Best​ ចូលមន្ទីពេទ្យភ្លាមៗ ក្រោយដួល​បោក​ក្បាលក្នុងបន្ទប់ទឹក

យោងទៅតាមការចុះផ្សាយពីកាសែតថៃ Sanook កាលពីថ្ងៃទី២១ ខែមេសា បញ្ចាក់ថា តារាសម្ដែងថៃ Best Rakwanee បានដួលបោកក្បាលក្នុងបន្ទប់ទឹក រហូតសាច់ញាតិប្រញប់បញ្ចូននាងទៅកាន់មន្ទីពេទ្យដើម្បីព្យាបាលជាបន្ទាន់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីបានធូលស្រាលខ្លះៗហើយ រហូតមកដល់ថ្ងៃទី២២ ខែមេសា ទើបមិត្តជិតស្និទ្ធដែលបានធ្វើដំណើរទៅមើលអ្នកជំងឺរាយការណ៍បញ្ចាក់បន្ថែមតាមរយៈ Instagram ផ្ទាល់ខ្លួនដោយប្រាប់អ្នកគាំទ្រកុំឲ្យព្រួយបារម្ភពីព្រោះពេលនេះនាងបានទៅដល់ដៃពេទ្យហើយ។ ក្នុងនោះផងដែរ oteniotesss ដែលជាមិត្តបានបន្ថែមទៀតថា ស្ថានភាពរបស់ Best បានល្អប្រសើរវិញហើយ។

លើសពីនេះ មិត្តរបស់ Best បាននិយាយយ៉ាងលម្អិតថា ​ Best Rakwanee មាន​អារម្មណ៍​វិលមុខ​ពេល​ចូល​បន្ទប់ទឹក។ ក្រោយមក គាត់បានដួលបោកក្បាលនឹងឥដ្ធ និងមិនអាចធ្វើចលនាកបានធម្មតា។ ដំបូង​ឡើយ ក្រោយ​ពី​ពិនិត្យ និង​ព្យាបាល​ដោយ​វេជ្ជបណ្ឌិត ទើប​ដឹង​ថា មិនមានរោគសញ្ញានៃការបាក់ឆ្អឹងក្បាល ឬឈាមកកនៅក្នុងខួរក្បាលទេ ប៉ុន្តែ​អ្នក​ជំងឺនៅ​តែ​រង់ចាំ​វេជ្ជបណ្ឌិត​ជំនាញ​មក​ពិនិត្យ​មើល​ព័ត៌មាន​លម្អិត​ម្ដង​ទៀត។

ថ្វីបើយ៉ាងណាក៏ដោយ ជាលទ្ធផលស្កែនបឋមបូករួមនឹងគ្រូពេទ្យប្រាប់ថា លលាដ៍ក្បាលមិនប្រេះស្រាំទេ ហើយក៏មិនមានឈាមហូរក្នុងខួរក្បាលដែរ។ ប៉ុន្តែពេទ្យតម្រូវឲ្យនាងដេកសម្រាកបន្ថែម ដើម្បីមើលរោគសញ្ញា ហើយ​រង់ចាំ​គ្រូពេទ្យ​ជំនាញ​ពិនិត្យ​មើល​រោគ​សញ្ញា​ម្តងទៀតថាតើវាវិវត្តទៅជាយ៉ាងណាបន្ត។

សូមជម្រាបជូនដែរថា Best Rakwanee គឺជាកូនស្រីអតីតជើងឯកកីឡាអូឡាំពិកលោក Somrak Khamsing ​ នាងបានលេចមុខសម្ដែង​លើក​ដំបូងជាតួឯក​ស្រី​ក្នុង​រឿង “បេះដូងអ្នកសង្គ្រោះ” ជាមួយអតីតមិត្តប្រុស TongTong និងបានចូលរួមប្រកួតប្រជែងលើឆាក Miss Teen Thailand 2016 ឡើងដល់វគ្គ ៥០ ចុងក្រោយថែមទៀតផង៕

អត្ថបទ៖ សាង ស្រីល័ក្ខ

ចុចអាន៖លេចឮបែកគ្នាសាជាថ្មី Ploy បង្ហោះរូបផ្អែមល្ហែមជាមួយមិត្តប្រុសវ័យក្មេង