ជីវិតកម្សាន្ដ

អ្នកគាំទ្របញ្ចេញប្រតិកម្ម ក្រោយរឿងភាគកូរ៉េ ‘Queen of Tears’ ឈានដល់ទីបញ្ចប់

បានផុស

៨ ខែ មុន

នៅ

ថ្ងៃអង្គារ ៣០ មេសា ២០២៤

ដោយ

រឿងភាគកូរ៉េក្រោមចំណងជើងថា ‘Queen of Tears’ សម្តែងដោយ Kim Soo Hyun និង Kim Ji Won បានបំបែកឯតទគ្គកម្ម ក្លាយជាភាពយន្តដែលមានអត្រាខ្ពស់បំផុតក្នុងប្រវត្តិសាស្ត្ររបស់ទូរទស្សន៍ tvN និងបន្សល់ទុកនូវឥទ្ធិពលយូរអង្វែង។ ប៉ុន្តែ វគ្គចុងក្រោយនៃចុងបញ្ចប់ (ភាគទី ១៦) បានបង្កឲ្យមានប្រតិកម្មចម្រុះ ក្នុងចំណោមអ្នកទស្សនារាប់លាននាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងវគ្គចុងក្រោយដែលបានចាក់ផ្សាយនៅថ្ងៃទី ២៨ ខែមេសា តួឯក Baek Hyun Woo (សម្តែងដោយ Kim Soo Hyun) និង Hong Hae In (សម្តែងដោយ Kim Ji Won) បានប្រឈមមុខជំនះឧបសគ្គជាច្រើនដើម្បីការពារស្នេហារបស់ពួកគេ។ ការគំរាមកំហែងដល់គូស្នេហ៍ Baek-Hong គឺ Yoon Eun Sung (សម្តែងដោយ Park Sung Hoon) បានឈានដល់ទីបញ្ចប់នៅក្នុងការបាញ់ប្រហាររបស់ប៉ូលិស ហើយម្តាយរបស់ Yoon Eun Sung គឺ Mo Seul Hee (សម្តែងដោយ Lee Mi Sook) បានលាតត្រដាងពីបទឃាតកម្ម របស់ Hong Man Dae (សម្តែងដោយ Kim Kap Soo) ដោយប្រឈមមុខនឹងយុត្តិធម៌។

បន្ទាប់ពីជំន្នះភាពលំបាកផ្សេងៗ Baek Hyun Woo និង Hong Hae In បានស្បថយ៉ាងឱឡារិកថា នឹងចំណាយពេលពេញមួយជីវិតរបស់ពួកគេជាមួយគ្នាតទៅ។ ឈុតឆាកដ៏គួរឲ្យចាប់អារម្មណ៍មួយបានពិពណ៌នាអំពីជីវិតរបស់ពួកគេក្នុងនាមឪពុកម្តាយចំពោះកូនស្រីដ៏ស្រស់ស្អាត មុនពេលផ្លាស់ប្តូរទៅកាន់បុរសចំណាស់ Baek Hyun Woo ដោយបានទៅលេងផ្នូររបស់ Hong Hae In ។ នៅទីបំផុត ពេលវេលាដ៏គួរឲ្យរំភើបមួយបានបង្ហាញឲ្យឃើញគូស្នេហ៍មួយគូនេះជួបជុំគ្នាឡើងវិញនៅឯស្ថានសួគ៌។

ប្រតិកម្មរបស់អ្នកមើលចំពោះការបញ្ចប់នេះមានភាពខុសប្លែកគ្នា ដោយខ្លះបង្ហាញពីការពេញចិត្តក្នុងជម្រៅអារម្មណ៍របស់ភាពយន្ត ខណៈពេលដែលអ្នកផ្សេងទៀតមានអារម្មណ៍ខកចិត្ត ដោយជឿថា តួអង្គជួបនឹងការបញ្ចប់ដ៏សោកសៅបំផុត។

អ្នកលេងអ៊ីនធឺណិតបានបញ្ចេញមតិថា ការបញ្ចប់ដូចជានៅឆ្ងាយពេក យើងគ្រាន់តែចង់ឃើញពួកគេរៀបការម្ដងទៀត ហើយរស់នៅយ៉ាងមានសុភមង្គល ប៉ុន្តែមិនចង់ឃើញការស្លាប់នេះទេ។ យប់ថ្ងៃអាទិត្យបានបញ្ចប់យ៉ាងធ្ងន់ធ្ងរ មិននឹកស្មានថា វាក្លាយជាបែបនេះរហូតដល់ទីបញ្ចប់ អ្នកនិពន្ធបានបញ្ជូនសាច់រឿង ហើយបន្ទាប់មកបានបញ្ជូនតួអង្គសំខាន់ៗទៅឋានសួគ៌ ។ បំណងរបស់អ្នកនិពន្ធ អ្នកទស្សនាពិតជាយល់ណាស់ តែពួកគេមិនចង់ឃើញការបញ្ចប់ក្នុងរឿងបែបនេះតេ។ ការបញ្ចប់បានធ្វើឲ្យអ្វីគ្រប់យ៉ាងដែលអ្នកគាំទ្របានតាមដានកន្លងមក មានអារម្មណ៍ថាទទេស្អាតពេកហើយ។

ទោះជាយ៉ាងណាក៏ដោយ ភាពយន្តកូរ៉េមួយនេះទទួលបានអត្រាអ្នកទស្សនាវគ្គចុងក្រោយ ២៤.៩% លើសពីរឿង ‘Crash Landing on You’ ដើម្បីក្លាយជារឿងភាគប្រវត្តិសាស្ត្រដែលមានការវាយតម្លៃខ្ពស់បំផុតរបស់ tvN ។ លើសពីនេះ តារាសម្ដែង Kim Soo Hyun និង Kim Ji Won គ្រោងនឹងបំពេញការសន្យារបស់ពួកគេចំពោះ “Baek-Hong Sweet Challenge” ដើម្បីសម្រេចបានការវាយតម្លៃបំបែកកំណត់ត្រាថែមទៀតផង៕