ជីវិតកម្សាន្ដ
ពិធីបុណ្យសព Park Bo Ram លាចុងក្រោយដោយមនុស្សជាច្រើននៅថ្ងៃនេះ
ពិធីដង្ហែសពរបស់តារាចម្រៀងកូរ៉េខាងត្បូង Park Bo Ram ត្រូវបានប្រារព្ធឡើងនៅព្រឹកថ្ងៃទី ១៧ ខែមេសា នៅសាលពិធីបុណ្យសពរបស់មន្ទីរពេទ្យ Seoul Asan នៅ Pungnap-dong ។ នេះបើយោងតាមការចុះផ្សាយពីសារព័ត៌មាន Allkpop នៅថ្ងៃទី១៧ ខែមេសា ឆ្នាំ២០២៤។
មិត្តភក្តិ ក្រុមគ្រួសារ និងសហការីរបស់ Park Bo Ram រួមមាន Huh Gak, Heo Young Ji និង Roy Kim បានចូលរួមពិធីបុណ្យសពនេះយ៉ាងគគ្រឹកគគ្រេង។
Park Bo Ram បានទទួលមរណភាពក្នុងជន្មាយុ៣០ឆ្នាំ កាលពីរសៀលថ្ងៃទី១១ ខែមេសា។ បច្ចុប្បន្នប៉ូលិសកំពុងបន្តស៊ើបអង្កេតរកមូលហេតុនៃការស្លាប់របស់តារាចម្រៀងរូបនេះនៅឡើយ។
ដោយឡែកងាកទៅកាន់ភ្នាក់ងាររបស់ Park Boram គឺ Xanadu Entertainment បានធ្វើកោសល្យវិច័យកាលពីថ្ងៃទី ១៥ ដើម្បីបញ្ជាក់ពីមូលហេតុនៃការស្លាប់របស់នាង។ ទីភ្នាក់ងារនេះបានបញ្ជាក់ថា «ដើម្បីកំណត់ច្បាស់ពីមូលហេតុនៃការស្លាប់របស់សិល្បករយើង Park Bo Ram បានធ្វើកោសល្យវិច័យនៅព្រឹកថ្ងៃទី១៥ ហើយត្រូវបានគេបញ្ជាក់ថាមិនមានសញ្ញានៃការធ្វើអត្តឃាត ឬប៉ងធ្វើអត្តឃាតនោះទេ ហើយលទ្ធផលធ្វើកោសល្យវិច័យលម្អិតនឹងត្រូេះបញ្ជូនទៅក្រុមគ្រួសារពេលក្រោយ»។
ពួកគេបានបន្ថែមថា “យើងស្នើសុំដោយស្មោះឲ្យមហាជនចៀសវាងពីការផ្សព្វផ្សាយពាក្យចចាមអារ៉ាម និងរបាយការណ៍ប៉ាន់ស្មាន ដូច្នេះទើបក្រុមគ្រួសារអាចបញ្ជូននាងទៅកាន់ទីឋានសុខបាន”។
សូមជម្រាបជូនថា Park Bo Ram ទទួលបានការចាប់អារម្មណ៍នៅពេលដែលនាងបង្ហាញខ្លួនក្នុងកម្មវិធី Mnet audition ‘SuperStar K2’ ក្នុងឆ្នាំ ២០១០។ នាងទទួលបានការទទួលស្គាល់សម្រាប់ជំនាញច្រៀងពិសេសរបស់នាង និងវត្តមាននៅលើឆាក។ ក្រោយមកទៀត នាងបានចេញចម្រៀងទោលជាផ្លូវការក្នុងឆ្នាំ ២០១៤ ជាមួយនឹងបទ “Beautiful” ដែលទទួលបានការពេញនិយម និងជាប់ចំណាត់ថ្នាក់លេខ ១៩ ក្នុងតារាងតន្ត្រីប្រចាំឆ្នាំនោះ។ Park Bo Ram បានបន្តសកម្មក្នុងវិស័យចម្រៀង ដោយបានចេញបទជាច្រើនរួមមានបទ “Celepretty” “Sorry” “Pretty Bae” “Dynamic Love” និងជាច្រើនទៀត៕

អត្ថបទ៖ សាង ស្រីល័ក្ខ
ចុចអាន៖ផលិតកម្ម SM ចាត់វិធានការផ្លូវច្បាប់ប្រឆាំងនឹងការអត្ថាធិប្បាយអាក្រក់លើ BoA

-
ព័ត៌មានអន្ដរជាតិ១១ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២១ ម៉ោង ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?