ជីវិតកម្សាន្ដ

ករុណា ពេជ្រ ហួសចិត្តអ្នក Troll សើចចំអក សេះសមុទ្រ បាញ់ទឹក នៅខេត្តកំពត

បានផុស

៩ ខែ មុន

នៅ

ថ្ងៃចន្ទ ៨ មេសា ២០២៤

ដោយ

តារាចម្រៀងលោក ករុណា ពេជ្រ បានបង្ហាញការហួសចិត្តជាខ្លាំងបន្ទាប់ពីមានការចែករំលែកវែកញែកដោយមានអ្នកខ្លះបានរិះគន់ ឬtrollសើចចំអកឡកឡឺយរូបសេះសមុទ្របាញ់ទឹកដែលកំពុងរំលចសម្រស់យ៉ាងស្រស់ស្អាតនៅទឹកដីខេត្តកំពត ជាទីចាប់អារម្មណ៍សម្រាប់មហាជន និងភ្ញៀវទេសចរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រាកដណាស់ ក្រោយមានការបង្ហោះចែករំលែកនូវរូបភាពសេះសមុទ្របាញ់ទឹកនៅឯឆ្នេរសមុទ្រខេត្តកំពតនោះគេសង្កេតឃើញទស្សនិកជន និងអ្នកប្រើប្រាស់បណ្ដាញសង្គមហ្វេសប៊ុកមួយចំនួនធំបានបង្ហាញការចាប់អារម្មណ៍ និងកោតសរសើរគ្រប់គ្នាចំពោះសមិទ្ធផលថ្មីមួយនេះ តែផ្ទុយគ្នានោះក៏មានបុគ្គលមួយចំនួនតូចបានរិះគន់លក្ខណៈសើចចំអកឡកឡឺយផងដែរ។

ដោយឡែកតារាប្រុសលោក ករុណា ពេជ្រ ក៏បានចេញមុខនិយាយពាក់ព័ន្ធរឿងនេះផងដែរដោយលោកយល់ថាការរិះគន់ពីសំណាក់មនុស្សមួយចំនួនជារឿងមិនត្រឹមត្រូវ ឬមិនគួរកើតមានឡើយ។ លោកនិយាយថា «សុំអភ័យទោសបងប្អូនមួយចំនួនតូចពេលនេះខ្ញុំសូមឆ្ងល់ថា ថីបានគេ Troll សើចចំអកឡកឡឺយរូបហ្នឹង? តើវាខុសអី្វគេ?»

លោក ករុណា ពេជ្រ លើកឡើងទៀតថា “ពេលខ្លះមានអារម្មណ៍ថា បងប្អូនមួយចំនួនតូចផ្តេកផ្តួលជោតាមគ្នានៅកំពតបែរជានាំគ្នាថា Singapot ..ស៊ីនហ្គាពត ណាណីវិញ? ចូលចិត្តណាស់ អារបស់ដែលអាចជួយជាផ្នែកមួយដើម្បីជួយទាក់ទាញឲ្យបងប្អូនបានសើចញញឹមថតរូបលេងក្នុងខេត្តកំពតសោះ បែរជាទៅនាំគ្នា Troll គ្រប់រូបភាពទៅវិញអ៊ីចឹង”។

លោកបន្តថា «ដាក់រូបភាពសេះសមុទ្រនៅតំបន់សមុទ្រហើយបាញ់ទឹកវាខុសអី្វ….? តិចគេធ្វើរូបនាគសមុទ្រព្រួសភ្លើងវិញ ពេលខ្លះបណ្ឌិត Facebook មួយចំនួនតូចលេងដូចជ្រុលពេក អ្វីល្អយើងនាំគ្នាត្រេកអរទៅ អ្វីមិនល្អយើងនាំគ្នារិះគន់ក្នុងន័យស្ថាបនាទៅទើបល្អ ខ្ញុំនិយាយមែនរូបសំណាកសេះសមុទ្រនេះ គេធ្វើឡើងសមមិនខុសខ្នាតស្អាតសមសួនមិនវែង ឬកន្តឿ ខ្លីអ្វីផង»។

ជាមួយគ្នានេះអ្នកគាំទ្រមួយចំនួនបានបញ្ចេញមតិដែរថា «របស់ធ្វើបានស្អាតបង្អាប់ទៅជាសាំកាពតទៅវិញមនុស្សមួយចំនួនទៅប្រៀបធៀបអីប្រទេសគេ យើងស្ទាយស្អាតបែបយើង ហេតុអ្វីយកប្រទេសគេដាក់ដើមអក្សទៅវិញ តែស្កៗ ដូចកន្ទុយខ្លែងអនិច្ចាណាស់ ខែ្មរមិនចេះសាមគ្គីគ្នាដូចថៃសោះ»។

ចំណែកលោក ផែង វណ្ណៈ បានលើកឡើងថា «ប្អូនប្រុសអើយបងចូលទៅមើល ខមមិន មួយចំនួន បងឈឺចាប់ណាស់ អ្នកខមមិនខ្លះ មើលងាយ សមិទ្ធផលរបស់ជាតិយើង ដូចករណីរូបសេះសមុទ្រដែលកំពុងទទួលបានការគាំទ្រភ្លូកទឹក ភ្លូកដី ក៏ពួកខមមិនមួយក្ដាប់តូចវាយប្រហារដែរ ៕

អត្ថបទ៖ ចាន់រ៉ា