ជីវិតកម្សាន្ដ

ផលករខ្មែរបញ្ជាក់ជំហរ គ្មានគោលការណ៍ដូរចំណងជើងរឿង “ប្រវត្តិស្នេហ៍នាងនាថ” តាមការស្នើសុំបរទេសណាទេ

បានផុស

១០ ខែ មុន

នៅ

ថ្ងៃអង្គារ ២៣ មេសា ២០២៤

ដោយ

ខណៈពេលដែលរឿង “ប្រវត្តិស្នេហ៍នាងនាថ” ទទួលបានការគាំទ្រ និងចាប់អារម្មណ៍ខ្លាំងទស្សនិកជនកាលពីថ្មីៗនេះមានការលើកឡើងថា ស្នាដៃរឿង” ប្រវត្តិស្នេហ៍នាងនាថ” គឺបានចម្លងស្នាដៃរបស់គេទៅវិញ។ ចំណុចនេះត្រូវបានលោក លៀក លីដា ធ្លាប់បានបញ្ជាក់ហើយថា គេថាយើង copy ជារឿងរបស់គេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះបីជាយ៉ាងណាស្រាប់មុនលេចឭដំណឹងទៀតថា មានការស្នើសុំឲ្យដូរចំណងជើងរឿង “ប្រវត្តិស្នេហ៍នាងនាថ” នេះចេញប៉ុន្តែជាជំហរត្រូវបានផលិតករខ្មែរលោក លៀក លីដា បានចេញមកបញ្ជាក់ច្បាស់ថា លោកគ្មានគោលការណ៍ដូចចំណងជើងទៅតាមការស្នើសុំរបស់ក្រុមហ៊ុនបរទេស ឬប្រទេសណាមួយនោះឡើយ។

លោក លៀក លីដា បានប្រកាសជំហររបស់ខ្លួនឲ្យដឹងនៅថ្ងៃទី២២ ខែមេសា នេះថា “ផលិតកម្មអិលឌី គ្មានគោលការណ៍ដូរចំណងជើងទៅតាមការស្នើសុំរបស់ក្រុមហ៊ុនបរទេស ឬប្រទេសណាមួយឡើយ ព្រោះរឿងនេះជារឿងនិទានចំណាស់មួយដែលយើងបានស្ដាប់ បានដឹងតាំងពីដើមមកនៅក្នុងប្រទេសរបស់យើង“។ ការប្រកាសរបស់លោក លៀក លីដា ខាងនេះបានធ្វើឲ្យមហាជនបង្ហាញការគាំទ្រជាខ្លាំង។

គួររម្លឹកថា កន្លងមកលោក លៀក លីដា ក៏ធ្លាប់បានបញ្ជាក់ហើយថារឿងប្រវត្តិស្នេហ៍នាងនាថ គឺត្រូវបានចងក្រង និងប្រមូលនៅអ្វីដែលដូនតាយើងបានបន្សល់ទុកឲ្យ នៅក្នុងសាច់រឿងនេះទាំងមូលបានបង្កប់នូវសិល្ប:វប្បធម៌របស់ខ្មែរយើង ជាពិសេសខ្លឹមសារនៃការអប់រំ និងតម្លៃនៃសន្តិភាព។ លោកថា «បើគេថាយើង copy ជារឿងរបស់គេយើងឈប់នាំគ្នាឈ្លោះ ឈប់នាំគ្នាខឹង»។

ផលិតករភាពយន្តខ្មែររូបនេះនិយាយទៀតថា «សូមយើងនាំគ្នាចង់ក្រងប្រមូល និងដាក់បង្ហាញទៅកាន់ពិភពលោកហើយចូលរួមចែករំលែកនៅអ្វីដែលយើងមាន នៅអ្វីដែលជារបស់យើង និងនៅអ្វីដែលយើងកំពុងតែធ្វើឲ្យគេបានដឹង»៕

អត្ថបទ៖ ចាន់រ៉ា