ជីវិតកម្សាន្ដ

ម្ចាស់មកុដវ័យក្មេង ជូរី ល្អហួស បញ្ចេញវីដេអូខ្មែរអប្សរា Makeup Trend ផ្ទុះការគាំទ្រខ្លាំង

បានផុស

៥ ខែ មុន

នៅ

ថ្ងៃសុក្រ ៣ ឧសភា ២០២៤

ដោយ

ដូចដែលធ្លាប់បានសន្យា ទីបំផុតម្ចាស់មកុដ Miss Preteen Junior Idol 2024 យុវតី ជូរី ល្អហួស បានបញ្ចេញវីដេអូដ៏អស្ចារ្យគឺការតុបតែងខ្លួនជាខ្មែរអប្សរា Makeup Trend បង្ហាញនៅលើបណ្ដាញសង្គមជាសាធារណៈ កាលពីព្រឹកថ្ងៃទី ០២ ខែឧសភា ឆ្នាំ ២០២៤។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈការបង្ហាញវីដេអូជាអប្សរា Makeup Trend របស់ម្ចាស់មកុដ Miss Preteen Junior Idol 2024 ជូរី ល្អហួស ពេលនេះ កំពុងធ្វើឲ្យមហាជនផ្ទុះការចាប់អារម្មណ៍ និងកោតសរសើរជាថ្មី បន្ទាប់ពីបវរកញ្ញាវ័យក្មេងរូបនេះ រំលេចខ្លួនដ៏ទាក់ទាញ ក្នុងនាមជាកូនខ្មែរទៅកាន់ទស្សនិកជនគ្រប់មជ្ឈដ្ឋាន។

រំលេចខ្លួនជាមួយការតុបតែងខ្លួនបែបនេះ ល្អហួស បានរៀបរាប់ថា «ខ្មែរ អប្សរា Makeup Trend ចេញមកហើយ តាមសំណូមពរពុកម៉ែបងប្អូនប្រជាជនកម្ពុជា ដោយប្រើបេះដូងក្នុងនាមជាកូនខ្មែរមកផលិតវីដេអូមួយនេះ។ Team ការងារអរគុណលោកពូ Kim San សម្រាប់ការចំណាយថវិកាផលិតវីដេអូជូនក្មួយ និងអរគុណដល់អ្នកគ្រូ ព្រះកាយ ច័ន្ទ សម្រាប់ការរៀបកាច់ក្បាច់អប្សរាជូនកូនអរគុណដល់បង Can Jokkomi & Lim Cheng ក្នុងការរៀបចំចង្វាក់ភ្លេង និងក្បាច់រាំ M akeup ជូនប្អូន»។

ទន្ទឹមគ្នា នៃការបញ្ចេញវីដេអូរបស់បវរកញ្ញាវ័យក្មេង ជូរី ល្អហួស នាពេលនេះ បានធ្វើឲ្យទស្សនិកជនជាច្រើនសម្តែងការគាំទ្រ និងមោទនភាពជាខ្លាំងចំពោះការបង្កើតវីដេអូខ្មែរអប្សរា Makeup Trend ពីសំណាក់ ជូរី ល្អហួស។

គេនៅចាំបានថា ក្រោយពីទទួលបានជោគជ័យនៅក្នុងការគ្រងមកុដ Miss Preteen Junior Idol 2024 នៅឆាកអន្តរជាតិ កាលពីថ្មីៗ នេះ ជូរី ល្អហួស បានបង្ហើបពីក្តីស្រមៃរបស់ខ្លួន ដោយចង់រាំរបាំអប្សរានៅប្រាសាទអង្គរវត្ត ដើម្បីផ្សព្វផ្សាយអំពីវប្បធម៌ អរិយធម៌ខ្មែរ ទៅកាន់ពិភពលោក៕

អត្ថបទ ៖ ចាន់រ៉ា