ជីវិតកម្សាន្ដ

តារាចម្រៀង ម៉ាឡេស៊ី ម្នាក់ បើកភ្លើងខៀវឲ្យប្តីរៀបការប្រពន្ធថ្មី ព្រោះខ្លួនចង់ផ្តោតលើការងារជាង

បានផុស

១២ ខែ មុន

នៅ

ថ្ងៃអាទិត្យ ៧ មេសា ២០២៤

ដោយ

តារាចម្រៀងម៉ាឡេស៊ីដ៏ល្បីល្បាញមួយរូបបានបង្កើតការភ្ញាក់ផ្អើលដល់អ្នកគាំទ្រជាច្រើន ខណៈដែលតារាស្រីរូបនេះបានបង្ហើបថា ខ្លួនបានបើកភ្លើងខៀវឲ្យស្វាមីស្វែងរកស្រីកំណាន់ចិត្តឬភរិយាទី២ ដោយសារតែនាងរវល់និងចង់ផ្ដោតលើអាជីពផ្ទាល់ខ្លួនជាង។

Azline Ariffin ជាតារាចម្រៀងស្រីជនជាតិម៉ាឡេស៊ីដ៏ល្បីអាយុ ៤២ ឆ្នាំ ដែលជាអ្នកនិពន្ធបទចម្រៀង Hi Hi Bye Bye ក្នុងឆ្នាំ ២០០៣ បច្ចុប្បន្នមានអ្នក Follow ជាង ១៧៣,០០០ នាក់។ កាលពីដើមខែមីនាកន្លងទៅ នាងបានលាតត្រដាងរឿងមួយ ដោយរូបនាងបានធ្វើច្បាប់ពហុពន្ធភាពជាមួយប្តីរបស់នាងឈ្មោះ Wan Moh Hafizam អាយុ ៤៧ ឆ្នាំក្នុងឆ្នាំ ២០២១ ។ កាលពីខែមីនាឆ្នាំមុន Hafizam បានរៀបការជាមួយប្រពន្ធទីពីររបស់គាត់ ដែលធ្វើការជាវេជ្ជបណ្ឌិតនៅអាយុត្រឹមតែ ២៦ ឆ្នាំតែប៉ុណ្ណោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការសម្រេចចិត្តនេះ ជាការយល់ឃើញរបស់នាងផ្ទាល់ នាងក៏ជាអ្នកជួយប្តីជ្រើសរើសប្រពន្ធថ្មី ហើយបានលើកហេតុផលក្នុងការសម្រេចចិត្តទុកឲ្យភរិយាទីពីរនៅក្បែរស្វាមី ក្នុងពេលដែលលោកផ្ដោតលើអាជីពការងារ។ ក្នុងនោះបាននិយាយថា “ខ្ញុំជាអ្នកធ្វើការ ការងាររបស់ខ្ញុំជារឿយៗតម្រូវឲ្យខ្ញុំធ្វើដំណើរផ្លូវឆ្ងាយ ហើយខ្ញុំមានអារម្មណ៍មិនស្រួល។ ខ្ញុំត្រូវការអ្នកផ្សេងមកជួយការងារផ្ទះខ្ញុំ”។

យ៉ាងណាក៏ដោយ ពហុពន្ធភាព (រៀបការ) គឺស្របច្បាប់នៅក្នុងសាសនាអ៊ីស្លាម ហើយបុរសម្នាក់អាចមានប្រពន្ធរហូតដល់បួននាក់។ ប៉ុន្តែការអនុវត្តនេះគឺខុសច្បាប់សម្រាប់សាសនាផ្សេងទៀតដែលមិនមានចែងសម្រាប់ប្រទេសដែលមានប្ដីប្រពន្ធមួយឡើយ។

លើសពីនេះទៀតដែរ នាងបានលាតត្រដាងបន្ថែមទៀត នាង និងប្រពន្ធទីពីររបស់គាត់ម្នាក់ៗបានស្នាក់នៅជាមួយប្តីរបស់នាង ជាច្រើនសប្តាហ៍ជំនួសគ្នាទៅមក។ មនុស្សស្រីតែងប្រច័ណ្ឌគ្នាជាធម្មតា ប៉ុន្តែសម្រាប់នាង បើប្តីខ្ញុំមានទំនួលខុសត្រូវនិងយកចិត្តទុកដាក់គ្រប់គ្រាន់។ ស្ត្រីក៏មិនស្ទាក់ស្ទើរក្នុងការចែករំលែកឲ្យគ្នាដែរ។ ប៉ុន្តែនាងក៏បានទទួលស្គាល់យ៉ាងស្មោះត្រង់ថា Polyamory មិនមែនសម្រាប់មនុស្សគ្រប់គ្នាទេ។ បើប្រពន្ធទីមួយមិនអាចទទួលយកបាន នោះកុំធ្វើអី ព្រោះវានឹងជះឥទ្ធិពលអវិជ្ជមានដល់ស្ថានភាពផ្លូវចិត្តរបស់ប្រពន្ធ និងកូនជាក់ជាមិនខានឡើយ៕