ជីវិតកម្សាន្ដ

Yaya វិះនឹងដួលសន្លប់ ព្រោះតែអាកាសធាតុក្ដៅខ្លាំងក្នុងប្រទេសថៃ

បានផុស

១២ ខែ មុន

នៅ

ថ្ងៃសុក្រ ២៦ មេសា ២០២៤

ដោយ

តារាសម្ដែងថៃ Yaya Urassaya បានបង្ហោះនូវរូបភាពមួយសន្លឹកកតាមរយៈ Instagram Story ផ្ទាល់ខ្លួន ប្រាប់អ្នកគាំទ្រថា នាងហត់នឿយ វិះតែនឹងដួលសន្លប់ក្រោមកំដៅថ្ងៃក្ដៅខ្លាំងសឹងតែរលាកខ្លួន។ នេះបើយោងតាមការចុះផ្សាយពីសារពត៌មាន Sanook នៅថ្ងៃទី២៦ ខែមេសា ឆ្នាំ២០២៤។

ជាមួយនឹងសារបញ្ជាក់យ៉ាងវែងអន្លាយ តារាស្រីរូបនេះបានសរសេរថា “ថ្ងៃនេះក្តៅខ្លាំងណាស់! ខ្ញុំស្ទើរតែដួលសន្លប់ជាលើកដំបូងក្នុងជីវិតរបស់ខ្ញុំ។ វិលមុខទៀតខ្លាំងយកតែមែនទែន ប៉ុន្តែខ្ញុំត្រូវតែប្រយុទ្ធជាមួយអ្នករាល់គ្នាដែលធ្វើការនៅខាងក្រៅ វាពិតជាក្តៅខ្លាំងណាស់”។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លើសពីនេះគេក៏បានដឹងទៀតថា Yaya គឺជាតួសម្តែងក្នុងរឿង One Roi My Cherie Amour ផលិតក្នុងឆ្នាំ២០២៤ នៅកោះក្រដាន់ ខេត្ត Trang ចំពេលដែលសីតុណ្ហភាពឡើងខ្ពស់ជិត ៤០អង្សាសេដែលធ្វើឲ្យមនុស្សម្នានៅតំបន់នោះពិបាករស់នៅ និងទ្រាំទ្រជាមួយនឹងអាកាសធាតិសឹងពុំបានឡើយ។

យ៉ាងណាក៏ដោយ បន្ទាប់ពីតារាស្រីស្ថិតក្រោមទ្រនំប៉ុស៍លេខ៣ថៃរូបនេះបានប្រកាសជាសាធារណៈរួចមក អ្នកគាំទ្រជាច្រើនស្រាប់តែចូលទៅបញ្ចេញមតិក្នុងន័យព្រួយបារម្ភចំពោះ YaYa ជាខ្លាំង។ ម្នាក់ៗបានប្រាប់ឲ្យនាងថែរក្សាខ្លួននិងសុខភាពឲ្យមែនទែន ព្រោះប្រទេសថៃពេលនេះកំពុងរងនៅអាកាសធាតុក្ដៅខ្លាំង ខុសពីឆ្នាំមុន ដែលធ្វើឲ្យជនជាតិថៃជាច្រើននាក់ដួលសន្លប់ ខ្លះក៏ដាច់សសៃឈាមខួរក្បាលថែមទៀត៕