ជីវិតកម្សាន្ដ

ខាត់ សុឃីម ដាស់តឿនថា ជីវិតកុំល្មោភទ្រព្យយសពេក ធ្វើអ្វីដែលមានប្រយោជន៍ដល់ជាតិ

បានផុស

១០ ខែ មុន

នៅ

ថ្ងៃពុធ ២៤ មេសា ២០២៤

ដោយ

តារាស្រីពហុជំនាញដែលអាចលេងបានគ្រប់ទម្រង់ទាំងបុរាណ-សម័យអ្នកនាង ខាត់ សុឃីម បច្ចុប្បន្នត្រូវបានគេមើលឃើញថា នាងមិនត្រឹមជោគជ័យលើអាជីពសិល្បៈ និងមុខជំនួញនោះទេ ពោលបើនិយាយពីរឿងជីវិតគ្រួសារកាន់តែមានសេចក្ដីសុខសុភមង្គលខ្លាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្របពេលជីវិតគ្រួសាររបស់តារាស្រីសម្តីចាក់ទឹកមិនលិច ខាត់ សុឃីម ទទួលបានសុភមង្គល និងការសរសើរពីមហាជន តារាស្រីរូបនេះ បានបន្លុយពាក្យដាស់តឿនទៅកាន់កូនៗ របស់ខ្លួនថា «ជីវិតកុំល្មោភទ្រព្យយសពេក ធ្វើអ្វីដែលមានប្រយោជន៍ដល់ជាតិ»។

ជាក់ស្ដែងអ្នកនាង ខាត់ សុឃីម បានបង្ហោះរូបភាពបង្ហាញពីភាពកក់ក្ដៅរវាងម្តាយ កូន ពួកគេថា «នេះបានហៅថាម្តាយស្រលាញ់កូន កុំយកពាក្យម្តាយចិញ្ចឹមកូន ១០ រស់ កូនចិញ្ចឹមម្តាយមួយមិនរស់ ពាក្យនេះជាពាក្យដាក់បន្ទុកមិនមែនស្រលាញ់ទេ សម្រាប់ខ្ញុំ គឺ ៖ ១.ការផ្តល់ឲ្យកូនៗ គឺក្តីស្រលាញ់ធំទៅកូន និងដឹងថាការស្រលាញ់សំខាន់បំផុតក្នុងគ្រួសារគាត់ នឹងត្រឡប់មកវិញនឹងការស្រលាញ់ដូចគ្នា ទោះបីតិចច្រើន យ៉ាងហោចណាស់ក៏បានកាហ្វេមួយពេលជាមួយម្តាយនិយាយគ្នាលេងដែរ។ ២.ការសិក្សា អប់រំកូន ផ្តល់ជាចំណេះ ចំណាយលើការរៀនធំទៅគាត់នឹងរកលុយបានខ្លួនឯងជំនាញអ្វីធ្វើនឹង។ ៣.ផ្តល់សេរីភាព មិនបាច់ទៅណាគិតតែពីគ្រួសារ ម៉ែឪពេកទេ កូនចង់ទៅ ទៅ កុំរុញរា ដើរទៅរកអ្វីដែលជាខ្លួនឯង ដើរឲ្យច្រើន កុំឲ្យដូចម៉ែស្តាយក្រោ យ ភ័យខាងមុខខ្លាចបាត់បង់ចុងក្រោយមានតែពាក្យថាចាំឲ្យកូនធំៗ…។ ៤.ចាស់ទៅម្តាយសុំតែទៅនៅស្រុកស្រែមានលុយខ្លះ relax កូនៗ បន្តជីវិតពីម្តាយម្តងទៅ តែកុំរស់តានតឹងពេក ជីវិតកុំល្មោភទ្រព្យយសពេក ធ្វើអ្វីដែលមានប្រយោជន៍ដល់ជាតិមិនប៉ះពាល់គេទៅបានហើយ លុយល្មមៗ ទៅ បើរកបានច្រើនដោយការកេងបន្លំមិនបាច់យកមកទេ ស្លាប់ទៅទុកឲ្យតែកូនបំផ្លាញចោលទេ ហើយស្អុយកិត្តិយសតពូជ»។

ប្រាកដណាស់ ខាត់ សុឃីម បច្ចុប្បន្នត្រូវបានគេកត់សម្គាល់ថា នាងជាតារាស្រីពហុជំនាញរបស់ខ្មែរមួយរូបដែលកំពុងតែទទួលបានផ្លែផ្កាជោគជ័យលើមុខជំនួញផ្ទាល់ខ្លួន ក៏ដូចជាអាជីពសិល្បៈទាំងសម័យ និងបុរាណជាដើម។ សកម្មភាពនេះ អាចចាត់ទុកថាជាជោគជ័យដ៏ធំរបស់អ្នកនាង ខាត់ សុឃីម បន្ថែមទៀត បន្ទាប់ពីអាជីពសិល្បៈបច្ចុប្បន្នកំពុងមមាញឹកនៅតាមបណ្ដាកម្មវិធីមង្គលការមួយចំនួន ហើយនាងក៏នៅតែរក្សាបានសន្ទុះ នៃការគាំទ្រ និងមានប្រជាប្រិយភាពខ្លាំងមិនចាញ់មិត្តភ័ក្ដិរួមជំនាន់ឡើយ៕

អត្ថបទ ៖ ចាន់រ៉ា