ជីវិតកម្សាន្ដ

Ahreum អតីតក្រុម T-ara បង្ហាញមុខជាសាធារណៈ ទោះមានរឿងចម្រូងចម្រាសថា បោកលុយគេ

បានផុស

១២ ខែ មុន

នៅ

ថ្ងៃអង្គារ ៩ មេសា ២០២៤

ដោយ

Ahreum ដែលជាអតីតសមាជិកនៃក្រុម T-ara ដ៏មានប្រជាប្រិយមួយរូបបានត្រលប់មកវិញ ដោយបើកដំណើរការប៉ុស្តិ៍ផ្ទាល់ខ្លួនរបស់នាងនៅលើទូរទស្សន៍ Afreeca ព្រមទាំងបាននិយាយអំពីភាពចម្រូងចម្រាសជាច្រើន ជុំវិញការបោកប្រាស់លុយកាក់អ្នកគាំទ្រ។

នៅថ្ងៃទី ០៥ ខែមេសា Ahreum បានទៅទូរទស្សន៍ Afreeca ដើម្បីពិភាក្សាអំពីបញ្ហាថ្មីៗដែលកំពុងជួប។ ក្នុងនោះនាងបានលាតត្រដាងពីកិច្ចខិតខំប្រឹងប្រែងបន្ត ដើម្បីទទួលបានកចិ្ចមើលថែកូនៗឡើងវិញ បន្ទាប់ពីបានដាក់ពាក្យបណ្តឹងប្រឆាំងនឹងអ្នកអត្ថាធិប្បាយព្យាបាទ។

អតីតសមាជិកនៃក្រុម T-ara រូបនេះ បានបង្ហាញឲ្យដឹងថា កូនៗរបស់នាងបច្ចុប្បន្នកំពុងស្ថិតនៅក្នុងកន្លែងការពារដែលគ្រប់គ្រងដោយការិយាល័យ Seocho-gu ដោយពន្យល់ពីកាលៈទេសៈនេះថា “ដោយសារតែពាក្យបណ្តឹងរបស់ខ្ញុំប្រឆាំងនឹងអតីតប្តីរបស់ខ្ញុំពីបទរំលោភលើកុមារ អាជ្ញាធរបានអន្តរាគមន៍ដើម្បីធានាសុវត្ថិភាពរបស់កុមារ។ ទោះបីជាមានការខិតខំប្រឹងប្រែងរបស់ខ្ញុំក៏ដោយ ខ្ញុំអាចទទួលបានរូបថតរបស់ពួកគេម្តងម្កាលប៉ុណ្ណោះ” ។

ទាក់ទងនឹងការចោទប្រកាន់ពីបទឆបោកអំពីររឿងរ៉ាវនៃការខ្ចីលុយអ្នកគាំទ្រ Ahreum បានបញ្ជាក់ថា “វាមិនត្រឹមត្រូវទេដែលនិយាយថាខ្ញុំខ្ចីលុយ។ មានមនុស្សជាច្រើនបានលើកទឹកចិត្តខ្ញុំក្នុងពេលលំបាកមួយនេះ”។

ក្រោយមកទៀត នាងបាននិយាយអំពីស្ថានភាពទំនាក់ទំនងបច្ចុប្បន្នរបស់នាង Ahreum និងគូដណ្ដឹងហើយចែករំលែកព័ត៌មានដ៏គួរឲ្យភ្ញាក់ផ្អើលថា “ចាស ខ្ញុំកំពុងមានទំនាក់ទំនងស្នេហា ហើយលើសពីនេះទៀត ខ្ញុំកំពុងរំពឹងថានឹងមានកូនជាមួយគ្នាថែមទៀតផង” ។

ថ្វីបើយ៉ាងណាក៏ដោយ ជាការឆ្លើយតបទៅនឹងការចោទប្រកាន់នៃល្បែងស៊ីសងខុសច្បាប់ Ahreum បានបដិសេធយ៉ាងខ្លាំងចំពោះការជាប់ពាក់ព័ន្ធណាមួយដោយនិយាយថា “ខ្ញុំមិនដឹងទាំងស្រុងចំពោះសកម្មភាពបែបនេះទេ។ ខ្ញុំនឹងមិនចូលរួមក្នុងអាកប្បកិរិយាបែបនេះទេ ទោះបីជាខ្ញុំដឹងថាវាជាអ្វីក៏ដោយ”។

សូមបញ្ចាក់ដែរថា Ahreum ធ្លាប់រៀបការជាមួយអ្នកជំនួញនៅឆ្នាំ ២០១៩ និងមានកូនប្រុសពីរនាក់ ក្រោយមកទើបធ្លាយដំណឹងនៃការរលែងលះរបស់នាងនៅក្នុងខែធ្នូឆ្នាំមុន ដោយលើកឡើងពីករណីនៃអំពើហិង្សានិងការរំលោភបំពានលើកុមារពីអតីតស្វាមី។ បន្ទាប់មកទៀត នាងបានច្រានចោលការចោទប្រកាន់ថា ទារប្រាក់ពីអ្នកគាំទ្រថាជារឿងមិនពិត ដោយចាត់ទុកថាពួកគេលួចចូលគណនីបណ្ដាញសង្គមរបស់នាង។ នាងក៏បានសន្យាចាត់វិធានការផ្លូវច្បាប់ប្រឆាំងនឹងអ្នកដែលផ្សាយពាក្យចចាមអារ៉ាមមិនពិត និងការបញ្ចេញមតិព្យាបាទដល់រូបនាងនិងក្រុមគ្រួសារផងដែរ៕