ជីវិតកម្សាន្ដ

ឃុំ ប៉ុណ្ណាដែត ចង់ឃើញយុវជនខ្មែរចេះមោទនភាពជាមួយការប្រកួតប្រជែងបែប Technology

បានផុស

៧ ខែ មុន

នៅ

ថ្ងៃពុធ ៣ មេសា ២០២៤

ដោយ

ដោងសង្កេតឃើញមួយរយៈនេះមានយុវជនខ្មែរមួយចំនួនកំពុងសប្បាយភ្លើតភ្លើននឹងដើរលេងសប្បាយបង្កភាពអនាធិបតេយ្យដល់សង្គមតាមរយៈការលេងជះទឹក ប៉ាតម្សៅ នៅតាមដងផ្លូវសាធារណ់ស្រាប់តែតារាចម្រៀងជើងចាស់លោក ឃុំ ប៉ុណ្ណាដែត បានបង្ហាញការដាស់តឿនឲ្យគិតឡើងវិញចំពោះបញ្ហានេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយគ្នានៃការដាស់តឿននេះតារាចម្រៀងលោក ឃុំ ប៉ុណ្ណាដែត ក៏បានលើកឡើងពីគុណសម្បត្តិមួយដែលយុវវ័យត្រូវតែមានការភ្ញាក់រលឹកដោយមិនគួរមើលរំលងឡើង។ លោកថា រឿងដែលគួរធ្វើសម្រាប់អនាគតខ្លួនឯង គឺយុវជន ខ្មែរយើងត្រូវចេះមោទនភាពជាមួយការប្រគួតប្រជែងបែប Technology ទើបជារឿងល្អប្រសើរ។

តារាចម្រៀងប្រុសម្ចាស់បទ “កុំចាកចោលបង” លោក ឃុំ ប៉ុណ្ណាដែត បានលើកឡើងខ្លឹមសារថា “កុំមោទនភាពបែបនេះក្មួយៗ គួរតែមកមោទនភាពជាមួយការប្រគួតប្រជែងបែប Technology ឬនាំគ្នាស្រាវជ្រាវបង្កើតរបស់ប្រើប្រាស់ថ្មីៗទើបប្រសើរហើយគេហៅស្ទាវសម័យថ្មី ២០២៤“។

សំណេរលើកឡើងរបស់លោក ឃុំ ប៉ុណ្ណាដែត ខាងលើនេះគឺបានបង្ហោះភ្ជាប់ជាមួយវីដេអូដែលត្រូវបានចែករំលែកនៅលើបណ្តាញសង្គមបង្ហាញពីទិដ្ឋភាពរបស់ក្មេងៗជាយុវជនជាច្រើននាក់បាននាំគ្នាជិះម៉ូតូយ៉ាងអនាធិបតេយ្យពេញផ្លូវ។ ដោយឡែកក៏មានអ្នកលេងបណ្តាញសង្គមមួយចំនួនបានរិះគន់ចំពោះទង្វើក្មេងៗទាំងនោះផងដែរ។

មានការបញ្ចេញមតិថា «ប្រទេសអភិវឌ្ឍន៍បច្ចេកវិទ្យាកាន់តែទំនើបយុវជនគេនិងវិស័យអប់រំគេមានការរីកចម្រើនចំណែកឯប្រទេសកំពុងអភិវឌ្ឍបច្ចេកវិទ្យាកាន់តែទំនើបយុវជនមួយចំននួនក៏កាន់តែភ្លើរ វិស័យអប់រំក៏ធ្លាក់ចុះ អសីលធម៌ អសន្តិសុខសង្គម វ័យមានកម្លាំង និងជាសសរទ្រូងរបស់ប្រទេសបែរជាក្លាយជាក្មេងពាលបាតសង្គមអនាធិបេតេយ្យពាសពេញទីក្រុង។ ស្រណោះប្រទេសយុវជនពេញកម្លាំងបែរខ្លាចជាទំពាំងស្អុយ»៕

អត្ថបទ៖ ចាន់រ៉ា