ជីវិតកម្សាន្ដ

Han Hye Jin អង្វរសុំឯកជនភាព ក្រោយទទួលការឈ្លានពាននៅវីឡារបស់នាង

បានផុស

៥ ខែ មុន

នៅ

ថ្ងៃចន្ទ ២៩ មេសា ២០២៤

ដោយ

តារាម៉ូដែល Han Hye-jin បាននិយាយជាសាធារណៈ អំពីបញ្ហានៃអ្នកមកលេងផ្ទះវីឡារបស់នាងក្នុងទីក្រុង Hongcheon ដោយបង្ហាញការភ័យខ្លាច និងអង្វរសុំឯកជនភាព។ នេះបើយោងតាមការចុះផ្សាយពីប្រភព Allkpop នៅថ្ងៃទី២៩ ខែមេសា ឆ្នាំ២០២៤។

តារាម៉ូដែលរូបនេះ បានបង្ហោះលើបណ្តាញសង្គមរបស់នាង ដើម្បីដាស់តឿនមនុស្សកុំឲ្យទៅលេងផ្ទះឯកជនរបស់នាង។ នាងបានបង្ហោះសាររួមជាមួយរូបថត និងវីដេអូដែលបង្ហាញពីរថយន្តមិនស្គាល់អត្តសញ្ញាណមួយគ្រឿងនៅមុខផ្ទះវីឡារបស់នាង ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងការបង្ហោះរបស់ Han Hye-jin បានចង្អុលប្រាប់អំពីរថយន្ត និងបានរំលឹកឡើងវិញនូវការអង្វររបស់នាងថា “សូមកុំមកទីនេះ! ស្លាកលេខរថយន្តក៏ត្រូវបានថតដោយ CCTV ដែរ។ ខ្ញុំកំពុងសួរអ្នក វាពិតជាគួរឲ្យខ្លាចណាស់” ។

ពីមុននៅក្នុងខែមករា តារាស្រីកូរ៉េរូបនេះ បានចែករំលែកឧបទ្ទវហេតុមួយនៅលើកម្មវិធីផ្សាយតាមអ៊ីនធឺណិត ដែលនាងជួបប្រទះការលុកលុយឯកជនភាព។ នាងបានរៀបរាប់ថា “ថ្មីៗនេះ ពេលខ្ញុំនៅផ្ទះតែម្នាក់ឯង ខ្ញុំឃើញគូស្នេហ៍វ័យកណ្តាលមួយគូកំពុងផឹកតែ និងថតរូបនៅក្នុងទីធ្លារបស់ខ្ញុំ ពួកគេថែមទាំងបានចតឡាននៅចំកណ្តាល។ សម្រាប់ការសំរាកលំហែ។”

នាងបានបន្តដោយពន្យល់ថា គូស្នេហ៍មួយគូនេះបានរកឃើញផ្ទះរបស់នាងដោយការមើល YouTube និងទូរទស្សន៍។ ទោះជាត្រូវបានស្នើសុំឲ្យចាកចេញដោយគួរសម ព្រោះវាជាកម្មសិទ្ធិឯកជន ប៉ុន្តែដំបូងឡើយពួកគេបានយល់ព្រម ប៉ុន្តែបន្ទាប់មកបានបន្តទៅថតរូបបន្ថែមទៀតនៅជិតព្រែក។

សូមជមម្រាបជូនដែរថា Han Hye-jin បានសាងសង់វីឡាផ្ទាល់ខ្លួនមួយនៅ Hongcheon ខេត្ត Gangwon ។ ជីវិតរបស់នាងនៅទីក្រុង Seoul និង Hongcheon រួមទាំងបទពិសោធន៍នៃការរស់នៅជនបទរបស់នាងត្រូវបានបង្ហាញនៅលើ “My Ugly Duckling” របស់ SBS និងប៉ុស្តិ៍ YouTube ផ្ទាល់ខ្លួនរបស់នាង ដែលទាក់ទាញចំណាប់អារម្មណ៍សាធារណៈយ៉ាងសំខាន់៕