ជីវិតកម្សាន្ដ

រចនា រ៉ាវ៉ាឌី ឲ្យប្រុងប្រយ័ត្ន ខណៈមានជនខិលខូចយកឈ្មោះ និងរូបថតនាងដើរខ្ចីលុយគេ

បានផុស

១០ ខែ មុន

នៅ

ថ្ងៃអង្គារ ៩ មេសា ២០២៤

ដោយ

តារាសម្ដែងរូបស្រស់កញ្ញា រចនា រ៉ាវ៉ាឌី បានចេញមកអំពាវនាវដោយស្នើឲ្យមហាជន និងអ្នកគាំទ្រពិសេសមិត្តភក្តិដែលជាអ្នកសិល្បៈដូចគ្នាមានការប្រុងប្រយ័ត្ន ខណៈដែរមានជនអនាមិកលួចយកឈ្មោះ និងរូបថតទៅបង្កើត Account Facebook ក្លែងក្លាយដើម្បីដើរបោកលុយគេក្នុងចេតនាមិនល្អ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅលើទំព័រហ្វេសប៊ុកផ្លូវការរបស់តារាស្រីកញ្ញា រចនា រ៉ាវ៉ាឌី នារសៀលថ្ងៃទី០៨ ខែមេសា ឆ្នាំ២០២៤នេះ បានបង្ហោះខ្លឹមសារទាំងហួសចិត្តថា នាងទើបតែទទួលបានដំណឹងមុននេះតាមរយៈមិត្តភក្តិស្គាល់គ្នាផ្ញើសារបានប្រាប់ថា មានគេឆាតតាមហ្វេសប៊ុកទៅខ្ចីលុយខណៈដែលខ្លួននាងផ្ទាល់ពុំបានដឹងរឿងរ៉ាវនេះឡើយដូច្នេះ នាងក៏អំពាវនាវមានការប្រុងប្រយ័ត្នពាក់ព័ន្ធនឹងករណីខាងលើ។

ស្រីស្អាត រចនា រ៉ាវ៉ាឌី បានបញ្ជាក់ថា «ជម្រាបសួរបងប្អូនទាំងអស់គ្នា មុននេះមានបងប្អូនដែលស្គាល់ខ្ញុំពីរបីនាក់ គាត់បានខលមកប្រាប់ខ្ញុំថា មានគេយក ឈ្មោះខ្ញុំ និងរូបថតខ្ញុំ យកទៅដើរខ្ចីលុយគេហើយទាំងដែល Acc នេះជា Acc fan របស់ខ្ញុំហើយធ្លាប់ឆាតលេងជាមួយខ្ញុំដូចគ្នា ខ្ញុំមិនដឹងថាគាត់មានបំណងអីទេ»។

តារាសម្តែងស្រី រចនា រ៉ាវ៉ាឌី បានបន្ថែមថា ដូច្នេះហើយនាងសុំការពារខ្លួនឯងហើយ និងការពារអ្នកដែលស្គាល់នាងទាំងអស់ជាមុនសិន សូមកុំឲ្យលុយអ្នកណាគេខ្ចីទាំងអស់ ព្រោះតែនាងមិនបានខ្វះលុយដល់ថ្នាក់ដើរខ្ចីលុយគេទេសូមមានការប្រុងប្រយ័ត្នទាំងអស់គ្នាអរគុណ។ សូមជម្រាបដែរថា កន្លងមកគេសង្កេត ឃើញមានតារាសិល្បៈខ្មែរមួយចំនួនមកហើយដែលបានរងគ្រោះជួបបញ្ហានេះដូចគ្នាទៅនឹងតារាសម្តែង រ៉ាវ៉ាឌី ពេលនេះ៕

អត្ថបទ៖ ចាន់រ៉ា