ជីវិតកម្សាន្ដ

ក្រោយរៀបការក្លាយជាម្តាយគេ Son Ye Jin សារភាពថា សម្រស់បច្ចុប្បន្នកាន់តែចាស់ហើយ

បានផុស

១០ ខែ មុន

នៅ

ថ្ងៃព្រហស្បតិ៍ ១៨ មេសា ២០២៤

ដោយ

កាលពីថ្ងៃទី ១៦ខែមេសា តារាសម្ដែងស្រីដ៏ល្បី Son Ye Jin បាននៅតៃវ៉ាន់ដើម្បីចូលរួមព្រឹត្តិការណ៍មួយសម្រាប់ម៉ាកដែលនាងតំណាង។ បន្ថែមពីលើការចែករំលែកដ៏គួរឲ្យចាប់អារម្មណ៍អំពីដំណើរអាជីវកម្មនេះទៅកាន់កោះតៃវ៉ាន់ ភរិយារបស់ Hyun Bin ក៏មានការបង្ហាញដ៏គួរឲ្យភ្ញាក់ផ្អើលអំពីជីវិតរបស់នាង បន្ទាប់ពីរៀបការហើយក្លាយជាអ្នកម្តាយគេ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្តែង តួឯកស្រីក្នុងរឿងភាគកូរ៉េ Crash Landing On You បាននិយាយថា៖ «បច្ចុប្បន្នខ្ញុំស្ទើរតែគ្មានពេលសម្រាប់ខ្លួនឯងសោះ ចាប់តាំងពីថ្ងៃរៀបការមក ខ្ញុំចំណាយពេលភាគច្រើនជាមួយគ្រួសារតូចរបស់ខ្ញុំ ក្រៅពីមើលថែ ខ្ញុំអាចមើលកុនពេលកូនខ្ញុំគេង ពេលនោះគឺសំខាន់ណាស់សម្រាប់ខ្ញុំក្នុងការមានកន្លែងផ្ទាល់ខ្លួន»។

Son Ye Jin ក៏បាននិយាយដោយបន្ទាបខ្លួនថា នាងនៅតែជាមនុស្សធម្មតាម្នាក់ ហើយក្នុងពេលដែលមនុស្សឃើញឋានៈ និងរូបភាពដ៏ស្រស់ស្អាតរបស់នាងនៅលើបណ្តាញសង្គម ប៉ុន្តែការពិតទៅនាងក៏កាន់តែចាស់ទៅដែរ។

កន្លងមកគូស្នេហ៍ដ៏ល្បីមួយគូនេះបានធ្វើឲ្យបណ្ដាញសង្គមអន្តរជាតិកក្រើកម្ដងរួចទៅហើយ ជាមួយនឹងរូបថតប៉ុន្មានសន្លឹករបស់ពួកគេទៅណាត់ជួបគ្នាមើលកីឡាបេស្បល។ នៅពេលនោះ សិល្បករទាំងពីរនាក់បានអង្គុយជាមួយទស្សនិកជន ដោយមើលការប្រកួតរវាង LA Dodgers និង San Diego Padres ក្នុងក្របខ័ណ្ឌនៃ American Major League Baseball (MLB) Seoul Series 2024 ។

ជាមួយគ្នានោះដែរ តារាសម្ដែងកូរ៉េរូបនេះបានចែករំលែកបន្ថែមទៀតអំពីពេលវេលាដែលនាងនិងស្វាមីទៅមើលការប្រកួតកីឡាបេស្បលដោយនាងបង្ហាញអារម្មណ៍រំភើបក្រៃលែងថា “ពួកយើងត្រូវបានគេអញ្ជើញ ប្តីរបស់ខ្ញុំបានសួរខ្ញុំថា តើខ្ញុំចង់ទៅមើលវាជាមួយគ្នាទេ។ ខ្ញុំកម្របានទៅមើលការផ្សាយបន្តផ្ទាល់ការប្រកួតកីឡាបេស្បលនៅលើទីលានដូច្នេះណាស់។ ខ្ញុំគិតថាវាគួរឲ្យចាប់អារម្មណ៍ខ្លាំងណាស់ ដូច្នេះខ្ញុំយល់ព្រមទៅជាមួយស្វាមី”៕