ជីវិតកម្សាន្ដ

ខាត់ សុឃីម ទឹកភ្នែកហូរមិនដឹងខ្លួន ពេលរម្លឹកដល់ ឪពុក និងប្អូនប្រុសក្នុងថ្ងៃពិសេស

បានផុស

១០ ខែ មុន

នៅ

ថ្ងៃសុក្រ ២៦ មេសា ២០២៤

ដោយ

តារាស្រីពហុជំនាញដ៏មានប្រជាប្រិយភាពផ្នែកសិល្បៈគ្រប់ទម្រង់អ្នកនាង ខាត់ សុឃីម បានរម្លឹកដល់លោកឪពុក និងប្អូនប្រុសជាទីស្រលាញ់លោក ខាត់ ចំរើន ដែលចែកឋានទៅដោយក្ដីក្ដុកក្ដួលខ្លាំង ខណៈថា ពេលនឹកឃើញដល់បុគ្គលសំខាន់ទាំង ២ រូបនេះធ្វើឲ្យទឹកភ្នែកនាងស្រក់ហូរដោយមិនដឹងខ្លួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការលើកឡើងរបស់តារាស្រីសម្តីចាក់ទឹកមិនលិចអ្នកនាង ខាត់ សុឃីម នាពេលនេះស្របពេលដែលនាង និងបងប្អូនមួយចំនួនទៀងតមានឱកាសដ៏ពិសេសគឺការបានកិត្តិយសទទួលនូវគ្រឿងឥស្សរិយយសទើបធ្វើឲ្យ
តារាស្រីរូបនេះនឹកឃើញដល់លោកឪពុក និងប្អូនប្រុសជាទីស្រលាញ់ គឺលោក ខាត់ ចំរើន។

អ្នកនាង ខាត់ សុឃីម បានរៀបរាប់ថា «ពុកអើយ កូនៗ ទៅទទួលកិត្តិយសជូនពុកហើយ លោកឪពុកដ៏មហិមារបស់កូនៗ ប្អូនប្រុសដ៏ល្អរបស់បងខំសាងកិត្តិយសឡើងយូរឆ្នាំប្អូនមិនទាន់បានទទួលតែពេលនេះប្អូនទៅឋានសុខហើយ សូមអរគុណបងប្អូនអ្នកគាំទ្រ គ្រួសារ ខាត់ របស់ខ្ញុំ(ទឹកភ្នែកខ្ញុំហូរមកហើយ សុំទោសបងប្អូន)។

ប្រាកដណាស់តារាពហុជំនាញអ្នកនាង ខាត់ សុឃីម គេសង្កេតឃើញថាជារឿយៗនាងតែងតែចេញមករម្លឹកនឹកឃើញពីអនុស្សាវរីយ៍ជាច្រើនចំពោះលោកឪពុកជាទីស្រលាញ់ និងប្អូនប្រុសតារាកំប្លែងលោក ខាត់ ចំរើន បន្ទាប់ពីអ្នកទាំង ២បានលាចាកលោកដោយគ្មានថ្ងៃត្រឡប់វិញឡើយ។

សូមជម្រាបដែរថាកាលពីថ្ងៃទី២៥ ខែមេសា ឆ្នាំ២០២៤ ម្សិលមិញនេះ គឺមានការរៀបចំពិធីជួបជុំ “ពិសាអាហារសាមគ្គី និងបំពាក់គ្រឿងឥស្សរិយយសជូនលោកគ្រូអ្នកគ្រូ និងសិល្បករ- សិល្បការិនី ដែលមានស្នាដៃល្អឆ្នើម” ដែលបានប្រព្រឹត្តទៅនាមណ្ឌលសន្និបាត និងពិព័រណ៌កោះពេជ្រ ខណៈបងប្អូនត្រកូល ខាត់ ក៏មានវត្តមានទទួលបានគ្រឿងឥស្សរិយយសនេះផងដែរ៕

អត្ថបទ៖ ចាន់រ៉ា