ជីវិតកម្សាន្ដ

ឈួន សុវណ្ណឆៃ ទម្លាយការខកចិត្ត ក្រោយជួបបញ្ហាក្នុងគ្រួសារ

បានផុស

៩ ខែ មុន

នៅ

ថ្ងៃចន្ទ ៨ មេសា ២០២៤

ដោយ

អ្នកគាំទ្រមានការចាប់អារម្មណ៍បន្ទាប់ពីឃើញតារាចម្រៀងជើងចាស់ អ្នកនាង ឈួន សុវណ្ណឆៃ បានបង្ហាញការមិនសប្បាយចិត្ត បន្ទាប់ពីត្រូវបានសមាជិកគ្រួសារទម្លាយរឿងមួយចំនួនដោយគិត ថានាងមិនសូវគិតគូរដល់គ្រួសារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយជួបបញ្ហាមិនសប្បាយចិត្តទើបតារាស្រីជើងចាស់អ្នកនាង ឈួន សុវណ្ណឆៃ បានបញ្ចេញខ្លឹមសារហាក់អន់ចិត្តថា «ខ្ញុំទួលស្គាល់ថាខ្ញុំជាមនុស្សអាក្រក់ពេញចិត្តគ្រប់គ្នា ឬនៅប៉ុណ្ណឹងហើយសូមកាត់កាលខ្ញុំចោលចុះ ព្រោះតាំងដើមគឺ ខ្ញុំមិនដែលបានជួយអី្វអ្នកណាទេ គ្រប់យ៉ាងមានតែទេវតាដែលនៅពីលើក្បាល់ទេទើបដឹង សូមឲ្យសំណាងល្អពេលដែលគ្មានខ្ញុំ»។

តារាចម្រៀងអ្នកនាង ឈួន សុវណ្ណឆៃ បានបន្តថា «ពីថ្ងៃនឹងទៅត្រូវចាំថា មនុស្សស្រីម្នាក់នេះអស់អារម្មណ៍ជាមួយអ្នកណាទៀតហើយព្រោះជិត ៣០ឆ្នាំមកហើយដែលខ្ញុំតស៊ូរ តែនេះជាផលដែលខ្ញុំទទួលបាន»។ ការលើកឡើងរបស់អ្នកនាង ឈួន សុវណ្ណឆៃ នាពេលនេះបន្ទាប់មានការលើកឡើងថានាងមិនសូវគិតចំពោះបងប្អូន ឬក្រុមគ្រួសារពោល គឺមើលឃើញអ្នកដ៏ទៃល្អគ្រប់យ៉ាង។

អ្នកនាង ឈួន សុវណ្ណឆៃ បានបង្ហោះភ្ជាប់ខ្លឹមសានោះថា «បងឯងតានតឹងគ្រប់រឿងជាមួយបងប្អូនមិនអីទេបងមិនបាច់គិតច្រើនទេអ្នកដទៃល្អគ្រប់យ៉ាងតាំងពីម៉ាក់នៅរស់គាត់តូចចិត្តគាត់អន់ចិត្តគាត់និយាយប្រាប់តែពួកខ្ញុំទេ ព្រោះអារម្មណ៍គាត់ដូចខ្ញុំពេលនេះអែងគាត់ទើបតែទទួលបានក្តីស្រលាញ់ និងយកចិត្តទុកដាក់ពេលដែលគាត់ឈឺ និងពេលដែលគាត់ស្លាប់ទៅ»។

ទោះបីយ៉ាងណា គេកត់សម្គាល់ថា អ្នកនាង ឈួន សុវណ្ណឆៃ ដែលកន្លងម គឺជាតារាចម្រៀងពេញនិយមសម្រាប់មហាជនខ្មែរទូទៅថ្វីត្បិតតែបច្ចុប្បន្ននាងមានវ័យរាងជ្រេបន្តិចក្តីតែនៅតែរក្សាបានការគាំទ្រមិនចាញ់តារាស្រីជំនាន់ក្រោយៗឡើយ៕

អត្ថបទ៖ ចាន់រ៉ា