ជីវិតកម្សាន្ដ

ផ្ទុះការវែកញែក! មាន សូនីតា ទម្លាយថាសិល្បៈស្រុកខ្មែរមានតែអ្នកហៃអើ

បានផុស

៥ ខែ មុន

នៅ

ថ្ងៃព្រហស្បតិ៍ ៩ ឧសភា ២០២៤

ដោយ

តារាស្រីធ្មេញជំពើស មាន សូនីតា ថ្វីត្បិតមានវ័យរាងជ្រេរបន្តិចមែនក្តី ប៉ុន្តែបើសង្កេតឃើញពីរូបសម្ផស្សរបស់តារាស្រីរូបនេះនៅតែរក្សាបានភាពស្រស់ស្អាតមិនចាញ់តារាស្រុកក្រៅឡើយ។ ជាក់ស្តែងចាប់អារម្មណ៍នៅលើបណ្តាញសង្គមហ្វេសប៊ុករបស់នាងជារឿយៗតែងតែបង្ហោះរូបភាពជាបន្តបន្ទាប់ដោយមានលក្ខណៈខុសប្លែកពីគ្នា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រាកដណាស់បើតាមការកត់សម្គាល់ទោះបីជាពេលនេះ មាន សូនីតា កន្លងមកត្រូវបានគេដឹងថានាងជា តារាស្រីម្នាក់ដែលតែងចូលចិត្តបង្ហាញពីសកម្មភាពផ្សេងៗក្នុងដំណើរកម្សាន្តជាបន្តបន្ទាប់មិនថាឡើយនៅក្នុង ឬក្រៅប្រទេសនោះទេ។ រូបភាពដែលត្រូវបានតារាសម្តែង មាន សូនីតា យកទៅបញ្ចេញនៅលើបណ្តាញសង្គមភាគច្រើនទទួលបានការសរសើរពីសំណាក់អ្នកគាំទ្រ។

លើសពីនេះថ្មីៗនេះកញ្ញា មាន សូនីតា បានបញ្ចេញវីដេអូក្នុងសកម្មភាពថតសម្តែង ជានាងមច្ឆានៅក្នុងទឹកខណៈមានមហាជនមួយចំនួនសរសើរ រីឯខ្លះទៀតបានរិះគន់ផងដែរ។ ឆ្លើយតបដោយខ្លី មាន សូនីតា បានលើកឡើយថា «សិល្បៈស្រុកយើងមានតែអ្នកហៃអើរ ៗ …»។

អ្នកនាង គង់ ច័ន្ទស្រីមុំ បានលើកឡើងដែរថា «អស្ចារ្យណាស់យាយសូមសសើរចេញពីចិត្ត។ ពិធីករលោក ជា វាណ្ណារិទ្ធ បាននិយាយដែរថា ទាំងនេះជាអ្វីដែលអាចឲ្យបងប្អូនយល់ពីទុក្ខលំបាកនៃការថត។អ្នកមើលអ្នកថាស្រួលណាស់តែអ្នកសម្ដែនិងអ្នកធ្វើទើបពិបាក តែយើងក៏មិនអាចបន្ទោសពួកគាត់បានដែរព្រោះគាត់មិនដឹងពីការលំបាករបស់សិល្បៈ ជូនពរសុខភាពល្អអាយដល មាន សូនីតា»។

តាមរយៈរូបភាពនេះដែរ ក៏មានអ្នកគាំទ្រនាងបានលាន់មាត់សរសើរថា ថ្វីត្បិតតែពេលនេះនាងមានវ័យជ្រេបន្តិចក៏ពិតមែនតែរូបសម្រស់របស់នាងនៅតែស្រស់ស្អាតដដែល។ ចំណែកខ្លះទៀតបាននិយយាយដែរថា មាន សូនីតា ជានារីមានទំនុកចិត្តលើខ្លួនឯង៕

អត្ថបទ៖ ចាន់រ៉ា