ជីវិតកម្សាន្ដ

តារាសម្តែង អ៊ុន សិទ្ធា ចាត់ទុក ២០២៤ ជាឆ្នាំស៊យរបស់ខ្លួន

បានផុស

៩ ខែ មុន

នៅ

ថ្ងៃអង្គារ ៧ ឧសភា ២០២៤

ដោយ

តារាសម្តែងប្រុសមាឌស្រស់សង្ហាលោក អ៊ុន សិទ្ធា បានចេញមកបញ្ជាក់ថា សម្រាប់ឆ្នាំ ២០២៤ នេះ គឺជាឆ្នាំដែលលោកជួបរឿងរ៉ាវស៊យស្ទើរមិនជឿ។ លោកក៏បានលើកឡើងថា ទោះបីជាយ៉ាងណា ក៏លោកមិនចុះចាញ់នោះដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាសម្តែងសម្បូរសាច់ដុំលោក អ៊ុន សិទ្ធា បានបង្ហោះសារខ្លីមួយនៅលើបណ្ដាញសង្គមហ្វេសប៊ុកផ្ទាល់ខ្លួនថា «ឆ្នាំនេះ ជាឆ្នាំស៊យរបស់ខ្ញុំ ខំប្រឹងងើបដើរទៅមុខបន្តទៀតឲ្យអស់ពីលទ្ធភាព អ៊ុន សិទ្ធា មិនងាយចុះចាញ់នោះទេ»។ តាមរយៈខ្លឹមសារនេះ បានធ្វើឲ្យអ្នកគាំទ្រជាច្រើនបញ្ចេញមតិសួរនាំគ្រប់គ្នា ដោយចង់ដឹងថា តើតារាប្រុសរូបនេះកំពុងជួបបញ្ហាអ្វី?។

ប៉ុន្តែទោះបីយ៉ាងណា តារាសម្តែងល្បីឈ្មោះលោក អ៊ុន សិទ្ធា មិនបានបញ្ជាក់ឲ្យដឹងទេថា លោកកំពុងជួបរឿងអ្វីនោះ។ ក្នុងនោះដែរ ក៏មានការបញ្ចេញមតិលើកទឹកចិត្តថា «កុំគិតទៅផ្លូវរឿងស៊យអ្វីកូន ជីវិតកើតមកចិត្តបុណ្យដូចកូនមានទេវតាតាមថែរក្សាជានិច្ចហើយ សំខាន់ធ្វើចិត្តឲ្យមាំទាំ កុំទោរទន់ពេកអី»។

សូមបញ្ជាក់ថា លោក អ៊ុន សិទ្ធា បានប្រឡូកក្នុងវិស័យសិល្បៈតាមរយៈការដើរម៉ូត ,សម្ដែងរឿង និងធ្វើជាពិធីករតាមកម្មវិធីផ្សេងៗ តាំងពីឆ្នាំ ២០០៦។ កិត្តិនាមរបស់លោកចាប់ផ្ដើមល្បីសុះសាយ និងទទួលបានការគាំទ្រច្រើនពីទស្សនិកជន បន្ទាប់ពីលោកបានដើរជាតួអង្គសំខាន់ម្នាក់ក្នុងរឿង “ស្បែកគង់” ព្រមទាំងរឿងខ្នាតធំ និងរឿងភាគដែលបញ្ចាំងលើកញ្ចក់ទូរទស្សន៍ជាច្រើនទៀត៕

អត្ថបទ ៖ ចាន់រ៉ា