ជីវិតកម្សាន្ដ

សមាគមសិល្បករ បំភ្លឺ ក្រោយសិល្បករមួយចំនួនប្រតិកម្មរឿងគ្មានឈ្មោះទទួលមេដាយកិត្តិយស

បានផុស

១១ ខែ មុន

នៅ

ថ្ងៃពុធ ២៤ មេសា ២០២៤

ដោយ

បន្ទាប់ពីមានការវែកញែក និងប្រតិកម្មមួយចំនួនពីសំណាក់សិល្បករ-សិល្បការិនីខ្មែរពាក់ព័ន្ធរឿងមិនមានឈ្មោះទៅទទួលមេដាយកិត្តិយសទីបំផុតសមាគមសិល្បករខ្មែរចេញសេចក្តីបំភ្លឺលើករណីនេះហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រាកដណាស់ប៉ុន្មានថ្ងៃមកនេះគេសង្កេតឃើញមានអ្នកសិល្បៈមួយចំនួនបានសម្តែងការអាក់អន់ចិត្ត ខណៈដែលពួកគេពុំមានឈ្មោះដើម្បីទទួលបានគ្រឿងឥស្សរិយយសដូចសិល្បករ-សិល្បការិនីដទៃទៀតដែលអ្នកទាំងនោះមានឈ្មោះទទួលបានគ្រឿងឥស្សរិយយសនាថ្ងៃស្អែកនេះ។

ទន្ទឹមនឹងប្រតិកម្មនេះសមាគមសិល្បករខ្មែរក៏បានចេញចេញសេចក្ដីបំភ្លឺដោយលើកឡើងដូច្នេះថា សមាគមសិល្បករខ្មែរជម្រាបជូនដល់បងប្អូនសិល្បករ- សិល្បការិនីដែលជាសមាជិកសមាជិការបស់សមាគមឱ្យបានជ្រាបថា កន្លងមកសមាគមបានបញ្ជូនឈ្មោះសមាជិក សមាជិកា ដែលមានសកម្មភាពជាមួយសមាគមមួយចំនួនធំដើម្បីឱ្យគណៈកម្មការរបស់ក្រសួងវប្បធម៌ និងវិចិត្រសិល្បៈវាយតម្លៃដើម្បីទទួលបានមេដាយ ឬក៏អត់។

សូមបញ្ជាក់ថា សមាគមសិល្បករខ្មែរគ្រាន់តែជាផ្នែកមួយក្នុងការបញ្ជូនសមាជិករបស់ខ្លួនទៅកាន់ក្រសួងវប្បធម៌និងវិចិត្រសិល្បៈប៉ុណ្ណោះ។ ហើយក្រសួងវប្បធម៌ និងវិចិត្រសិល្បៈជាអ្នករៀបចំវាយតម្លៃដើម្បីជូនមេដាយទៅកាន់សិល្បករគ្រប់ទម្រង់ រួមទាំងសមាគមផ្សេងៗទៀតដែលជ្រកក្រោមក្រសួងផងដែរ។

សូមជម្រាបថា នៅថ្ងៃទី២៥ ខែមេសា ឆ្នាំ២០២៤ ស្អែកនេះនឹងមានការរៀបចំពិធីជួបជុំ”ពិសាអាហារសាមគ្គី និង បំពាក់គ្រឿងឥស្សរិយយសជូនលោកគ្រូ អ្នកគ្រូ និងសិល្បករ-សិល្បការិនី ដែលមានស្នាដៃល្អឆ្នើម” ដែលនឹងប្រព្រឹត្តទៅនាមណ្ឌលសន្និបាត និងពិព័រណ៌កោះពេជ្រ៕

អត្ថបទ៖ ចាន់រ៉ា

Related Topics:សមាគមសិល្បករខ្មែរ