ជីវិតកម្សាន្ដ

ក្រោយចេញពីក្រុម Jacksonហ៊ានទម្លាយរឿងក្នុងចិត្ត ពេលនៅក្រោមការគ្រប់គ្រងរបស់ JYP

បានផុស

៤ years មុន

នៅ

ថ្ងៃអង្គារ ២៣ កុម្ភៈ ២០២១

ដោយ

រឿងរ៉ាវមួយចំនួនអំពី Jackson ដែលត្រូវបានគេស្គាល់ច្បាស់ថាជាអតីតសមាជិក GOT7 បានទម្លាយចេញពីបន្ទាប់ពីកុងត្រារបស់លោកនឹង JYP Entertainment ត្រូវបានបញ្ចប់តាមរយៈកម្មវិធីមួយ «Get Real»។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អំឡុងពេលនិយាយក្នុងកម្មវិធីនោះ Jackson បាននិយាយបន្ថែមអំពីការការផ្សព្វផ្សាយតន្រ្តីទោលរបស់លោក នៅពេលដែលលោកនៅក្នុងផលិតកម្ម JYP Entertainment។ ពិតជាធ្វើឲ្យអ្នកទស្សនាបានស្តាប់និងបានដឹងមានការភ្ញាក់ផ្អើលយ៉ាងខ្លាំង ដោយតារាប្រុសរូបនេះ បាននិយាយថា លោកមិនត្រូវបានអនុញ្ញាត ឲ្យផ្សព្វផ្សាយអាល់ប៊ុមទោលនៅកូរ៉េនោះទេ ក្នុងពេលស្ថិតក្រោមកិច្ចសន្យារបស់ JYP។

តារាប្រុសរូបនេះបន្តថា «ខ្ញុំអាចធ្វើការនៅគ្រប់ទីកន្លែងលើកលែងតែប្រទេសកូរ៉េ។ នោះគឺជាកិច្ចព្រមព្រៀង។ ចាប់តាំងពីកិច្ចសន្យាបានបញ្ចប់ខ្ញុំកំពុងព្យាយាមនាំអ្វីគ្រប់យ៉ាងត្រឡប់មកវិញ” ហើយបានបន្តទៀតថា “ឆ្នាំនេះភាគច្រើនក្នុងឆ្នាំនេះអ្នករាល់គ្នាកំពុងព្យាយាម ដើម្បីរៀបចំធ្វើអ្វីជារបស់ពួកគេផ្ទាល់។

ខណៈពេលដែលកំពុងចាក់ផ្សាយ Jackson ក៏បាននិយាយដោយសម្គាល់ឃើញថា «យើងកំពុងរស់នៅក្នុងជីវិតរបស់យើង ហើយគ្មាននរណាម្នាក់គួរវិនិច្ឆ័យយើង ហើយយើងក៏មិនគួរខ្វល់ពីអ្វីដែលមនុស្សផ្សេងទៀត។ តើពួកគេឃើញយើងទេ? អ្នករស់នៅក្នុងជីវិតរបស់អ្នកដឹងទេ? ខ្ញុំគិតច្រើនពេក ស្ត្រេស»។