ជីវិតកម្សាន្ដ

Bright ជាតារាថៃម្នាក់គត់ លេចមុខលើព្រឹត្តិការណ៍ MET GALA 2024

បានផុស

១០ ខែ មុន

នៅ

ថ្ងៃអង្គារ ៧ ឧសភា ២០២៤

ដោយ

Bright Vachirawit Chiwaaree បានក្លាយជាតារាប្រុសថៃដំបូងគេបង្អស់ក្នុងប្រទេស ដោយដើរលើកម្រាលព្រំក្រហម MET GALA 2024 ដែលជាព្រឹត្តិការណ៍ម៉ូដដ៏ធំបំផុតរបស់ពិភពលោក ក្រោយលោកក្លាយជាទូតសុឆន្ទៈឲ្យម៉ាកយីហោសកល Burberry ។

ក្នុងនាមជាទូតសុន្ទៈឲ្យម៉ាកយីហោសកលរបស់ Burberry និងជាតារាប្រុសថៃដំបូងគេ ដែលបានទទួលការងារនៅក្នុងព្រឹត្តិការណ៍ដ៏អស្ចារ្យនេះ MET GALA 2024 តារាប្រុសកូនកាត់ Bright បានធ្វើឲ្យអ្នកគាំទ្រជាច្រើនមានការភ្ញាក់ផ្អើលមិនស្ទើរនោះទេ ដោយសារតែលោកបង្ហាញមុខលើឆាកអន្តរជាតិដោយមិនឲ្យដំណឹងជាមុន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ព្រឹត្តិការណ៍ឆ្នាំនេះធ្វើឡើងនៅថ្ងៃទី ០៦ ខែឧសភា ឆ្នាំ ២០២៤ នៅសារមន្ទីរ Metropolitan Museum of Art ទីក្រុងញូវយ៉ក សហរដ្ឋអាមេរិក។ ឆ្នាំនេះប្រធានបទគឺ Sleeping Beauties: Reawakening Fashion និងសំលៀកបំពាក់ The Garden of Time ដែលមាន ZENDAYA, J.LO, BAD BUNNY និង CHRIST HEMSWORTH ធ្វើជាសហប្រធាន។

ក្នុងព្រឹត្តិការណ៍នេះ Bright បានបង្ហាញរូបរាងយ៉ាងស្រស់សង្ហាក្នុងឈុតនៃយីហោ Burberry ដែលបានរចនាយ៉ាងពិសេស។ ជាពិសេសផងដែរ ឈុតប្រណិតមួយនេះរចនា និងដេរដោយ Daniel Lee Bright ដែលមានអាវធំរាងស្រោបខ្លួន តុបតែងដោយប៉ាក់ផ្កា ខោក្រណាត់សូត្រដែលមានឆ្នូតចំហៀងយ៉ាងអស្ចារ្យបំផុត។

ទន្ទឹមនោះផងដែរ អ្នករៀបចំសារមន្ទីរ Met ក៏កំពុងរៀបចំការតាំងពិពណ៌មួយផងដែរគឺ Sleeping Beauties: Reawakening Fashion ដែលបង្ហាញសម្លៀកបំពាក់បុរាណជាប្រវត្តិសាស្ត្រជាង ២៥០ បំណែកនៅសារមន្ទីរ ចាប់ពីថ្ងៃទី ១០ ខែឧសភា ដល់ថ្ងៃទី០២ ខែកញ្ញា ឆ្នាំ២០២៤។

យ៉ាងណាមិញ ដ្បិតថា Bright ជាតារាថៃម្នាក់គត់ លេចមុខលើព្រឹត្តិការណ៍ MET GALA 2024 ក៏ពិតមែនតែនៅមានតារាអាស៊ីផ្សេងទៀតដូចជាក្រុម StrayKids និង Jennie ក្រុម Blackpink ជាដើម៕