ជីវិតកម្សាន្ដ
ខេម ថា «មនុស្សម្នាក់ធ្វើការល្អស្ទើរមួយជីវិត ខុសម្ដងស្មើ ០ តែមនុស្ស ០ ធ្វើត្រូវម្ដងស្មើ ១០០»
តារាចម្រៀងសំនៀងស្អក លោក ប៉ុន សុណារិន ហៅ ខេម ដើរមកដល់ពេលបច្ចុប្បន្នត្រូវបានគេកត់សម្គាល់ថា លោកគឺជាតារាចម្រៀងប្រុសមួយរូបដែលលេចធ្លោក្នុងចំណោមអ្នកចម្រៀងរួមជំនាន់សព្វថ្ងៃ ខណៈសន្ទុះ នៃការគាំទ្រច្រើនពីសំណាក់មហាជន និងមិត្តៗ យុវវ័យ នៅតែមានទីផ្សារ។
![](https://www.kampucheathmey.com/wp-content/uploads/2024/04/FB_IMG_1712711208663.jpg)
យ៉ាងណាមិញ រឿងដែលធ្វើឲ្យអ្នកគាំទ្រកាន់តែចាប់អារម្មណ៍ពេលនេះ លោក ខេម បានបន្លុយអត្ថន័យមួយឃ្លាដោយលើកឡើងថា បើមនុស្សម្នាក់ធ្វើការល្អស្ទើរមួយជីវិត ខុសម្តង គឺ ស្មើ ០ ចំណែកមនុស្ស ០ ធ្វើត្រូវម្តង គឺ ស្មើ ១០០។ អត្ថន័យនេះ លោកបានបញ្ជាក់ថា លោកមិនផ្តោតលើសិល្បៈតែមួយជ្រុងទេ ប៉ុន្តែក៏មានការបញ្ចេញមតិពីសំណាក់អ្នកគាំទ្រម្នាក់ ដោយយល់ថា លោក ខេម កំពុងធ្វើខ្លួនឲ្យគេស្អប់ម្នាក់ទៀតហើយ។
តាមរយៈខ្លឹមសាររបស់តារាចម្រៀង លោក ខេម បានលើកឡើងថា «សម័យបច្ចុប្បន្ន មនុស្សម្នាក់ បានធ្វើការល្អស្ទើរមួយជីវិត ធ្វើខុសម្តងអ្នកស្មើ ០ តែមនុស្ស ០ ធ្វើត្រូវម្តង ស្មើ ១០០ សូមអស់លោកបណ្ឌិតជួយបកស្រាយផង (បញ្ជាក់ ខ្ញុំមិនផ្តោតលើសិល្បៈតែមួយជ្រុងទេ)»។
![](https://www.kampucheathmey.com/wp-content/uploads/2024/04/IMG_20240410_080818_646-681x1024.jpg)
ការលើកឡើងនេះ គេឃើញម្ចាស់គណនីហ្វេសប៊ុកមួយឈ្មោះ Rith Serey Reachini បានបញ្ចេញមតិថា «បង ខេម អើយ បង ខេម ចាប់ផ្ដើមធ្វើខ្លួនឲ្យគេស្អប់ម្នាក់ទៀតហើយ ត្រូវចាំពេលកាន់តែខ្ពស់ ពេលដែលធ្លាក់មកវិញគឺធ្ងន់ធ្ងរណាស់ មើលតែគំរូតារាស្រីម្នាក់នឹងដឹងហើយ លែងល្បីដូចមុនហើយ មកពីទ្រខុសទំនង»។ ឆ្លើយតបការនិយាយបែបនេះ លោក ខេម បញ្ជាក់ថា «ប្អូន សំណេរបងនិយាយអ្វីខុសឬ? ឬប្អូនមើលច្រឡំ បងនិយាយលើបុគ្គលម្នាក់ណាដែលប្អូនយល់ថាខុសសម្រាប់ប្អូនយល់»។
គួរបញ្ជាក់ថា លោក ខេម កន្លងមក ក៏ត្រូវបានគេចាត់ទុកជាតារាចម្រៀងល្បីឈ្មោះដែលនៅតែអាចរក្សាបានការគាំទ្រ ភាពល្បីល្បាញ និងតម្លៃរបស់ខ្លួនជាច្រើនឆ្នាំមកហើយក្នុងវិស័យសិល្បៈចម្រៀងជាង ១០ ឆ្នាំ កន្លងទៅ។ យ៉ាងណាគេក៏តែងឃើញតារាប្រុសមានដើមកំណើតពីទឹកដីខេត្តកំពង់ឆ្នាំងរូបនេះ តែងចេញសារបង្កប់ន័យដាស់តឿនជាបន្តបន្ទាប់ មិនថារឿងផ្ទាល់ខ្លួន ឬជាសង្គមនោះទេ៕
អត្ថបទ ៖ ចាន់រ៉ា
![](https://www.kampucheathmey.com/wp-content/uploads/2024/04/IMG_20240410_080514.jpg)
-
សន្តិសុខសង្គម៦ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
សន្តិសុខសង្គម៦ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៧ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៦ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៦ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+៤ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
សេដ្ឋកិច្ច៣ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
ព័ត៌មានជាតិ១៨ ម៉ោង ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ