ជីវិតកម្សាន្ដ
ខាត់ សុឃីម បំផុសប្រជាពលរដ្ឋខ្មែរចងទង់ជាតិនៅតាមផ្ទះ អបអរឆ្នាំថ្មី
ខណៈពិធីបុណ្យចូលឆ្នាំថ្មីប្រពៃណីជាតិកៀកចូលមកដល់នាពេលឆាប់ៗ ខាងមុខនេះ តារាស្រីពហុជំនាញ អ្នកនាង ខាត់ សុឃីម បានចេញមកបំផុសដល់មហាជន និងប្រជាពលរដ្ឋខ្មែរទូទាំងប្រទេស គួរនាំគ្នាត្រៀមរៀបចំកែលម្អផ្ទះសំបែង ពិសេសចងទង់ជាតិនៅតាមផ្ទះដើម្បីអបអរឆ្នាំថ្មី។

ចំពោះការចេញមកបំផុស ក៏ដូចជាការអំពាវនាវរបស់តារាស្រីអ្នកនាង ខាត់ សុឃីម នេះ ដោយសារនាងយល់ថា ទង់ជាតិ ជាដួងព្រលឹងជាតិ ដូច្នេះហើយទើបនាងស្នើសូមឲ្យមហាជនគួរតែនាំគ្នាចងទង់ជាតិមុខផ្ទះរៀងៗ ខ្លួន នាឱកាសឆ្នាំថ្មីប្រពៃណីខ្មែរ។ ម្យ៉ាងទៀត ក៏មានការបំផុសឲ្យយុវវ័យ ត្រូវនាំគ្នាលេងល្បែងប្រជាប្រិយផងដែរ។
តារាពហុជំនាញ ខាត់ សុឃីម បានលើកឡើងថា «បងប្អូនជនរួមជាតិដែលគោរព និងស្រឡាញ់វប្បធម៌ខ្មែរ ហើយចង់លើកតម្កើងប្រពៃណី តើមុខផ្ទះរបស់បងប្អូនបានចងទង់ជាតិ ឬទង់ខ្សែណាមួយអបអរទទួលឆ្នាំថ្មីឬនៅ? បើមិនទាន់ សូមរៀបចំតាមលទ្ធភាព ដើម្បីសាទរឆ្នាំថ្មី»។

គួររម្លឹកដែរថា កាលពីថ្មីៗ តារាស្រីអ្នកនាង ខាត់ សុឃីម ក៏បានចេញសារដើម្បីធ្វើការដាស់តឿនដល់យុវជនខ្មែរគ្រប់ៗ រូប ត្រូវមានភាពកតញ្ញូស្រលាញ់ដឹងគុណចំពោះឪពុក-ម្តាយឲ្យបានច្រើន ខណៈដែលឱកាស នៃពិធីបុណ្យចូលឆ្នាំថ្មីប្រពៃណីជាតិខ្មែរឈានជិតចូលមកដល់នាពេលឆាប់ៗ ខាងមុខ។
តារាចម្រៀងល្បីឈ្មោះអ្នកនាង ខាត់ សុឃីម បាននិយាយចេញពីអារម្មណ៍ពិតផ្ទាល់ខ្លួនថា «ទឹកចិត្តអ្នកម្ដាយមិនអាចកាត់ថ្លៃបានទេ..ម្ដាយឯណាចង់ឲ្យកូនឈឺ ចង់ឲ្យកូនយំ គឺគ្មាននោះទេ ដូច្នេះចូរស្រលាញ់អ្នកម្ដាយរបស់ខ្លួនឲ្យច្រើនៗ ទាន់នៅមានឱកាស»។ អ្នកនាង ថា «មានលុយជូនលុយ មានពេលនាំគាត់ដើរលេងទិញម្ហូបឆ្ងាញ់ៗ ជូនគាត់ កុំចាំដល់គាត់ស្លាប់បាត់ ចាំសែនម្ហូបឲ្យគាត់ គឺគាត់មិនបានទទួលទេ»៕
អត្ថបទ ៖ ចាន់រ៉ា



-
ព័ត៌មានអន្ដរជាតិ១១ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២១ ម៉ោង ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?