊ូល។ អគារផ្ទះល្វែងដ៏សំបូរបែបនេះ មានតារាកំពូលៗជាច្រើន ដូចជាតារាសម្តែង Yoo In-na ក៏ដូចជាតារាចម្រៀង Zico និង Crush ជាដើម។

អ្វីដែលជាការចាប់អារម្មណ៍បំផុត IU ល្បី​ខាង​បរិច្ចាគ​ប្រាក់​ជាង ១​ពាន់​លាន​វ៉ុន​ក្នុង​មួយ​ឆ្នាំ។ វាត្រូវបានលាតត្រដាងនៅថ្ងៃទី ០១ ខែមករា ឆ្នាំ ២០២៤ ថា នាងបានធ្វើការបរិច្ចាគដើម្បីជួយដល់ក្រុមដែលងាយរងគ្រោះ ដើម្បីស្វាគមន៍ឆ្នាំថ្មី។ ទង្វើ​នេះ​ទទួល​បាន​ការ​ភ្ញាក់​ផ្អើល និង​កោត​សរសើរយ៉ាងក្រែលែអពីសំណាកអ្នកគាំទ្រទូទាំងពិភពលោក។

៤ Cha Eunwoo សមាជិកក្រុម ASTRO

សមាជិកក្រុម ASTRO លោក Cha Eunwoo បានបង្កើតចំណងជើងក្នុងឆ្នាំ ២០២១ បន្ទាប់ពីត្រូវបានគេរាយការណ៍ថា តារាសម្ដែងប្រុសនេះបានទិញយូនីតជាន់ទី ២០ នៅក្នុងអគារប្រណីត Ville Polaris Penthouse ដែលមានទីតាំងនៅ Chengdam-dong Gangnam-gu ទីក្រុងសេអ៊ូល។ តារា​សម្ដែង​រូប​នេះ​បាន​ចំណាយ​ប្រាក់​ចំនួន ៤.៩ ពាន់​លាន​វ៉ុន។

Cha Eunwoo រស់នៅក្នុងផ្ទះល្វែងដ៏ល្បីមួយ ដែលគេចាត់ទុកថាជានិមិត្តសញ្ញានៃភាពប្រណីត តំណាងឲ្យ Cheongdam-dong ។ វា​មាន​ជាន់​ក្រោម​ដី​បី និង​ជាន់​ផ្ទាល់​ដី​ម្ភៃ ដែល​ផ្តល់​អត្ថប្រយោជន៍​នៃ​ការ​រីករាយ​នឹង​ទិដ្ឋភាព​នៃ​ទន្លេ Han ។ ​សូម្បីតែ តារាសម្តែង Park Min Young ក៏ស្នាក់នៅជាន់មួយទៀតនៃអគារនេះប្រណិតនេះផងដែរ។

៥ Yoona ក្រុម Girls’ Generation

សមាជិក​ក្រុម Girls’ Generation និង​ជា​តារា​សម្ដែង Yoona ដែល​តំណាង​ឲ្យ​ក្រុម​ចម្រៀង​ល្បី​ជំនាន់​ទី ២ ក៏​បាន​ទិញ​ផ្ទះ​ល្វែង​ប្រណីត​មួយ​នៅ Cheongdam-dong ដូចគ្នា។ យោងតាមឧស្សាហកម្មអចលនទ្រព្យ Yooma បានទិញអាផាតមិនប្រណីតដែលមានទីតាំងនៅ Cheongdam-dong, សង្កាត Gangnam-gu ក្នុងតម្លៃសរុប ៥.៧ ពាន់លានវ៉ុនជាសាច់ប្រាក់ក្នុងខែកុម្ភៈ ឆ្នាំ ២០២២។ នាងបានបង្ហាញពីទេពកោសល្យដ៏គួរឲ្យកត់សម្គាល់តាមរយៈការច្រៀង និងសម្តែងតាំងពីដំបូងមកម្ល៉េះ ប៉ុន្តែឥឡូវនេះនាងក៏បានបង្ហាញពីទេពកោសល្យរបស់នាងក្នុងការវិនិយោគអចលនទ្រព្យផងដែរ៕

អត្ថបទ៖ សាង ស្រីល័ក្ខ

ចុចអាន៖Dispatch បង្ហាញព័ស្តុតាងថា មិត្តប្រុស Areum ជាបុគ្គលបោកប្រាស់ និងជនល្មើសផ្លូវភេទ