ជីវិតកម្សាន្ដ

នី មុន្នីនាថ៖ គ្រាន់តែបង្ហាញពីវប្បធម៌ដ៏ផូរផង់របស់ប្រទេសខ្ញុំសោះ ក៏អ្នកច្រណែនដែរ

បានផុស

៨ ខែ មុន

នៅ

ថ្ងៃព្រហស្បតិ៍ ២ ឧសភា ២០២៤

ដោយ

តារាសម្តែងពូកែខាងទឹកភ្នែកកញ្ញា នី មុន្នីនាថ បានចេញមុខឆ្លើយតបភ្លាមៗបន្ទាប់ពីមានអ្នកប្រើប្រាស់បណ្តាញសង្គមហ្វេសប៊ុកដែលជាជនជាតិថៃបានធ្វើការរិះគន់ដោយភាពច្រណែនទៅលើការតុបតែងខ្លួនបង្ហាញពីវប្បធម៌ដ៏ផូរផង់ប្រទេសកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រាកដណាស់តារាស្រីរូបស្រស់កញ្ញា នី មុន្នីនាថ មុននេះនៅលើបណ្ដាញសង្គមហ្វេសប៊ុកផ្ទាល់ខ្លួនបានបង្ហោះវីដេអូមួយតាមរយៈការតុបតែងខ្លួនយ៉ាងស្រស់ស្អាតក្នុងឈុតអប្សរារាំល្វតល្វន់ក្នុងបទ«មហោរី»។ ក្នុងនោះ នី មុន្នីនាថ បានលើកឡើងថា ស្រលាញ់គឺជាការថែរក្សា ស្រលាញ់គឺជាការចែករំលែកទោះមិនសូវល្អតែអ្វីទាំងអស់នេះគឺជាការដែលលះបង់ និងស្រលាញ់ខំធ្វើឱ្យអស់ពីសមត្ថភាពដើម្បីជាផ្នែកតូចមួយនៃការផ្សព្វផ្សាយ និងថែរក្សាវប្បធម៌ជាតិខ្មែរ ក្នុងនិយមន័យអភិវឌ្ឍន៍ដើម្បីអភិរក្ស។

បន្ទាប់ពីឃើញការបង្ហោះរបស់តារាស្រីរបស់ខ្មែរកញ្ញា នី មុន្នីនាថ ស្រាប់តែគេឃើញមានអ្នកប្រើប្រាស់សង្គមហ្វេសប៊ុកថៃមួយចំនួនបាននាំគ្នាចូលមកខមិនរិះគន់ដោយការច្រណែនមកលើតារាសម្តែងកញ្ញា នី មុន្នីនាថ ដែលបាននឹងកំពុងបង្ហាញពីវប្បធម៌ដ៏ផូរផង់ប្រទេសកម្ពុជាយ៉ាងគឃ្លើន។

ឆ្លើយតបការរិះគន់នោះដែរតារាស្រីកញ្ញា នី មុន្នីនាថ បានលើកឡើងដូច្នេះថា “នេះជារបស់ខ្មែរពិត ដូចសត្រូវជាមួយគ្នាពីជាតិមុនអ៊ីចឹង នាងខ្ញុំបង្ហាញពីវប្បធម៌ដ៏ផូរផង់របស់ប្រទេសនាងខ្ញុំសោះហ្នឹង ក៏ច្រណែនដែរ”។ កញ្ញា នី មុន្នីនាថ បានបំផុសបន្ថែមថា «វប្បធម៌រលត់ជាតិរលាយ វប្បធម៌ពណ្ណរាយ ជាតិថ្កើងថ្កាន»។

ជាមួយគ្នានេះក៏មានអ្នកគាំទ្រមួយចំនួនធំបានបញ្ចេញទស្សនៈថា «យើងរួមគ្នាធ្វើវីដេអូនឹងបានច្រើនទៅ, អ្នកជិតខាងច្រណែន ព្រោះគេគ្មានអ្វីដែលប្រទេសយើងមាន តែខ្ញុំនិយាយតាមត្រង់បងរាំស្អាតខ្លាំងណាស់, រក្សាតម្លៃរបស់យើងគ្រប់ទង្វើរ គ្រប់ពាក្យសម្ដីរបស់យើងគឺតែងតែមានអ្នកចាំមើល ចាំស្ដាប់ និងយកទៅនិយាយបន្តជានិច្ចវប្បធម៌របស់យើងពិតជាស្រស់ស្អាតអស្ចារ្យ និងថ្លៃថ្នូរខ្លាំងណាស់។

តារាសម្ដែងទឹកភ្នែក នី មុន្នីនាថ គឺជាបន្តបន្ទាប់គេតែងតែឃើញនាងបង្ហាញសារចូលរួមបំផុស ស្មារតីដល់បងប្អូនប្រជាពលរដ្ឋខ្មែរ និងសិល្បករ-សិល្បការិនី ក្នុងកិច្ចការងារសង្គមដូចជាការចូលរួមបរិច្ចាគឈាមជួយសង្គ្រោះអាយុជីវិតអ្នកដែលត្រូវការឈាមបន្ទាន់, ផ្សព្វផ្សាយការអប់រំផ្សេងៗជាដើម៕

អត្ថបទ៖ ចាន់រ៉ា