ជីវិតកម្សាន្ដ

Justin Bieber បង្ហោះរូបយំ រួចក៏លុបចោលភ្លាមៗដោយពុំដឹងមូលហេតុ

បានផុស

៩ ខែ មុន

នៅ

ថ្ងៃចន្ទ ២៩ មេសា ២០២៤

ដោយ

កាលពីល្ងាចថ្ងៃទី ២៨ ខែមេសា Justin Bieber ស្រាប់តែបង្ហោះរូប Selfie ចំនួនពីរសន្លឹក នៅលើ Instagram ផ្ទាល់ខ្លួនរបស់លោក ដោយតារាចម្រៀងប្រុសរូបនេះបានបង្ហាញមុខមាត់ និងពុកមាត់ តែទឹកមុខហាក់ចង់យំបន្តិច។

អ្វីដែលគួរឲ្យកត់សម្គាល់ គឺក្រោយបង្ហោះប៉ុន្មាននាទី ម្ចាស់បទ “Baby” ស្រាប់តែលុបការបង្ហោះនោះចោលភ្លាម!។ ទង្វើចម្លែករបស់ Justin Bieber ធ្វើឲ្យអ្នកគាំទ្រភ្ញាក់ផ្អើល ចង់ដឹងពីមូលហេតុដែលធ្វើឲ្យរូបលោកស្រក់ទឹកភ្នែកបែបនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះយ៉ាងណាក៏ដោយ នៅលើបណ្តាញសង្គម រូបថតចំនួនពីរសន្លឹករបស់លោកត្រូវបានចែករំលែកយ៉ាងទូលំទូលាយ។ នៅក្រោមផ្នែកមតិយោបល់ អ្នកគាំទ្រជាច្រើនបានវែកញ៉ែកហើយជឿថា Justin Bieber ស្រក់ទឹកភ្នែក ដោយសារតែគាត់រំជួលចិត្តខ្លាំងពេក បន្ទាប់ពីបានទស្សនារឿង “Queen Of Tears” ដែលជារឿងភាគរបស់ទូរទស្សន៍កូរ៉េនាពេលកន្លងមក។ ក្រៅពីនេះក៏មានមតិដែលស្មានថាតារាចម្រៀងប្រុសច្បាស់ជាបានចាកចេញពីរោងភាពយន្ត បន្ទាប់ពីរីករាយនឹងទស្សនាភាពយន្ត Face Off season 7។

មែនទែនទៅ អ្នកគាំទ្រគ្រាន់តែលេងសើចលើបណ្ដាញអ៉ិនធើណេតតែប៉ុណ្ណោះ ចំពោះមូលហេតុពិតដែល Justin Bieber សម្រកទឹកភ្នែកនៅតែជាអាថ៌កំបាំង។ ទស្សនិកជនក៏បានកត់សម្គាល់ដែរថា ក្រៅពីរូបថតយំទាំងពីរសន្លឹក តារាចម្រៀងប្រុសរូបនេះ ក៏បានបង្ហោះនៅលើទំព័រផ្ទាល់ខ្លួន នូវស្នាមញញឹម Selfie ជាបន្តបន្ទាប់ មើលទៅពិតជាសប្បាយរីករាយមែនទែន។ ប្រហែលជាទឹកភ្នែកគ្រាន់តែជាអារម្មណ៍បណ្តោះអាសន្នប៉ុណ្ណោះ។

សូមរម្លឹកដែរថា កាលឆ្នាំ២០២២ Justin Bieber បានធ្វើឲ្យមានការព្រួយបារម្ភនៅពេលដែលគាត់បានប្រកាសថាគាត់មានរោគសញ្ញា Ramsay Hunt ។ ជំងឺកម្រប៉ះពាល់ដល់សរសៃប្រសាទ ធ្វើឲ្យតារាចម្រៀងប្រុសពិការមុខមួយផ្នែកនៃផ្ទៃមុខ។ ជាក់ស្តែង Justin បានបង្ហើបថា គាត់មិនអាចញញឹម ហើយច្រមុះរបស់គាត់ក៏មិនអាចធ្វើចលនាបានដែរ។នៅពេលនោះ លោកត្រូវបង្ខំចិត្តលុបចោលកម្មវិធីជាច្រើន ដើម្បីផ្តោតលើការព្យាបាល ហើយបច្ចុប្បន្ននេះជំងឺកម្របានជាសះស្បើយ៕