ជីវិតកម្សាន្ដ
ប៉ូលិសបញ្ចាក់ការស្លាប់របស់តារាចម្រៀងកូរ៉េ Park Bo Ram
យោងតាមរបាយការណ៍ដែលដាក់ដោយមន្រ្តីពីស្ថានីយ៍ប៉ូលិស Namyangju នៅថ្ងៃទី១៣ ខែមេសា បានបញ្ចាក់ថា តារាចម្រៀង Park Bo Ram បាននៅឯការជួបជុំផឹកស៊ីជាលក្ខណៈឯកជនជាមួយមិត្តភក្តិ ២ នាក់ទៀត នៅយប់នៃការស្លាប់របស់នាង។
ក្នុងការជួបជុំគ្នាដែលកើតឡើងនៅផ្ទះមិត្តភក្តិ Park Bo Ram បានទៅបន្ទប់សម្រាកនៅម៉ោងប្រហែល ៩ និង ៥៥ នាទីយប់។ លុះពេលបាត់យូរពេកមិនឃើញនាងវិលត្រឡប់មកវិញ មិត្តភក្តិម្នាក់ដែលមានវត្តមានផឹកស៊ីជាមួយគ្នានោះបានចូលទៅមើលទើបឃើញនាងសន្លប់ដេកដួល ។ មិត្តភក្តិរបស់នាងបានទូរស័ព្ទទៅលេខ ១១៩ ភ្លាមៗ ហើយព្យាយាមធ្វើ CPR លើ Park Bo Ram យ៉ាងសស្រាក់ស្រាំបំផុត។
![](https://www.kampucheathmey.com/wp-content/uploads/2024/04/image-858.png)
ភ្លាមៗនោះដែរ អ្នកសង្គ្រោះបន្ទាន់បានមកដល់កន្លែងកើតហេតុ ហើយបានដឹក Park Bo Ram ទៅកាន់មន្ទីរពេទ្យ Hanyang University Guri ។ ក្រោយមក នាងត្រូវបានគេប្រកាសថាស្លាប់នៅម៉ោង ១១ និង ១៧ នាទីយប់ដែលជាដំណឹងដ៏រន្ធត់មួយ។
ថ្វីបើយ៉ាងណាក៏ដោយ ប៉ូលិសមានបំណងធ្វើការស៊ើបអង្កេតបន្ថែមអំពីមូលហេតុនៃការស្លាប់ ដោយស្នើសុំធ្វើកោសល្យវិច័យជាមួយសេវាកោសល្យវិច្ច័យជាតិ ។ ដោយសារតែការស្លាប់របស់តារាស្រីរូបនេះ ភ្លាមៗពេកដោយមិនអាចទទួលយកបានឡើយ។
ជាមួយគ្នានេះដែរ ទីភ្នាក់ងារ XANADU Entertainment របស់ Park Bo Ram បានចេញសេចក្តីថ្លែងការណ៍ ជុំវិញព័ត៌មាននៃការស្លាប់របស់តារាចម្រៀងរូបនេះថា “Park Bo Ram ស្រាប់តែចាកចេញពីពួកយើងនៅល្ងាចថ្ងៃទី ១១ ខែមេសា។ ក្នុងចិត្តរបស់យើងមានទុក្ខយ៉ាងខ្លាំង នៅពេលដែលយើងផ្តល់ដំណឹងភ្លាមៗ ជាពិសេសទៅកាន់អ្នកគាំទ្ររបស់នាងផងដែរ។ ដំណើរការពិធីបុណ្យសព នឹងត្រូវបានកំណត់ បន្ទាប់ពីការពិភាក្សាជាមួយក្រុមគ្រួសាររបស់តារាចម្រៀង” ៕
![](https://www.kampucheathmey.com/wp-content/uploads/2024/04/image-859-1024x512.png)
អត្ថបទ៖ សាង ស្រីល័ក្ខ
ចុចអាន៖តារាចម្រៀងកូរ៉េ Park Bo Ram ទទួលមរណភាពក្នុងវ័យ ៣០ ឆ្នាំ
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម៩ ម៉ោង ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ៨ ម៉ោង ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៤ ថ្ងៃ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានជាតិ៦ ថ្ងៃ ago
ជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
សន្តិសុខសង្គម៥ ថ្ងៃ ago
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ៥ ថ្ងៃ ago
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ព័ត៌មានអន្ដរជាតិ១ សប្តាហ៍ ago
Breaking News! រត់ជាន់គ្នាក្នុងពិធីបុណ្យសាសនាហិណ្ឌូ ដែលមានមនុស្សចូលរួម ១០០លាននាក់ នៅឥណ្ឌា
-
ជីវិតកម្សាន្ដ៤ ថ្ងៃ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច