ជីវិតកម្សាន្ដ

Miss Grand ថៃ ឆ្នាំ២០២៤ ប្រតិកម្មតបវិញ ក្រោយគេចោទថាទិញមកុដ

បានផុស

១១ ខែ មុន

នៅ

ថ្ងៃព្រហស្បតិ៍ ១១ មេសា ២០២៤

ដោយ

នៅវគ្គផ្តាច់ព្រ័ត្រ Miss Grand Thailand ឆ្នាំ ២០២៤ បានបញ្ចប់ទៅដោយជ័យលាភីនៃសម្រស់តំណាងឲ្យខេត្ត Phuket គឺជាបវរកញ្ញា Malin Chara Anan ខណៈដែលជ័យជម្នះរបស់នាងរហូតមកដល់សព្វថ្ងៃនេះ នៅតែទទួលបានភាពចម្រូងចម្រាសជាច្រើនលើវេទិកាសម្រស់ ទាក់ទិននឹងពាក្យគេចោទថានាងចាយលុយទិញមកុដ។

អ្វីដែលកាន់តែចាប់អារម្មណ៍ខ្លាំងបំផុតនោះគឺ រាជិនីសម្រស់រូបនេះ មានកម្ពស់ត្រឹមតែ ១.៦៥ ម៉ែត្រប៉ុណ្ណោះ ដែលចាត់ទុកថាជាកម្ពស់ទាបបំផុតក្នុងចំណោមម្ចាស់មកុដ Miss Grand Thailand ពីមុន។ លើសពីនេះ សម្រស់ Malin Chara Anan ក៏មិនលេចធ្លោខ្លាំងដែរ។ នាងមានមុខមាត់ដូចមនុស្សស្រីទូទៅ គ្មានភាពលេចធ្លោចេញពីដងខ្លួន ហើយនាងក៏មានគុណវិបត្តិនៃការមានភ្នែកមិនស្មើគ្នាផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដូច្នេះហើយ នៅពេលដែល Malin ឡើងទទួលមកុដ មានការចោទប្រកាន់ជាច្រើនថា នាងទទួលបានការពេញចិត្តពីលោក ណាវ៉ាត់ត្រា ដែលជាប្រធាន Miss Grand International ។ កន្លងមក Malin ក៏បានឈ្នះពានរង្វាន់បន្ទាប់បន្សំដ៏សំខាន់មួយគឺពានរង្វាន់ Boss Choice Awards ដែលជ្រើសរើសដោយលោក ណាវ៉ាត់ផងដែរ។

ថ្វីបើយ៉ាងណាក៏ដោយ បន្ទាប់ពីប្រឈមមុខនឹងការចោទប្រកាន់ទាំងនេះ Malin Chara Anan បានចេញមុខឆ្លើយតបដោយត្រង់នៅក្នុងការបង្ហោះដំបូងលើទំព័រផ្ទាល់ខ្លួនថា៖ «ព្រោះខ្ញុំសក្ដិសម»។ ក្រោយមកទៀត ទើបទស្សនិកជនបាននិយាយថា ថ្វីត្បិតតែរូបសម្រស់ធម្មតារបស់នាងសាមញ្ញក៏ពិតមែន ប៉ុន្តែ Malin ត្រូវបានលោក ណាវ៉ាត់ត្រា ពេញចិត្ត ដោយសារតែនាងមានប្រវត្តិសេដ្ឋកិច្ចគួរឲ្យចាប់អារម្មណ៍។

សូមជម្រាបជូនថា Malin Chara-anan មានអាយុ ២៧ ឆ្នាំ ជា CEO នៃម៉ាកគ្រឿងសំអាង និង KOL នៅលើបណ្តាញសង្គម។ នាងក៏មានហាងកាហ្វេ ស្ប៉ា ហាងកែសម្ផស្សព្រមទាំងមានទំព័រផ្ទាល់ខ្លួនដែលមានអ្នកតាមដានជាង ៤០ ម៉ឺននាក់ថែមទៀតផង។ ជាមួយនឹងលក្ខណៈវិនិច្ឆ័យអាជីវកម្មរបស់ការប្រកួតប្រជែងកាន់តែខ្លាំង អ្នកគាំទ្រជឿថា ការឡើងគ្រងមកុដបស់ Malin Chara-anan មិនគួរឲ្យភ្ញាក់ផ្អើលនោះទេ។ ក៏មានទស្សនិកជនជាច្រើនបានបញ្ចេញមតិចំៗថា លោក ណាវ៉ាត់ត្រា ជ្រើសរើសMalin ជារាជនីសម្រស់ ព្រោះនាងជាអ្នកមាន៕